Krishna Mukunda Murari September 21st: రసవత్తరంగా మారిన కథనం- ఎత్తుకు పై ఎత్తులు వేసుకుంటున్న కృష్ణ, ముకుంద

మురారీ మనసులో ముకుంద లేదని కృష్ణకి తెలియడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

Krishna Mukunda Murari September 21st: ఇంట్లో అందరి ముందు కృష్ణ తనని ఆట పట్టించినందుకు మురారీ లాఠీ పట్టుకుని తన వెంట పడతాడు. అలా ఇద్దరూ కాసేపు సరదాగా గడుపుతారు. మీ ప్రేమ ఎప్పుడు చెప్తారు అప్పటి వరకు ప్రేమని దాచుకోలేకపోతున్నానని కృష్ణ అనుకుంటుంది. కృష్ణని ఇంట్లో నుంచి పంపించాలంటే ఇంకేం చేయాలో అర్థం కావడం లేదని, ఇంట్లో అందరూ వాళ్ళకే సపోర్ట్ గా ఉంటున్నారని ముకుంద మనసులో బాధపడుతుంది. అప్పుడే గదిలో నుంచి మురారీ వాళ్ళు వస్తారు. తనని ఎలాగైనా దారిలో పెట్టేందుకు ప్లాన్ వేశానని అనుకుంటుంది. మళ్ళీ అందరూ డైనింగ్ టేబుల్ దగ్గర తినేందుకు కూర్చుని సరదాగా మాట్లాడుకుంటూ ఉంటారు.

కృష్ణ: నేనొక నిర్ణయం తీసుకున్నా. హాస్పిటల్ కి లాంగ్ లీవ్ పెట్టాను. పేదలకి ఉచిత సేవ చేసేందుకు హాస్పిటల్ కట్టిస్తున్నారు కదా అప్పటి వరకు ఇంట్లోనే ఉంది ఆదర్శ్ వచ్చేలోపు ముకుందకి అన్నీ దగ్గరుండి పనులు నేర్పిస్తాను.

ముకుంద: ఈ తింగరిది నన్ను అడ్డం పెట్టుకుని ఏం ప్లాన్ వేస్తుంది. తను ఏం ప్లాన్ చేసినా దాన్ని రివర్స్ చేసి ఇంట్లో నుంచి మా జీవితాల్లో నుంచి వెళ్లిపోయేలా చేస్తానని మనసులో అనుకుంటుంది

రేవతి: దానికి నువ్వు లాంగ్ లీవ్ తీసుకోవడం ఎందుకు నేను నేర్పిస్తాను. నువ్వు హాస్పిటల్ కి వెళ్ళు

ముకుంద: కృష్ణకి అభ్యంతరం లేదంటే నాకు ఒకే. చిన్నత్తయ మీరు ఏమి అనుకోకండి మీరు మా అమ్మలాగా ప్రతి దానికి కోప్పడతారు. తన దగ్గర పనులు నేర్చుకోవడం చాలా సరదాగా ఉంటుంది

కృష్ణ: నాకు ఒకే పెద్దత్తయ్య మీరు ఊ అంటే ముకుందని నేను సెట్ చేస్తాను

భవానీ: ముకుంద గురించి ఇంత కేర్ తీసుకుంటే నేను ఎందుకు కాదంటాను. కృష్ణ నీకు పర్మిషన్ ఇస్తున్నా

కావాలని మురారీ పక్కనే నిలబడి ముకుంద వడ్డిస్తుంటే కృష్ణకి రగిలిపోతుంది. ఇక తల్లీ కొడుకులు ఇద్దరూ కృష్ణ గురించి మాట్లాడుకుంటారు.

రేవతి: కృష్ణ లాంగ్ లీవ్ ఎందుకు పెట్టింది. తను ఎప్పుడు ఒంటరిగా దొరుకుతుందా? మీ విషయం చెప్పడానికి టైమ్ చూసుకుంటుంది.

మురారీ: నేను తనతో మాట్లాడతాను. నాకోసం కృష్ణని ఇంటికి తీసుకొచ్చావ్. తనని నేను ఎలా వదులుకుంటాను. ముకుంద విషయం నేను సెట్ చేస్తాను నువ్వేం టెన్షన్ పడకు

ముకుందతో మాట్లాడేందుకు అలేఖ్య వస్తుంది. నాకు ఎందుకో కృష్ణకి మీ ప్రేమ విషయం తెలిసిపోయిందని అనిపిస్తుందని అలేఖ్య అంటుంది.

ముకుంద: నీకు ఎలా తెలుసు. అయినా మా ప్రేమ గురించి తెలిస్తే ఈ ఇంట్లో నుంచి వెళ్ళిపోతుంది. అందుకే మా ప్రేమ విషయం తెలియాలని ఆరాటపడుతున్నా

అలేఖ్య: మురారీకి నీమీద ప్రేమ లేదని తెలిస్తే ఇక్కడే ఉండిపోతుంది కదా

ముకుంద: ఎక్కడ ఉండాలో ఎక్కడ ఉండకూడదో తనకి తెలుసు. తను తింగరిది కావచ్చు కానీ ఆత్మాభిమానం లేనిదని అనుకోవడం లేదు. తాళిని చూపించి రేవతి కోడలిగా ఈ ఇంట్లో ఉండాలని అనుకుంటే నేను ఉండనివ్వను. కృష్ణ వెళ్లిపోతే ఆదర్శ్ తిరిగి ఎప్పటికీ రాకపోతే అటు మురారీ, ఇటు నేను ఒంటరిగా ఉండిపోతాం. మురారీ ఆదర్శ్ కోసం ఆలోచిస్తున్నాడు కానీ నామీద ప్రేమ లేక కాదు. ఆదర్శ్ ని రాకుండా చేసి మురారీని నా సొంతం చేసుకుంటాను. కృష్ణ ఎలాగూ నాకు పనులు నేర్పిస్తానని అన్నది కదా దానితోనే తన గొయ్యి తవ్విస్తాను

మురారీ మధుతో సీరియస్ గా మాట్లాడావ్ కదా దేని గురించని కృష్ణని మురారీ అడుగుతాడు. ఏదో ట్రైయాంగిల్ లవ్ స్టోరీ చెప్పాడని అబద్ధం చెప్పి కవర్ చేసేస్తుంది.