chinni serial today may 8th: చిన్ని సీరియల్: శ్రేయ మెడలో తాళి కట్టిందెవరు? కావేరి ఆత్మ మళ్లీ ఎంట్రీ ఇచ్చిందా!
chinni serial today episode may 8th మ్యాడీ, చందులు కలిసి లాయర్ హరిని వెతకడం చివరకు ఆయన్ను కాపాడటంతో ఇవాళ్టి ఎపిసోడ్ ఆసక్తికరంగా మారింది.
Chinni Serial Today Episode వసంత మ్యాడీతో చావు బతుకుల మధ్య ఉన్న శ్రేయ మెడలో తాళి కట్టమని చెప్తుంది. ఒకసారి పెళ్లి అయిన నేను మళ్లీ ఎలా పెళ్లి చేసుకోవాలి అని మ్యాడీ అడుగుతాడు. దేవా మ్యాడీతో చిన్నప్పుడు శ్రేయకి మాటిచ్చింది నేను ఇప్పుడు తాళి కట్టమని చెప్పింది కూడా నేనే అని అంటాడు. దానికి చందు ఒకసారి చిన్నిని పెళ్లి చేసుకున్న మ్యాడీ శ్రేయని పెళ్లి చేసుకోవడం కరెక్ట్ కాదు అని అంటాడు. అసలు నిన్ను ఎవరు లోపలికి రానిచ్చారు., బయటకు వెళ్లు అని వసంత చందుని గెంటేస్తుంది.
నాగవల్లి మ్యాడీతో నాన్న ఎవరు ఏం చెప్పినా వినొద్దు.. ఇప్పుడున్న పరిస్థితుల్లో నువ్వు శ్రేయకి తాళి కట్టడమే మంచిది.. నువ్వు తాళి కట్టకపోతే నా మీద ఒట్టే అని నాగవల్లి అంటుంది. తాళి తీసుకురమ్మని దేవా చెప్తాడు. నాగవల్లి బయటకు వెళ్లి చిన్నితో మరి కాసేపట్లో మ్యాడీ శ్రేయ మెడలో తాళి కట్టబోతున్నాడు అని అంటుంది. చిన్ని షాక్ అయిపోతుంది. నాగవల్లి సైగ చేయడంతో లోహిత చిన్నిని ఓ గదిలో బంధించేస్తుంది. డోర్ తీయమని చిన్ని చాలా ఏడుస్తుంది. నాగవల్లి తాళి తీసుకొచ్చి మ్యాడీకి ఇస్తుంది. అందరూ తాళి కట్టమని మ్యాడీకి ఫోర్స్ చేస్తారు. మ్యాడీ శ్రేయ మెడలో తాళి కట్టడానికి రెడీ అయిపోతాడు. మ్యాడీ శ్రేయ మెడలో తాళి కట్టడానికి వెళ్తున్నప్పుడు.. కావేరి ఆత్మని బంధించిన సీసా గాలికి తెగి కింద పడి ఆత్మ బయటకు వచ్చేస్తుంది. దాంతో హాస్పిటల్లో కరెంట్ పోతుంది. చిన్నిని బంధించిన గది డోర్ ఓపెన్ అవుతుంది.
చిన్ని మ్యాడీ వాళ్ల దగ్గరకకు పరుగులు పెడుతుంది. చిన్ని వచ్చేసరికి శ్రేయ మెడలో తాళి ఉంటుంది. అది చూసి చిన్ని షాక్ అయిపోతుంది. శ్రేయ కళ్ల తెరుస్తుంది. బావ నా మెడలో తాళి కట్టావా,.. నన్ను బతికించడం కోసం నా మెడలో తాళి కట్టావా అని తాళికి దండం పెట్టుకుంటుంది. నీ మెడలో తాళి కట్టింది నేను కాదు అని మ్యాడీ శ్రేయతో పాటు అక్కడున్న అందరికీ షాక్ ఇస్తాడు. నువ్వు కాదా మరి ఎవరు మనల్ని ఇంత మోసం చేసింది అని దేవా అంటాడు. దాంతో చందు వచ్చి నేనే శ్రేయ మెడలో తాళి కట్టాను.. చిన్నిని పెళ్లి చేసుకున్న మ్యాడీ శ్రేయని పెళ్లి చేసుకోవడం కరెక్ట్ కాదు అనిపించింది అని అంటాడు.
శ్రేయ లేచి ఏంటి అత్తయ్యా ఇది బావ చేత తాళి కట్టంచుకోవడానికి నేను ఇంత చేస్తే మధ్యలో ఈయన వచ్చి ఇంత చేశాడేంటి అని అంటుంది. అంతే నా చేత తాళి కట్టించుకోవడానికి నాటకం ఆడావా అని మ్యాడీ అంటే అవును అని శ్రేయ అంటుంది. అందుకే నీ నాటకాన్ని దేవుడు ఇలా తిప్పికొట్టాడు.. ఎవరు అవును అన్నా కాదు అన్నా చిన్ని నా భార్య. మన ఇంటి కోడలు.. కాస్త ఓపిక పట్టండి చిన్ని వాళ్ల అమ్మ ఏ తప్పు చేయలేదు అని నిరూపిస్తా అని చెప్పి చిన్నిని తీసుకెళ్లిపోతాడు.
