Illu Illalu Pillalu Serial Today may 8th: ఇల్లు ఇల్లాలు పిల్లలు: శ్రీవల్లి కోసం ఎంట్రీ ఇచ్చిన సుకన్య ఎవరు? నగలు కోసం మళ్లీ భద్రావతి గొడవ! ప్రేమ చెప్పిన నిజమేంటి?
Illu Illalu Pillalu Serial Today Episode may 8th ప్రేమ నగలు అమ్మేయాలని ధీరజ్ చూస్తున్నాడని భద్రావతి గొడవ చేయడం ప్రేమ అత్తకి ఎదురు తిరగడంతో ఇవాళ్టి ఎపిసోడ్ ఆసక్తికరంగా మారింది.
Illu Illalu Pillalu Serial Today Episode వల్లీకి తాను ప్రెగ్నెంట్ కాదని తెలియడంతో ఇల్లు ఇల్లాలు పిల్లలు సీరియల్ చాలా ఆసక్తికరంగా మారింది. ఈ ఒక్క సారికి తనని కాపాడమని వల్లీ డాక్టర్ని వేడుకోవడంతో వేరే వాళ్ల స్కానింగ్ రిపోర్ట్స్ డాక్టర్ వల్లీకి ఇవ్వడం.. అవి తనవే అని వల్లీ నర్మద, ప్రేమలకు చూపించడంతో ఇద్దరూ వల్లీ నిజంగానే ప్రెగ్నెంట్ అని నమ్మేస్తారు. నర్మద తెచ్చిన వల్లీ స్కానింగ్ రిపోర్ట్స్ని రామరాజు, వేదవతి ఒకరి తర్వాత ఒకరు చూసి తెగ సంబర పడిపోతుంటారు. కచ్చితంగా కొడుకే అని వేదవతి అంటే లేదు కచ్చితంగా కూతురే అని రామరాజు అనుకుంటారు. ఇంతలో వల్లీ బాధగా ఇంటికి వస్తుంది.
నర్మద వల్లీని చూసి అమ్మాయి.. అబ్బాయి అని మీరు గొడవ పడటం ఎందుకు ఏ బిడ్డని కంటుందో అక్కనే అడగండి అని నర్మద అంటుంది. వేదవతి వల్లీతో ఆడపిల్లని కంటావు అని మీ మామయ్య మగపిల్లాడిని కంటావు అని నేను అనుకుంటున్నాం.. నువ్వు చెప్పమ్మా ఏ బిడ్డని కంటావ్ అని అడుగుతుంది. వల్లీ ఏదో ఆలోచిస్తూ అసలు నా కడుపులో ఏం ఉంటే కదా అని అంటుంది. ఆ మాటతో అందరూ షాక్ అయిపోతారు. ఏంటి వల్లీ అలా అన్నావ్ అని వేదవతి అడిగితే నా చేతుల్లో ఏం లేదు కదా ఆ దేవుడు ఏది ఇస్తే అదే అని వల్లీ కవర్ చేస్తుంది. అందరూ రిలాక్స్ అయిపోతారు. వల్లీ మనసులో దేవుడా నాకు కడుపు అని చెప్పి మా అమ్మ ఈ టెన్షన్ పెట్టింది నువ్వే నన్ను ఈ గండం నుంచి బయట పెట్టాలి అని అనుకుంటుంది. ఇంతలో ఇంటికి ఖడ్గం సినిమాలో రవితేజకు జోడీగా నటించిన హీరోయిన్ ఎంట్రీలా సుకన్య ఏంట్రీ ఇస్తుంది. తిరుపతి తనతో మాట్లాడి ప్రేమించడం మొదలు పెట్టేస్తాడు. సుకన్య మాత్రం తిరుపతిని అంకుల్ అంకుల్ అంటుంది.
సుకన్యని చూసి రామరాజు, వేదవతి వాళ్లు ఎవరు అని అడుగుతారు. సుకన్య వచ్చి వల్లీని హగ్ చేసుకుంటుంది. నువ్వేంటే సడెన్ ఎంట్రీ ఏంటి అని వల్లీ అడిగితే అత్త నిన్ను దగ్గరుండి చూసుకోమని నాకు చెప్పింది అని సుకన్య అంటుంది. నాకు కడుపే లేదు ఇంకేం చూసుకుంటావ్ అంటే అందుకే అదే ఎవరికీ తెలీకుండా మ్యానేజ్ చేయమని పంపిందని అంటుంది. వల్లీ ఇంట్లో అందరికీ సుకన్య తన మామయ్య కూతురు అని చెప్తుంది. మా కోడలిని మేం చూసుకోమా ఏంటి అని వేదవతి అంటే ఒకరికి నలుగురు చూసుకుంటే మంచిది అని మా అత్తయ్య పంపిందని సుకన్య అంటుంది. నర్మద ధీరజ్తో ఈవిడ కొంచెం తేడాగా ఉంది కాస్త కనిపెడుతూ ఉండాలి అని అంటుంది. నాకు అదే అనుమానంగా ఉందని ధీరజ్ అంటాడు. ఇంతలో ప్రేమ ని తీసుకొని భద్రావతి, సేనాపతి వచ్చి రేయ్ రామరాజు బయటకు రారా అని గోల చేస్తాడు.
