Mineral Deficiency Symptoms: ఇనుము, పొటాషియం, అయోడిన్ లోపిస్తే శరీరంలో కనిపించే లక్షణాలు ఇవే! అప్పుడు తినాల్సిన ఫుడ్ ఏంటీ?
Mineral Deficiency Causes: సరైన ఫుడ్ తీసుకోకపోతే శరీరంలో ప్రోటీన్‌తోపాటు చాలా లోపాలు ఏర్పడతాయి. ఒక్కొ రకమైన లోపానికి ఒక్కో రకమైన సంకేతాలు కనిపిస్తాయి. వాటి గురించి చూద్దాం.
Mineral Deficiency Causes: శరీరంలో విటమిన్లు చాలా తక్కువగా ఉంటాయని చాలా మందికి తెలుసు, కానీ కొన్నిసార్లు అవసరమైన మినరల్స్ కూడా లోపిస్తుంటాయి. ఇది పెద్ద సమస్యగా మారవచ్చు. శరీరం సరిగ్గా పనిచేయడానికి చిన్ని మోతాదు నుంచి భారీ మోతాదు వరకు ఖనిజాలు చాలా అవసరం. చాలా సందర్భాల్లో ఒక సాధారణ రక్త పరీక్షలో లోపం గురించి తెలుస్తుంది. అన్ని సార్లు మనం రక్త పరీక్ష చేయించుకోలేం. ఈ మినరల్స్ లోపాలు కొన్ని సంకేతాల ద్వారా గుర్తు పట్టేయొచ్చు. ఎలాంటి పరీక్షలు లేకుండానే బాడీలో ఏ లోపం ఉందో తెలిసిపోతుంది. దీంతో దానికి తగ్గ ఆహారం తీసుకుంటే లోపాలను అధిగమించవచ్చు. స్టార్స్ ఇన్‌సైడర్‌లోని ఒక నివేదిక ప్రకారం, ఈ లోపాలను గుర్తించడంలో మనకు సహాయపడే కొన్ని లక్షణాలు ఇప్పుడు చూద్దాం.
క్రోమియం:
క్రోమియం లోపం వల్ల శరీరం షుగర్‌ను కంట్రోల్ చేసే సామర్థ్యంపై గతి తప్పుతుంది. బరువు తగ్గడానికి దారితీస్తుంది. పుట్టగొడుగులు, ఆకుకూరలు, సోయాబీన్స్, సన్‌ఫ్లవర్‌ సీడ్స్, శనగలు, జీడిపప్పు, బెల్లం వంటి ఆహారం తీసుకుంటే క్రోమియం పెంచుకోవచ్చు.
మాంగనీస్:
మాంగనీస్ లోపం చాలా అరుదుగా కనిపిస్తుంది. కానీ ఇది ఎముకల పెరుగుదల బలహీనపడటానికి, సంతానోత్పత్తి తగ్గడానికి, గ్లూకోజ్ టాలరెన్స్ బలహీనపడటానికి దారితీస్తుంది. కూరగాయలు, బెర్రీలు, ఓట్స్, బ్రౌన్ రైస్, పైనాపిల్, చిక్‌పీస్‌లను మీ ఆహారంలో చేరిస్తే సరిపోతుంది.
ఫ్లోరైడ్:
ఫ్లోరైడ్ లోపం దంతాలను బలహీనపరుస్తుంది. కావిటీస్‌ ఏర్పడే ప్రమాదాన్ని పెంచుతుంది.
సోడియం క్లోరైడ్:
సోడియం క్లోరైడ్ లేదా ఉప్పు లోపం తరచుగా వినిపిస్తుంటుంది. మీరు తీసుకునే ఆహారం బట్టి ఇది లోపిస్తుంది. శరీరంలోని ఫ్లూయిడ్స్‌ బ్యాలెన్డ్‌గా లేకపోవడం వల్ల వస్తుంది. అందువల్ల, నీరు, ఉప్పు బ్యాలెన్స్‌గా తీసుకోవాలి.
పొటాషియం:
పొటాషియం లోపం సాధారణంగా వాంతులు, విరేచనాలు లేదా అధిక మూత్రవిసర్జన వల్ల వస్తుంది. చిలగడదుంపలు, టమోటాలు, క్యారెట్లు, పాలకూర, అరటిపండ్లు, ఖర్జూరం, ఎండుద్రాక్ష చేపలు వంటి ఆహారాలు తీసుకుంటే ఈ లోపాన్ని అధిగమించవచ్చు.
అయోడిన్:
అయోడిన్ లోపం పెరుగుదల , మెదడు పనితీరును ప్రభావితం చేస్తుంది. గొంతు ముందు భాగంలో వాపు రావడం ఒక సాధారణ లక్షణం. దీనిని నివారించడానికి, అయోడైజ్డ్ ఉప్పు, సీవీడ్‌, గుడ్లు, ఆకుపచ్చ కూరగాయలు తినడం ముఖ్యం.
మెగ్నీషియం:
మెగ్నీషియం అనేక ఆహారాల్లో లభిస్తుంది, కానీ లోపం చాలా మందిలో కనిపిస్తుంది. పప్పుధాన్యాలు, గింజలు, తృణధాన్యాలు, పండ్లు, అవకాడో వంటి తీసుకుంటే ప్రయోజనం ఉంటుంది.
జింక్:
జింక్ లోపం రోగనిరోధక శక్తిని తగ్గిస్తుంది. మాంసం, బీన్స్, గింజల్లో జింక్ ఎక్కువగా లభిస్తుంది.
ఐరన్:
ఎర్రరక్త కణాల్లో ఐరన్ లోపిస్తే చాలా సమస్యలు వస్తాయి. లోపం రక్తహీనతకు దారితీస్తుంది. బాదం, ఎండిన పండ్లు, బీన్స్, పాలకూర, బ్రోకలీ, గుమ్మడికాయ గింజలు, మాంసం వంటి ఆహారాల్లో ఐరన్ పుష్కలంగా ఉంటుంది.
సెలీనియం:
సెలీనియం లోపం చాలా అరుదు, కానీ అది అలసట, కండరాల బలహీనత, రోగనిరోధక శక్తి తగ్గడానికి కారణమవుతుంది. బ్రెజిల్ గింజలు, పుట్టగొడుగులు, తృణధాన్యాలు, సాల్మన్, గుడ్లు మంచి వనరులు .
గమనిక: ఈ సమాచారం పరిశోధన అధ్యయనాలు, నిపుణుల అభిప్రాయం ఆధారంగా రూపొందించాం. వైద్య సలహాకు ప్రత్యామ్నాయంగా ఉపయోగించవద్దు. ఏదైనా కొత్త కార్యాచరణ లేదా ఎక్స్‌ర్‌సైజ్‌ చేపట్టే ముందు మీ వైద్యుడిని లేదా సంబంధిత నిపుణుడిని సంప్రదించండి.
టాప్ హెడ్ లైన్స్
ట్రెండింగ్ వార్తలు
