Brahmamudi Serial Today December 19th: ‘బ్రహ్మముడి’ సీరియల్: విషమంగానే సీతారామయ్య పరిస్థితి – పోలీస్ ట్రైనింగ్లో ఉండలేనన్న అప్పు
Brahmamudi Today Episode: పోలీస్ ట్రైనింగ్ లో ఉండలేనని.. ఉదయం నుంచి సాయంత్రం వరకు ఎక్కడం, దూకడం తన వల్ల కావడం లేదని అప్పు చెప్పడంతో ఇవాళ్టీ ఏపిసోడ్ చాలా ఆసక్తిగా జరిగింది.
Brahmamudi Serial Today Episode: బ్యాంకు వాళ్లు వచ్చి ఇల్లు సీజ్ చేస్తామని అందరూ బయటకు వెళ్లండి అని చెప్పగానే రుద్రాణి, ధాన్యలక్ష్మీ కోపంగా సీతారామయ్యను తిడతారు. రాహుల్ కూడా తాతయ్యకు మతి భ్రమించి సంతకం చేశారని ఆయన చేసిన పిచ్చి పనికి మేము ఎందుకు బయటకు వెళ్లాలని నిలదీస్తాడు. మీరు బయటకు వెళ్లకపోతే పోలీసుల చేత గెంటి వేయిస్తామంటారు బ్యాంకు వాళ్లు
ధాన్యలక్ష్మీ: అయితే మేము కోర్టుకు పోతాం
రుద్రాణి: స్టే ఆర్డర్ తీసుకొస్తాం
రాహుల్: పెద్దాయన మతి స్థిమితం కోల్పోయి ఏదో రాసిస్తే మాకేంటి సబంధం.
ధాన్యలక్ష్మీ: అసలు పెద్దాయన ఇచ్చిన మాటతో కానీ రాసిచ్చిన పత్రంతో కానీ మాకెలాంటి సంబంధం లేదు.
రాజ్: అది కాదు పిన్ని తాతయ్య మాటకు మనం తల వంచాలి కదా..?
ధాన్యలక్ష్మీ: తల వంచడం కానీ తల దించడం కానీ లేదు. కావాలంటే నువ్వు మీ అమ్మ, మీ నాన్న తల వంచండి. మీ తాత మాటలకు కట్టుబడి ఉంటే అడుక్కుతినాలి. మాకేం కర్మ వారసులుగా మా ఆస్థి మేము రాబట్టుకోవడానికి కోర్టుకు వెళ్లే తీరుతాం
రుద్రాణి: అవును నా చెవి దుద్దులు, బంగారం అమ్మైనా సరే మంచి లాయర్ ను పెట్టుకుని కోర్టుకు వెళ్తాం
ఇందిరాదేవి: ఆపండి.. ఇన్నాళ్లు ఆయన ముందు మాట్లాడటానికే భయపడే మీరు ఇవాళ ఆస్థులు పోయాయి అనగానే ఆయనకు మతిస్థిమితం లేదంటారా..? ఇదంతా నా భర్త స్వార్జితం.. పోతే పోయింది. ఆయన ఇచ్చిన మాట, పెట్టిన సంతకం అన్ని ఆయన కోసం గౌరవించి తీరాలి.
దీంతో రుద్రాణి, ధాన్యలక్ష్మీ కోర్టుకు వెళ్లే తీరతామంటారు. ఇందిరాదేవి ఎమోషనల్ అవుతుంది. ఈ విషయం ఆయనకు తెలిస్తే వెంటనే గుండె ఆగి చనిపోతారు అని ఏడుస్తూ ఇందిరాదేవి కుప్పకూలిపోతుంది. అందరూ కంగారుగా ఇందిరాదేవి దగ్గరకు వస్తారు రాజ్ కూడా ఉలిక్కి పడి నిద్ర లేస్తాడు. ఇదంతా కలా అనుకుని బ్యాంకు వాళ్లకు డబ్బులు కట్టకపోతే నిజం అవుతుంది అనుకుంటాడు. మరోవైపు డాక్టర్ సీతారామయ్యను చెక్ చేస్తాడు. తాతయ్యకు ఎప్పుడు బాగవుతుందని కళ్యాణ్ అడిగితే ఎప్పుడు అని కచ్చితంగా చెప్పలేమని.. ట్రీట్మెంట్ చేసుకుంటూ వెళ్తే ఏదో ఒకరోజు ఆయన కోమాలోంచి బయటకు వస్తారని చెప్పి వెళ్లిపోతాడు. అందరూ ఇంట్లో భోజనం చేస్తుంటారు.