ప్రేమ ఎంత బతిమాలినా భద్రావతి ఊరుకోదు.. రామరాజు బయటకు వచ్చి ఏమైంది ఎందుకు గొడవ చేస్తున్నావ్ అని అడుగుతాడు. నీ చిన్న కొడుకు నగలు తాకట్టు పెట్టమని ప్రేమని బ్యాంక్కి పంపాడు.. మరి తూ అన్ని ఉమ్మేయకుండా ఏం చేయాలి అంటుంది. చిన్నోడా ఏంట్రా ఇది అని అడిగితే నాకు ఏం తెలీదు నాన్న అని ధీరజ్ అంటాడు. తండ్రీ కొడుకులు ఇద్దరూ కలిసి ఎంత బాగా నటిస్తున్నారురా.. నా మేనకోడలు బ్యాంక్కి వెళ్లిన విషయం నీకు తెలీదా అని నిలదీస్తుంది. తెలీదు అని చెప్తే అర్థం కాదా.. బుర్రకి ఎక్కదా.. ఎందుకు ఎదుటి వాళ్లు చెప్పేది వినకుండా అరుస్తున్నావ్ అని వేదవతి అడుగుతుంది. ఏయ్ ఆపు దీని వల్లే తెలుస్తుంది మీ దరిద్రపు దిక్కుమాలిన పెంపకం అని భద్రావతి అంటుంది. భద్రావతి నోరు అదుపులో పెట్టుకో.. మా పిల్లల్ని ఎలా పెంచుకున్నాం నీకేం తెలుసు అని వేదవతి అంటుంది. అంత సంస్కారంతో పెంచబట్టేనా పెళ్లాం నగలు తాకట్టు పెట్టి బతుకుతుంది.. అని సాగర్ని ఉద్దేశించి సేనాపతి అంటాడు. ఇన్నాళ్లు నీ బతుకే చెండాలం అనుకున్నాం.. ఇప్పుడు నీ కొడుకుల పరిస్థితి అలాగే ఉందని అంటాడు. మా నాన్నని ఇంకొక్క మాట అంటే ఊరుకోను అని ధీరజ్ అంటాడు. నాన్న ఆ నగలు గురించి ధీరజ్కి తెలీదు.. ఒక భార్యగా నా భర్తకి అండగా ఉండటానికి నేనే ఆ నగలు తాకట్టు పెట్టడానికి వెళ్లాను.. ధీరజ్ కష్టం చూడలేక నగలు తీసుకోమని చాలా సార్లు చెప్పా కానీ వాడు వద్దు అన్నాడు.. అసలు ఆ నగలు నా దగ్గర ఉండటమే వాడికి ఇష్టం లేదు.. మీకు ఇచ్చేయమని చాలా సార్లు చెప్పాడు.. అలాంటి వాడు నాకు నగలు తాకట్టు పెట్టమని అంటాడా అని ప్రేమ అంటుంది.
భద్రావతి ఇంకా గొడవ చేస్తుంటే భద్రావతి తల్లి ఆపి.. ఆ నగలు నా మనవరాలి కోసం చేసింది.. వాటి మీద తన భర్తకి పూర్తి హక్కు ఉంది.. వాళ్లు తాకట్టు పెట్టుకుంటారో.. అమ్మేస్తారో వాళ్ల ఇష్టం మీకు ఎందుకు అని అంటుంది. ప్రేమని అంతబాగా చూసుకునే భర్త, కుటుంబం ఉంటే ఇంకా వాళ్లు గురించి మనకు ఎందుకు అని రేవతి అంటుంది. వాడు ఆ నగలు కోసమే మన ప్రేమని పెళ్లి చేసుకున్నాడు.. రేపటి రోజున ఆస్తిలో వాటా తెమ్మని ప్రేమని గెంటేస్తాడు..నగలు కోసమే ప్రేమని ట్రాప్ చేశాడు.. నగలు కోసమే ప్రేమని పెళ్లి చేసుకున్నాడు అని అంటుంది. అత్త ధీరజ్ గురించి తెలీకుండా మాట్లాడకు అని ప్రేమ అరుస్తుంది. ధీరజ్ గురించి ఇంకొక్క మాట తప్పుగా మాట్లాడితే మేనత్త అని చూడను.. ఆస్తి కోసం నగలు కోసం నన్ను పెళ్లి చేసుకున్నాడు అంటున్నావ్ కదా.. అసలు మా పెళ్లి ఎలా జరిగిందో నీకు తెలుసా.. నేను ఎలాంటి పరిస్థితుల్లో ఉంటే వీడు నాకు తాళి కట్టాడో తెలుసా.. ఆ రోజు నేను చావాలో బతకాలో తెలీని పరిస్థితుల్లో ఉంటే ఏం జరిగిందో తెలుసా అని ప్రేమ అంటే.. ధీరజ్ ఆపుతాడు.. ఎందుకు ఆపుతావ్ ధీరజ్ నీ మంచితనం వీళ్లకి తెలియాలి,, నీ కాళ్లు కడిగి వీళ్లు నీళ్లు నెత్తిన వేసుకోవాలి అంతే కానీ ఇన్ని మాటలు అంటే భరించే ఓపిక నాకు లేదు అని అంటుంది. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
