Womens Health: మహిళలు ఉదయం బ్రేక్‌ఫాస్ట్ ఎందుకు మానకూడదు? డాక్టర్లు చెప్పిన 5 సమస్యలు ఇవే

Never Skip Breakfast | ఉదయం పూట తినే బ్రేక్ ఫాస్ట్ మహిళలకు బ్లడ్ షుగర్‌ను సమతుల్యంగా ఉంచడంలో కీలక పాత్ర పోషిస్తుంది. ఎక్కువ గంటలు ఖాళీ కడుపుతో ఉండటం వల్ల షుగర్ లెవల్స్ పెరుగుతాయి.

మహిళలు బ్రేక్ ఫాస్ట్ స్కిప్ చేయకూడదు

Source : Pexels

Show Quick Read

Key points generated by AI, verified by newsroom

• బ్రేక్‌ఫాస్ట్ మానడం రక్తంలో చక్కెర స్థాయులను అస్థిరం చేస్తుంది.
• హార్మోన్ల అసమతుల్యత పెరిగి, పీసీఓఎస్ వంటి సమస్యలు తీవ్రమవుతాయి.
• శరీరానికి అవసరమైన ప్రోటీన్లు, విటమిన్లు, పోషకాలు అందక లోపం ఏర్పడుతుంది.
• ఆకలి నియంత్రణ హార్మోన్లు ప్రభావితమై, బరువు పెరిగే ప్రమాదం.

Womens Health: ఉదయం బ్రేక్‌ఫాస్ట్ అనేది రోజులో మనం తీసుకునే వాటిలో అత్యంత ముఖ్యమైన ఆహారం. కానీ నేటి బిజీ లైఫ్‌స్టైల్‌లో చాలా మంది ప్రతిరోజూ ఉదయం బ్రేక్‌ఫాస్ట్‌ తినడం లేదు. ఒక్కోసారి సమయం లేకపోవడం వల్ల, మరికొన్ని సార్లు బరువు తగ్గాలనే ప్రయత్నంలో మహిళలు బ్రేక్ ఫాస్ట్ మానేస్తున్నారు. అయితే, సుదీర్ఘ కాలం పాటు బ్రేక్‌ఫాస్ట్‌ను మానడం వల్ల శరీరానికి అవసరమైన పోషకాలు అందకపోతే, దాని ప్రభావం కేవలం శక్తిపైనే కాకుండా జీర్ణక్రియ,  హార్మోనల్ హెల్త్, మొత్తం ఆరోగ్యంపై కూడా పడుతుందని వైద్య నిపుణులు చెబుతున్నారు.

బ్లడ్ షుగర్‌లో హెచ్చుతగ్గులు 

మెడికల్ ఎక్స్‌పర్ట్స్ అభిప్రాయం ప్రకారం.. మహిళలకు ఉదయం పూట తినే ఆహారం బ్లడ్ షుగర్‌ను బ్యాలెన్స్‌డ్‌గా ఉంచడంలో కీలక పాత్ర పోషిస్తుంది. ఎక్కువ సమయం ఖాళీ కడుపుతో ఉండటం వల్ల బ్లడ్ షుగర్ స్థాయిలు అస్థిరంగా ఉంటాయి. దీని ప్రభావం వల్ల పగటిపూట స్వీట్లు లేదా జంక్ ఫుడ్ తినాలనే కోరిక మరింత పెరగవచ్చు. ఇలా రెగ్యూలర్‌గా జరగడం వల్ల బరువు పెరగడంతో పాటు భవిష్యత్తులో డయాబెటిస్ (మధుమేహం) వచ్చే ప్రమాదం పెరగవచ్చు.

హార్మోన్లకు సంబంధించిన సమస్యలు 

ముందే పీసీఓఎస్ (PCOS), థైరాయిడ్ లేదా ఇర్రెగ్యులర్ పీరియడ్స్ వంటి సమస్యలు ఉన్న మహిళలు ప్రతిరోజూ ఓకే సమయంలో ఆహారం తీసుకోవడం మరింత అవసరమని డాక్టర్లు సూచించారు. పదే పదే బ్రేక్‌ఫాస్ట్ మానడం వల్ల శరీరంపై అదనపు ఒత్తిడి పడి, హార్మోన్ల అసమతుల్యత పెరగడం, గతంలో ఉన్న సమస్యలు మరింత తీవ్రమయ్యే అవకాశం ఉంది. 

అవసరమైన పోషకాల లోపం ఏర్పడుతుంది

బ్రేక్‌ఫాస్ట్ కేవలం కడుపు నింపుకోవడం మాత్రమే కాదు. రోజు మొత్తానికి అవసరమైన పోషకాలను తీసుకునే సరైన సమయం. ఉదయం పూట ప్రోటీన్, ఫైబర్, కాల్షియం, ఐరన్, అనేక రకాల విటమిన్లను చేర్చుకోవాలి. మహిళలు క్రమం తప్పకుండా బ్రేక్‌ఫాస్ట్ మానేస్తూ, మిగిలిన సమయంలోనూ మంచి ఆహారం తీసుకోకపోతే పోషకాల లోపం ఏర్పడవచ్చు.

ఆకలిని నియంత్రించే హార్మోన్లు ప్రభావితం

ఉదయం ఆహారం మానడం వల్ల ఆకలిని కంట్రోల్ చేసే శరీరంలోని హార్మోన్లు ప్రభావితం అవుతాయి. దీని ఫలితంగా ఆ తర్వాత పగటి సమయంలో ఎక్కువ ఆకలి వేసి, తక్కువ సమయంలోనే అవసరానికి మించి ఆహారం తీసుకుంటారు. దీనివల్ల బరువు పెరిగే ప్రమాదం పెరుగుతుంది. 

ప్రతి ఒక్కరికీ ఒకే రకమైన సమస్యలు రావు

ప్రతి వ్యక్తి శారీరక అవసరాలు, శరీరతత్వం వేర్వేరుగా ఉంటాయని డాక్టర్లు చెబుతున్నారు. కొందరు మహిళలు ఇంటర్మిటెంట్ ఫాస్టింగ్ పద్ధతులను పాటిస్తూ, రోజులో తమకు కావలసిన అవసరమైన పోషకాలను తీసుకుంటారు. కనుక అన్నింటికంటే ముఖ్యమైన విషయం ఏంటంటే, శరీరానికి అవసరమైన అన్ని పోషకాలు తగినంత పరిమాణంలో అందడానికి బ్రేక్‌ఫాస్ట్ కీలకం కానుంది. అది స్కిప్ చేస్తే మానసిక, శారీరక ఆరోగ్యంపై ప్రతికూల ప్రభావం ఉంటుందని గుర్తుంచుకోండి.

మరిన్ని చదవండి

ప్రతి జ్వరం డెంగ్యూ కాదు... వర్షాకాలంలో వచ్చే ఈ అనారోగ్య సమస్యను ఇలా గుర్తించాలి

ఇంట్లో గాలి ఫ్రెష్‌గా మార్చేసే మొక్కలు ఇవే! 5 ఇండోర్ ప్లాంట్స్‌తో అందం ఆక్సిజన్!