Meghasandesham Serial Today September 11th: ‘మేఘసందేశం’ సీరియల్‌: గగన్ కు ఐ లవ్ యూ చెప్పిన నక్షత్ర – పూరికి ఇందును సారీ చెప్పమన్న చంద్ర

Meghasandesham Today Episode: పూరిని ఇందు ఎలా అవమానించిందో ఇంట్లో వాళ్లకు ప్రసాద్ చెప్పడంతో చంద్ర పూరికి ఇందును సారీ చెప్పమంటాడు దీంతో ఇవాళ్టీ ఎపిసోడ్ చాలా ఆసక్తిగా జరిగింది.

Image Credit: ZEE5

Source : Image Credit By: ZEE5

Meghasandesham Serial Today Episode:  పూరి మాటలు గుర్తు చేసుకున్న కృష్ణప్రసాద్‌, శారదకు ఫోన్‌ చేయడంతో  శారద కోపంగా వద్దన్నా మీరెందుకు ఫోన్‌ చేస్తున్నారు అంటూ నిలదీస్తుంది. మీ వల్ల పిల్లలు శత్రువులుగా మారిపోతున్నారు అంటుంది. దీంతో కృష్ణప్రసాద్‌ నాకు అన్నీ తెలుసని ఫోన్‌ పూరికి ఇవ్వమని అడుగుతాడు. ఒకసారి పూరితో మాట్లాడతానని చెప్పడంతో కాలేజీలో అంత జరిగాక మీతో మాట్లాడుతుందా? అని ప్రశ్నిస్తుంది శారద. ఇంతలో పూరి వచ్చి ఫోన్‌ లాక్కుని కృష్ణప్రసాద్‌ ను తిడుతుంది. దీంతో ఇందు తెలియక మాట్లాడిందని కృష్ణ ప్రసాద్‌ చెప్పగానే తెలియక మాట్లాడటమేంటి? అన్ని తెలిసే మాట్లాడుతుందని మీరు ఫోన్‌ చేయడం కన్నా మా ముగ్గురిని చంపేయండి అని ఫోన్‌ కట్‌ చేస్తుంది. దీంతో కృష్ణ ప్రసాద్‌ కోపంగా వెళ్లిపోతాడు. మరోవైపు శరత్‌చంద్ర బయటకు వెళ్తుంటే ప్రసాద్‌ వస్తాడు.

ప్రసాద్‌: చనిపోయే నాటికి శోభాచంద్ర గారు గర్భవతి కదా?

చంద్ర: ఇప్పుడు ఆ విషయం ఎందుకు మాట్లాడుతున్నావు.

ప్రసాద్‌: ప్లీజ్‌ చెప్పండి చెల్లమ్మా గర్భవతియే కదా?

చంద్ర: అవును గర్భవతే..

ప్రసాద్‌: ఆవిడ చనిపోక ముందే ఒకవేళ బిడ్డ పుట్టి ఉంటే మీ మీద ఎక్కువ అధికారం పుట్టిన ఆ బిడ్డకు ఉంటుందా. లేక నక్షత్రకు ఉంటుందా? చెప్పండి. ఎక్కువ అధికారం ఎవరికి ఉంటుంది.

చంద్ర: ఇందులో ప్రత్యేకంగా చెప్పేదేముంది. నా పెద్ద బిడ్డకే ఎక్కువ అధికారం ఉంటుంది.

ప్రసాద్‌: మరి నా విషయంలో మాత్రం అలా ఎందుకు ఆలోచించడం లేదు.

   అని చెప్పగానే అపూర్వ, ప్రసాద్‌ను తిడుతుంది. దీంతో ప్రసాద్‌ మీకో న్యాయం నాకో న్యాయమా? అంటూ నిలదీస్తాడు. దీంతో ఇప్పుడు ఆ విషయం ఎందుకు అని చంద్ర అడగ్గానే జరిగిన విషయం ప్రసాద్‌ చెప్తాడు. పూర్ణిమను కాలేజీలో పెళ్లి కార్డు విషయంలో ఇందు అవమానించిన విషయం చెప్తాడు.  తండ్రి దూరంగా ఉన్నంత మాత్రాన నా బిడ్డ తండ్రి లేనిది అవుతుందా? అని ప్రశ్నిస్తాడు. దీంతో చెర్రి, చంద్ర , ఇందును తిడతారు.

చంద్ర: ఏంటి ఇందు కాలేజీకి చదువుకోవడానికి వెళ్తున్నావా? ఇలా గొడవ పెట్టుకోవడానికి వెళ్తున్నావా? ఆడపిల్లను అలా బాధపెట్టడం కరెక్టు కాదు. నువ్వు చేసింది తప్పు. నువ్వు కాలేజీలో ఎవరి ముందు ఆ అమ్మాయిని అవమానించావో వాళ్ల ముందే ఆ అమ్మాయికి సారీ చెప్పు.

ఇందు: సరే మామయ్యా..

చంద్ర: రేపు కాలేజీకి వెళ్లగానే నువ్వు క్షమాపణ చెప్తున్నావు అంతే..

అపూర్వ: బాగుంది కృష్ణప్రసాద్‌. సరేలే ఏదో మాట్లాడుతున్నావు కదా అని ఊరుకుంటే.. ఎప్పుడూ నువ్వు వాళ్లను సమర్థిస్తూ మాట్లాడతావు తప్పా వీళ్లను సమర్థిస్తావా?

 అంటూ అసలు ఆ పూర్ణిమ ఏం చేసిందో చెప్పలేదు అంటుంది. దీంతో ఇందు ఆ పూర్ణిమ నా కలర్‌ గురించి అవహేళన చేసింది నా పెళ్లి పత్రిక చించేసింది. అని చెప్తుంది ఇందు. దీంతో తను ఎవ్వరికీ క్షమాపణ చెప్పాల్సిన అవసరం లేదు అంటుంది అపూర్వ దీంతో చంద్ర, ప్రసాద్‌ను తిడతాడు. ముందు నువ్వు తప్పు చేయడం మానేయమంటాడు.

    మరోవైపు కారులో వెళ్తున్న గగన్‌ ను రొమాంటిక్‌ గా చూస్తుంది భూమి. తనకు ఆకలిగా ఉందని చెప్తుంది. ఇంటికే వెళ్తున్నాము కదా ఈలోపు పానీపూరి తిను అని పానీ పూరి బండి దగ్గరకు వెళ్తారు. పానీ పూరి తినడం తనుక రాదని భూమి చెప్పగానే గగన్‌ పానీపూరి భూమికి తినిపిస్తాడు. దీంతో భూమి తన ప్రేమను చెప్పాలని పిచ్చిపిచ్చిగా మాట్లాడుతుంది. ఏంటో చెప్పు అని గగన్‌ అడగ్గానే భూమి ఐ లవ్యూ చెప్పబోతుంటే ఇంతలో నక్షత్ర వచ్చి గగన్‌ కు ఐ లవ్యూ చెప్తుంది. దీంతో ఇవాళ్టీ ఎపిసోడ్‌ అయిపోతుంది.