Nindu Noorella Saavasam Serial Today October 19th: ‘నిండు నూరేళ్ల సావాసం’ సీరియల్‌: నిజం చెప్పిన యముడు – శోక సంద్రంలో ఆరు

Nindu Noorella Saavasam serial Today Episode October 19th:  తన పునర్జన్మ గురించి యముడు నిజం చెప్పడంతో ఆరు శోకసంద్రంలో మునిగిపోతుంది. దీంతో ఇవాల్టీ ఏపిసోడ్ చాలా ఆసక్తిగా జరిగింది.

నిండు నూరేళ్ల సావాసం సీరియల్ టుడే ఎపిసోడ్

Source : Image Credit: ZEE5.com

Nindu Noorella Saavasam Serial Today Episode: యముడి మాటలకు ఎమోషనల్‌ అయిన ఆరు ఒంటరిగా కూర్చుని బాధపడుతుంది. తన పిల్లలను గుర్తు చేసుకుని ఏడుస్తుంది. యముడి మాటలు గుర్తు చేసుకుని మరింత ఎక్కువగా బాధపడుతుంది. ఇంతలో గుప్త ఆరును వెతుక్కుంటూ వస్తాడు.

గుప్త: బాలిక నువ్వు ఇచ్చట ఉంటివా.? నీకోసం నేను యమలోకం మొత్తం వెతుకుతున్నాను

ఆరు: మళ్లీ పుట్టడానికి మా లోకానికి వెళ్లలేనప్పుడు మీ లోకంలో నేను ఎక్కడ ఉంటే ఏంటి గుప్త గారు

గుప్త:  నీ ఈ పరిస్థితి మాకు ఉపచారం కలిగిస్తుంది బాలిక. మా ప్రభువుల వారు ఇంతలా ఏమార్చెదరు అనుకోలేదు..

ఆరు: నా తల రాత ఇలా ఉన్నప్పుడు మీరు మాత్రం ఏం చేస్తారు లేండి.. నేను మళ్లీ వెళ్లి నా చెల్లెలుకు కూతురుగా పుడతానని ఎంతో ఆశ పడ్డాను. అదంతా నిరాశ అయింది

గుప్త:  అవును బాలిక నీకు ఆశ పెట్టిన పాపమున మాకును భాగమున్నది.. మమ్ములను క్షమింపుము

ఆరు:  నేను కింద ఉన్నప్పుడు విధి రాత అదీ ఇదీ అంటూ ఏదేదో చెప్పారు.. ఇప్పుడేమో క్షమించు అంటున్నారు.. ఇది కూడా విధి రాతేనా గుప్త గారు

గుప్త: కాదు బాలిక మా ప్రభువుల వారు ఆడిన నాటకం, ఆయన చేసిన వంచన, మోసం

అని గుప్త తిడుతుంటారు. ఇంతలో యముడు వస్తాడు. ఆరు గుప్త వెనక్కి వెళ్తుంది.

యముడు: విచిత్రగుప్త ఆ బాలిక ఎటుల ఉన్నదో పట్టి తీసుకురమ్ము

గుప్త వెనకాల నుంచి ముందుకు వస్తుంది ఆరు.

ఆరు: సార్‌ నేను ఎక్కడికి వెళ్లలేదు.. ఇక్కడే ఉన్నాను..

యముడు: మా అనుమతి లేనిదే నీవు ఎక్కడికి వెళ్లలేవు బాలిక

ఆరు:  పిచ్చిక మీద ‌బ్రహ్మాస్త్రం ఏంటి..? మీరు పెద్ద పెద్ద పాపులను వదిలేసి నా మీద పడ్డారు.. పైగా వ్యగ్యంగా ఆ నవ్వు ఒకటి

యముడు:  బాలిక నీ ఆగ్రహం నాకు అర్థం అయింది. కానీ విధి బలీయమైనది

ఆరు: విధి అని మీరు కూడా మొదలు పెట్టారా..?  చెప్పండి సార్‌ ఇప్పుడు ఆ విధి నన్ను ఏం చేయమని చెప్తుంది.. చెప్పండి  

యముడు: నువ్వు నీ సోదరి కడుపున పుట్టవలెను అని ఆశపడితివి కదా..?

ఆరు: అది అసాధ్యం అని తమరే ఆర్డర్‌ వేశారు కదా..? మీకు కొంచెం కూడా జాలి దయ ఏమీ లేవా..?

యముడు: నీ మీద జాలి పడి మేము మా ఆజ్ఞను దిక్కరించినా కూడా నువ్వు మళ్లీ జన్మిచండం అసాధ్యం బాలిక

గుప్త: ప్రభు తమరు తలుచుకున్నచో అసాధ్యాన్ని సైతం సుసాధ్యం చేయుదురు కదా

యముడు: విధిని మార్చడం ఆ విధాతకే సాధ్యం.. కానీ విధిని ఏమార్చడం ఈ మానవుల నైజం

ఆరు: ఏం మాట్లాడుతున్నారు సార్‌ మా కంటికి కనిపించని విధిని మేము ఎలా వంచన చేస్తాము.

యముడు: ఎందుకు చేయలేరు బాలిక ఇన్నాళ్లు నువ్వు విధితో ఆడుకున్నావు.. ఇప్పుడు ఆ ఆట నీ సోదరి ఆడబోవుతున్నది

ఆరు: అంటే ఇప్పుడు నా చెల్లిని కూడా చంపబోతున్నారా..?

యముడు: లేదు బాలిక నువ్వు నీ సోదరికి కూతురుగా జన్మించాలని కోరుకున్నా… అందుకు మేము అవకాశం ఇచ్చినా నువ్వు మళ్లీ గర్భం నందే మరణించగలవు.

గుప్త: ఏమనుచున్నారు ప్రభు ఈ బాలిక మరుజన్మకు పిండ దశలోనే గండమున్నదా..?

అవునని ఎలా పిండంలో చనిపోతుందో మీరే మాయా పీఠికలో చూడండి అని మంత్రం వేస్తాడు యముడు. మాయాపీఠిక వస్తుంది. అది ఓపెన్‌ చేయగానే.. గుప్త, ఆరు చూస్తుంటారు. ఇంతలో ఇవాళ్టీ ఏపిసోడ్‌ అయిపోతుంది.