Gruhalakshmi December 28th: తులసి కోసం చెయ్యి కాల్చుకున్న సామ్రాట్- శ్రుతి కడుపు పోతుందా?

లాస్య నిజస్వరూపం బయట పడటంలో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

తులసి కడుపుతో ఉన్న కోడలిని పలకరించడానికి ఇంటికి వస్తే దారుణంగా అవమానించి పంపించేస్తుంది లాస్య. దీంతో తనకి ధైర్యం చెప్పి సామ్రాట్ మళ్ళీ నందు ఇంటికి తీసుకుని వస్తాడు. శ్రుతితో కాసేపు సరదాగా మాట్లాడి వెళ్లిపోతాను అని తులసి అంటుంది.

నందు: ఇప్పుడిప్పుడే మనషులు, మనసులు కుదుట పడుతున్నాయి. ఇది నీ పుణ్యమే కాదు అనను, నువ్వు వెలిగిస్తున్న దీపాన్ని నువ్వే ఆర్పకు. ప్రస్తుతం ఎవరు మనసులు ప్రశాంతంగా లేవు ఇప్పుడు వెళ్లిపో

ప్రేమ్: ఇంకోసారి అమ్మని అవమానించాలని అనుకుంటున్నారా

లాస్య: శ్రుతి ప్రగ్నెంట్ అని ఇంట్లో ఉన్న నాకు చెప్పలేదు, ఇప్పటికీ తులసిదే రాజ్యం, ఇంక నా పరిస్థితి ఇదేనా

ప్రేమ్: ఇంతే నీ మెంటాల్టీ ఇక్కడ ఎవరికి సరిపోదు, నువ్వు మారినట్టు నటిస్తావే కానీ మారవు మారలేవు

నందు: నువ్వు ఎవరు మాట్లాడటానికి పెద్ద వాళ్ళం మాట్లాడుకుంటుంటే మధ్యలో దూరతావ్ ఏంటి

ప్రేమ్: పెద్దరికం వయస్సుతో కాదు మనసులో ఉండాలి, అమ్మని లాస్య అవమానిస్తే సమర్దిస్తున్నారు. నేనే కనుక అమ్మ ప్లేస్ లో ఉంటే చేతిలో సారె పారేసిన వాళ్ళ చెంప పగలగొట్టేవాడిని అనగానే నందు ఆవేశంగా కొట్టడానికి వెళ్తుంటే తులసి అడ్డుపడుతుంది.

తులసి: పెద్ద వాళ్ళతో మాట్లాడే పద్ధతి ఇది కాదు నాన్నకి సోరి చెప్పు

ప్రేమ్: నీకు సోరి చెప్తే నాన్నకి సోరి చెప్తా

నందు మళ్ళీ ప్రేమ్ మీదకి వెళ్లబోతుంటే తులసిని పక్కకి లాగి సామ్రాట్ అడ్డుపడతాడు. ప్రేమ్ ఆవేశంలో ఉన్నాడు లాస్యని తీసుకుని పక్కకి వెళ్ళు అని సామ్రాట్ నందుతో చెప్తాడు. చచ్చినా పక్కకి వెళ్ళను ఈరోజు తెలిపోవాలి అని లాస్య ఆవేశంగా అంటుంది. అభి, దివ్య కూడా ప్రేమ్ ఆవేశాన్ని ఆపేందుకు చూస్తారు. ఇక్కడికి వచ్చింది గొడవ చూడటానికి కాదు వెళ్లిపోదాం అని తులసి వెళ్ళిపోతుంది. పరంధామయ్య కూడా నందుని తిడతాడు. ఇదంతా తన వల్లే అని శ్రుతిని తిడతాడు. శుభవార్తని ఇంట్లో వాళ్ళందరికీ పంచుకోవచ్చు కదా అని అంటాడు. కానీ ప్రేమ్ మాత్రం తండ్రికి గడ్డి పెట్టి భార్యని తీసుకుని లోపలికి వెళ్ళిపోతాడు.

శ్రుతి జరిగింది తలుచుకుని బాధపడుతుంటే ప్రేమ్ ఓదారుస్తాడు. ఈ గొడవ అంతా తన తొందరపాటు వల్లే అని శ్రుతి బాధపడుతుంది. సామ్రాట్, తులసి కూడా జరిగిన దాని గురించి మాట్లాడుకుంటారు. తను గొడవకి దిగితే తన పిల్లల మనసులు గాయపడుతున్నాయని బాధపడుతుంది. లాస్య మాటలకి నందగోపాల్ ప్రభావితం అవుతున్నాడని తులసి తనని వెనకేసుకొస్తుంది. ఇప్పటికే చాలా త్యాగాలు చేసి కోల్పోయారు అని సామ్రాట్ అంటాడు. కానీ తులసి మాత్రం బాధగా కూర్చుని ఉంటుంది. తన మూడ్ మార్చేందుకు కాఫీ చేసి తీసుకొస్తానని కిచెన్ లోకి వెళతాడు. వేడి గిన్నె పట్టుకునేసరికి సామ్రాట్ చెయ్యి కాలిపోతుంది. తులసి కంగారుగా వచ్చి కాలిన సామ్రాట్ చేతికి వెన్న రాస్తుంది.

తను కావాలనే చెయ్యి కాల్చుకున్నా అని సామ్రాట్ చెప్తాడు. ఎంత మాట్లాడించినా మాట్లాడలేదు మీరు డల్ గా ఉండేసరికి ఇలా చేశానని అంటాడు. నందు కూడా ప్రేమ్ అవమానించిన దాని గురించి ఆలోచిస్తూ రగిలిపోతాడు. లాస్య వచ్చి మాట్లాడుతుంది. జరిగిన దాని గురించి ఆలోచిస్తున్నా ఎందుకు ఇలా చేశానా అని బాధపడుతున్న అని అంటాడు. ఇదంతా తులసి వల్ల జరిగిందని మళ్ళీ లాస్య ఎక్కిస్తుంది. ‘శ్రుతి, ప్రేమ్ కి మంచిగా పార్టీ ఇచ్చి అందరి ముందు నిన్ను గొప్పగా చూస్తాను. గ్రాండ్ గా పార్టీ ఇస్తాను. కానీ తులసిని ఇంట్లో వాళ్ళ దగ్గరకి రాకుండా చెయ్యమని’ లాస్య అంటుంది. అందుకు నందు సరే అంటాడు.

తరువాయి భాగంలో..

శ్రుతి, ప్రేమ్ ని సర్ ప్రైజ్ చేసేందుకు తులసి ఇంట్లో పార్టీ ఏర్పాటు చేస్తారు. అందరూ బాగా ఎంజాయ్ చేస్తుంటే లాస్య దివ్యకి ఫోన్ చేస్తుంది. తులసి ఇంట్లో పార్టీ చేసుకుంటున్నామని దివ్య చెప్పేసరికి లాస్య నందుకి ఎక్కించి అక్కడికి తీసుకెళ్తుంది. అటు శ్రుతి డాన్స్ చేస్తూ కిందపడి పొట్ట పట్టుకుని నొప్పి అని అల్లాడిపోతుంది.