శ్రేయ చందుని కొడుతుంది. చందు శ్రేయతో కొడితే కొట్టు శ్రేయ కానీ ఆ తాళిని ఎగతాళి చేయకు అని అంటాడు. దేవా కోపంగా నీ బతుకుకి నా మేనకోడలు కావాల్సి వచ్చిందా అని చందుని కొడతాడు. చందుని దేవా కొడుతుంటే నాగవల్లి ఆపుతుంది. సీసీ కెమెరాలు ఉన్నాయి ఎవరైనా వైరల్ చేస్తారేమో అని ఆపుతుంది. ఇంటికి వచ్చిన తర్వాత శ్రేయ చందు ఇంటికి వెళ్లి తాళి ముఖాన విసిరి కొడతా అని అంటుంది. అలా చేయడం తప్పు అని శ్రేయకి చిన్ని, మ్యాడీ చెప్తారు. ఎవరో దారిన పోయిన దానయ్యతో నేను జీవితాంతం ఉండాలా అని శ్రేయ అంటే చందు దారిన పోయిన వాడు కాదు.. చాలా మంచోడు.. అలాంటి వాడు నీకు దొరకడం నీ అదృష్టం.. ఇక నుంచి నా గురించి ఆలోచించడం మానేసి చందుతో ఉండమని చెప్పండి అని మ్యాడీ అంటాడు. నేను ఏం చెప్పే పరిస్థితుల్లో లేను అని నాగవల్లి వెళ్లిపోతుంది. దేవా కూడా వెళ్లిపోతాడు. వసంత శ్రేయని వెళ్లమని అంటే శ్రేయ వెళ్తుంటే కావేరి మాటలు వినిపిస్తాయి. నీ మెడలో తాళి తీసేస్తే మెడ మీద తలకాయ నేను తీసేస్తా అని కావేరి మాటలు వినిపిస్తాయి. దాంతో శ్రేయ ఇంట్లోకి వెళ్లిపోతుంది.
చిన్ని మ్యాడీతో శ్రేయ ఇప్పుడు ఆగిపోయింది అంటే తన మనసు మారుతుంది. అలా మారాలి అంటే మనమే ఏదో ఒకటి చేయాలి అని చిన్ని, మ్యాడీ అనుకుంటారు. లోహి చెప్తే వింటుంది కదా అని మ్యాడీ అంటాడు. లోహి శ్రేయ దగ్గరకు వెళ్లి ఆ చందుకి అంత సీన్ లేదు వాడిని నువ్వు భర్తగా అంగీకరించొద్దు.. వాడు మన కాలి గోటికి కూడా సరిపోడు వాడిని వదిలేయ్ అని అంటుంది. మెడలో తాళి తీసేయ్ అని లోహిత చెప్తుంది. శ్రేయ తీసే టైంకి లోహిత మీదకు కావేరి ఆత్మ వచ్చి మెడతో తాళి తీయొద్దు అని అంటుంది. తీసేస్తా అని శ్రేయ అంటే లోహి గొంతు పట్టుకుంటుంది. శ్రీమతి శ్రేయాచంద్రశేఖర్.. రెండు రోజుల్లో నువ్వు అత్తారింటికి వెళ్లకపోయినా.. తాళి తీసేసినా ఈ తలకాయ గుమ్మడి కాయలా వేలాడుతుందని అంటుంది. తర్వాత లోహిత మీద ఉన్న ఆత్మ వెళ్లిపోయిన తర్వాత లోహి మళ్లీ తాళి తీసేయమని అంటుంది.
చిన్ని మ్యాడీతో హరి అంకుల్ని అంతా వెతికాం కానీ ఆయన ఇంట్లో వెతకలేదు కదా.. మనల్ని డైవర్ట్ చేయడానికి ఆయన ఇంట్లోనే ఉంచొచ్చు కదా అక్కడికి వెళ్లి చూస్తే బెటర్ కదా అంటే నేను చందు వెళ్లి వెతుకుతాం అని మ్యాడీ వెళ్తాడు. చందుని కలుస్తాడు. మ్యాడీ చందు వెళ్లి లాయర్ ఇంట్లో వెతుకుతారు. అక్కడే లాయర్ని రౌడీలు కొట్టడం చూసి వాళ్ల నుంచి హరిని కాపాడతారు. ఎవరు బాబు మీరు అని అంటే నేను చందు, మహి అని పరిచయం చేసుకుంటారు. హరి చాలా సంతోషపడతాడు. మహిని చూసి దేవేంద్ర వర్మ గారి అబ్బాయి కదా అని కంగారు పడతాడు. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
