Naga Panchami Serial Today March 29th Episode: ముత్తయిదువులా పంచమి ఇంటికి చేరుకున్న నాగేశ్వరి.. అమ్మ ప్రేమని మైమరిపిస్తున్న అత్త!
Naga Panchami Serial Today Episode పంచమిని కాలు కింద పెట్టనివ్వకుండా వైదేహి ప్రేమగా చూసుకోవడంతో ఇవాళ్టి ఎపిసోడ్ ఆసక్తికరంగా మారింది.
Naga Panchami Today Episode: తన బిడ్డ గురించి కలలు కంటూ పెద్ద అయితే ఇలా పెంచుదాం అలా పెంచుదాం అని పంచమి, మోక్షలు మాట్లాడుకొని సంతోషంగా నవ్వుకుంటారు. నాగేశ్వరి పాము ఆ మాటలు విని అక్కడి నుంచి బయటకు వెళ్లిపోతుంది.
నాగేశ్వరి: పంచమి, మోక్షలు పుట్టబోయే బిడ్డ మీద ఇప్పటి నుంచే చాలా ఆశలు పెంచుకున్నారు. పుట్టగానే ఆ బిడ్డను నేను నాగలోకం తీసుకెళ్లడానికి ప్రాణం పోయినా ఒప్పుకోరు. అసలు ఆ విషయం వినగానే నన్ను చంపినా ఆశ్చర్యం లేదు. మా మహారాణి కోరిక నెరవేరాలి అంటే ఆ బిడ్డను నాగలోకం చేర్చక తప్పదు. నాగలోకం, నాగదేవత మహారాణి మళ్లీ నాగలోకం రానున్నారు అని చాలా ఆశలు పెట్టుకొని ఉన్నారు. పంచమి మోక్షలను వాళ్ల ప్రేమను తలచుకుంటే నేను ఆ బిడ్డను తీసుకెళ్లలేను. కానీ తప్పదు ప్రాణం చంపుకొని అయినా ఆ బిడ్డను తీసుకెళ్లక తప్పదు. మీ పుణ్య దంపతులు నన్ను క్షమించాలి.
మోక్ష: పంచమి నువ్వు ఎప్పుడూ ఇలాగే నవ్వుతూ ఉండాలి.
పంచమి: మోక్ష బాబు ఒక్కసారి మా అమ్మతో మాట్లాడిస్తారా..
మోక్ష: ఒక్కసారి ఎందుకు నీకు ఎప్పుడు నచ్చితే అప్పుడు మాట్లాడుకో. ఈ ఫోన్ నీ దగ్గరే ఉంచుకో.
పంచమి: నాకు ఈ ఫోన్‌తో పని ఉండదు. మీరే చేసి ఇవ్వండి.
పంచమి తన తల్లి గౌరితో మాట్లాడుతుంది. తాను చాలా సంతోషంగా ఉన్నాను అని పెళ్లి అయిన తర్వాత మొదటి సారి సంతోషంగా ఉన్నాను అని అంటుంది. ఇక తనలోని విషం పోయిందని చెప్తుంది. తన అత్తామామలు తనని చాలా ప్రేమగా చూసుకుంటున్నారు అని పంచమి తల్లికి చెప్తుంది. తన కష్టం తన బిడ్డకు రాకూడదు అని చెప్తుంది. గౌరి కూతురికి ధైర్యం చెప్తుంది.
మోక్ష పంచమిని కూర్చొపెట్టి తాగటానికి పాలు తసుకొని వస్తాడు. వైదేహి వచ్చి పాలలో కుంకుమ పువ్వు వేసి తాగిస్తుంది. జ్వాల, చిత్రలు షాక్ అయిపోతారు.
వైదేహి: చూడు పంచమి ఈరోజు నుంచి నీకు అన్ని నేనే దగ్గరుండి చూసుకుంటా.
మీనాక్షి: ఏంటి వదినా ఈ ప్రేమ అంతా కోడలి మీద పుట్టబోయే బిడ్డ మీదా..