ధాన్యలక్ష్మీ: ఏంటి కూరలన్నీ ఇంత చప్పగా ఉన్నాయి. ఉప్పు లేని చప్పిడి కూడు పెడుతున్నావేంటి..
అపర్ణ: ఉప్పు వేసినా ఏం లాభం అనుకున్నావా..? కావ్య. ఈ ఇంటి ఉప్పు తిన్న విశ్వాసం కూడా వీళ్లెవరికీ లేదని ఉప్పేయడం మానేశావా..?
కావ్య: నేను సరిగ్గానే వేశాను అత్తయ్య
రుద్రాణి: సరిగ్గానే వేసిందంట ధాన్యలక్ష్మీ.. అత్తగారు వెనకేసుకొస్తున్నారు కదా..? రుచి చూసిన వాళ్లు పిచ్చోళ్లు.. నోట్లో నాలుకే లేనివాళ్లు
ధాన్యలక్ష్మీ: నడమంత్రపు సిరి బాగా తలకు ఎక్కినట్టు ఉంది
ఇంతలో పైనుంచి రాజ్ వస్తాడు. వస్తూనే కావ్యను డైరెక్టుగా హెల్ఫ్ అడిగితే చేయదని ఫస్ట్ కాకా పట్టాలనుకుని దగ్గరకు వస్తాడు.
రాజ్: ఏంటి కళావతి వంటలన్నీ గుమగుమలాడుతున్నాయి. వాసన చూస్తుంటేనే నోరూరుతుంది.
ఇందిరాదేవి: ఏంటి రాజ్ తినక ముందే పొగుడుతున్నావు.
రాజ్: కళావతి వంటకు వంకలు పెట్టాలా నాన్నమ్మ.. కళావతి వంటలు బాగా లేవన్న వాళ్లు ఇంటింటికి తిరుగుతూ అడుక్కుతినాలి.
ధాన్యలక్ష్మీ: ముందు తిని తర్వాత మెచ్చుకో రాజ్..
రాజ్ తిని అబ్బా ఈరోజే వంటల్లో ఉప్పు తక్కువ కావాలా..? అని మనసులో అనుకుని బయటకు మాత్రం సూపర్బ్ గా ఉన్నాయి అంటాడు. రాజ్ కూడా నాటకాలు చాలా బాగా ఆడుతున్నాడు.. యావదాస్తి, ఇంటి తాళాలు కావ్య దగ్గర ఉన్నాయి కదా అందుకే ఈ నటన అంటుంది రుద్రాణి. రాజ్ కోపంగా ఆస్తుల కోసం ఒకరిని పొగిడి భజన చేసి బతకాల్సిన కర్మ నాకేం పట్టలేదు అంటూ తినకుండా వెళ్లిపోతాడు. ట్రైనింగ్ లో ఉన్న అప్పు, కళ్యాణ్కు ఫోన్ చేసి ఈ కష్టాలు నేను భరించలేను అంటూ వాపోతుంది. పోలీస్ ట్రైనింగ్ అంటే అలాగే ఉంటుంది పొట్టి అని కళ్యాణ్ చెప్తాడు. నీకోసమే నేను ఈ కష్టాలు భరిస్తున్నాను అంటుంది అప్పు. ఇంతటితో ఇవాళ్టీ ఎపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!
Before You Go
Telugu Serial Actor Debjani Modak Biography | ఎన్నెన్నో జన్మల బంధం' వేద అన్సీన్ లైఫ్
టాప్ హెడ్ లైన్స్
ట్రెండింగ్ వార్తలు