వైదేహి: చూడు నాకు కూతురు ఉంటే ఇలాగే చూసుకునేదాన్ని. ఇప్పుడు ఆ లోటు నాకు నా కోడలు తీర్చుతుంది.
పంచమి: అత్తయ్య మిమల్ని చూస్తుంటే మా అమ్మ ప్రేమను మర్చిపోయేలా ఉన్నాను. అని హగ్ చేసుకుంటుంది.
వైదేహి: నీకు ఇక్కడ ఏలోటు రానివ్వకుండా చూసుకుంటాను పంచమి. ఒకవేళ నీకు మీ అమ్మని చూడాలి అనిపించినా ఇక్కడికే పిలిపిస్తాడు. నిన్ను మాత్రం ఎక్కడికీ కాలు కదపనివ్వను.
పంచమి: నాకు ఈ ప్రేమ చాలు అత్తయ్య పండంటి బిడ్డను కని మీ చేతిలో పెడతాను.
రఘురాం: పంచమి మీ అత్తయ్య గారు పుట్టబోయే బిడ్డమీద ప్రేమతో ఇలా మాట్లాడుతున్నారు అని మాత్రం అనుకోవద్దు అమ్మ. నా భార్య నిజంగానే మారిపోయింది.
మోక్ష: పంచమి మీ దగ్గర నుంచి కోరుకునేది ఈ ప్రేమే అమ్మ. ఆస్తి అంతస్తులు కాదు.
జ్వాల: క్లైమాక్స్ ఎలా ఉంటుందో తెలీదు కానీ మీ ప్రేమలు చూస్తుంటే మాత్రం మంచి ఫ్యామిలీ మూవీ చూస్తున్నట్లు ఉంది.
మీనాక్షి: అవును మీరే విలన్స్.
చిత్ర: అవును ఎవరు ఎలా మారుతారో చెప్పలేం. మొన్నటి వరకు పంచమికి వైదేహి అత్తయ్య దెయ్యం ఇప్పుడు అమ్మలా కనిపిస్తుంది.
వైదేహి: నా మార్పు పక్కన పెట్టండి మీరు పంచమికి ఒక్క మాట అన్నా నేను ఊరుకోను. కడుపుతో ఉన్న అమ్మాయిని ఇబ్బంది పెట్టకండి.
పంచమిని మోక్ష గదికి తీసుకెళ్లి సపర్యలు చేస్తాడు. ఇక పంచమి మోక్షతో మీ అందరి వాలకం చూస్తుంటే నాకు భయం వేస్తుందని అందరూ పుట్టబోయే బిడ్డ మీద చాలా ఆశలు పెంచుకుంటున్నారు అని నాకు సేవలు చేస్తున్నారు అని అంటుంది. మరీ ఇంత ప్రేమను తట్టుకోలేకపోతున్నా అని ఏదైనా జరగరానిది జరిగితే అని పంచమి భయపడుతుంది. మోక్ష పంచమికి ధైర్యం చెప్తాడు.
మరోవైపు వైదేహి పంచమి, మోక్షలకు ముత్తయిదువులతో దీవించే పూజ ఫంక్షన్ ఏర్పాటు చేయిస్తుంది. జ్వాల, చిత్రలు పంచమి కడుపు నుంచి పాలు పిల్ల పుడుతుంది అని అంటే నాగేశ్వరి పాము భుసలు కొడుతుంది. ఇద్దరూ భయపడతారు. తర్వాత పామును చూసి పరుగులు తీస్తారు. ఇక ముత్తయిదువులతో పాటు నాగేశ్వరి కూడా ముత్తయిదువులా వాళ్లతో కలిసి పోయి మోక్ష వాళ్ల ఇంట్లోకి వెళ్తుంది. మోక్ష పంచమి కోసం చీర సెలక్ట్ చేస్తాడు. దీంతో ఇవాళ్టి ఎపిసోడ్ పూర్తవుతుంది.
టాప్ హెడ్ లైన్స్
ట్రెండింగ్ వార్తలు
