Ammayi garu Serial Today October 25th: అమ్మాయి గారు సీరియల్: పింకీని పెళ్లి చేసుకొని సూర్యప్రతాప్ ఇంటికి వచ్చిన జీవన్.. రూప ఫ్యామిలీలో అల్లకల్లోలం!

Ammayi garu Today Episode సూర్యప్రతాప్ తమ్ముడి కూతురిని జీవన్ పెళ్లి చేసుకొని ఇంట్లోకి రావడం అందరూ షాక్ అవ్వడంతో ఇవాళ్టి ఎపిసోడ్ ఆసక్తికరంగా మారింది.

అమ్మాయిగారు సీరియల్ టుడే ఎపిసోడ్

Source : Zee5/YouTube

Ammayi garu Serial Today Episode తండ్రి ప్రమాణ స్వీకారంలో అపురూప కూడా మాట్లాడుతుంది. నా వెనక ఓ శక్తి ఉందని ఆ శక్తి పేరు రాజు అని చెప్తుంది. అందరూ క్లాప్స్ కొడతారు. రాజు లేకపోయి ఉంటే మా నాన్న నామినేషన్ వేసే వారు కాదని రాజు లేకపోయి ఉంటే దొంగిలించబడ్డ బ్యాలెట్ బాక్స్‌లు రికవరీ అయ్యేవి కాదని చెప్తుంది. సూర్యప్రతాప్ షాక్ అవుతాడు. దీపక్ తల్లితో ఏంటి మమ్మీ మనకు ఈ టార్చర్ అని అంటాడు. 

ఇక రూప రాజుని వేదిక మీదకు పిలుస్తుంది. రాజు కూడా మాట్లాడుతాడు. తానే చేసింది ఏమీ లేదని భగవంతున్ని సేవ చేసుకోవడం భక్తుడి బాధ్యత అని అలాగే నేను అని నా వెనక కూడా ఓ శక్తి ఉందని అంటాడు. అంతా ఎవరా అనుకుంటారు. 

రాజు: రాజకీయాలకు దూరంగా ఉన్న మా పెద్దయ్య గారు ఆపద్ధర్మ సీఎం అయ్యారు ఎలా అయ్యారో ఎవరికీ తెలీదు. పార్టీ ఎమ్మెల్యేలు అంతా కోరడం వల్లే సీఎం అయ్యారని పెద్దయ్యగారితో పాటు అందరూ అనుకున్నారు కానీ అదంతా చేసింది మా విరూపాక్షి అమ్మగారు. అమ్మగారు రండి. అంతే కాదు అప్పటికే రాజకీయకంగా ఎలాంటి ప్రభావితం లేని పెద్దయ్యగారికి మా విరూపాక్షి అమ్మగారే తన ఆస్తులన్నీ తాకట్టు పెట్టి పార్టీకి ఫండ్ ఇచ్చారు. ఇది కూడా మాకు ఎవరికీ తెలీకుండా చేశారు. మా అమ్మగారి నిర్ణయమే ఇప్పుడు పెద్దయ్యగారిని సీఎంలా నిలబెట్టింది. చివరకు మొన్న బ్యాలెట్ బాక్స్‌ల దొంగతనం గురించి చెప్పింది కూడా విరూపాక్షి అమ్మగారే.

విరూపాక్షి సూర్యప్రతాప్ పక్కన నిల్చొంటుంది. మరోవైపు మత్తులో ఉన్న పింకి లేచే సరికి మెడలో తాళి ఉంటుంది. ఏం అయిందా అని బిత్తర పోతుంది. పింకి మత్తులో ఉన్నప్పుడు రేణుక, శ్వేతలు తాళికి మూడు ముడులు వేసి పింకి మెడలో వేస్తారు. నా మెడలో తాళి ఎలా వచ్చిందని పింకి అడిగితే జీవన్ నేనే కట్టానని చెప్తాడు. దాంతో పింకీ లాగి పెట్టి జీవన్‌ని కొడుతుంది. మా పెద్దనాన్నకి చెప్పి నీ అంతు తేల్చుతానని అంటుంది. దానికి జీవన్ మీ పెద్దనాన్నకి మొత్తం చెప్పు కుదరకపోతే నేనే నీ వీడియోలు ఫొటోలు అన్నీ చూపిస్తాను అంటాడు. వీడియోలు ఫొటోలు ఏంటి అని అడిగితే పోలీసులతో పింకీ మాట్లాడిన ఫొటోలు గోపీతో ముద్దు పెట్టుకున్న ఫొటోలు చూపిస్తాడు. వీటిని వాడుకొని నీ కుటుంబాన్ని ఊబిలోకి నెట్టడానికే నీకు తాళి కట్టానని అంటాడు.

పింకీ: ఏం కావాలి నీకు.
జీవన్: ఇస్తావా పింకీ మీ పెద్దనాన్న నా నుంచి లాగేసుకున్న సీఎం కుర్చీ కావాలి మీ అక్క నా చెల్లి నుంచి లాగేసుకున్న రాజు కావాలి మానాన్నని అవమానించిన మీ కుటుంబం పరువు పోవడం కావాలి.  అవన్నీ చేయాలి అంటే నేను నీ మొగుడిలా నీ నట్లింట్లోకి రావాలి అలా కుదరదు అంటే నెట్టింట్లో నీ ఫొటోలు పెడతా.

మరోవైపు సూర్యప్రతాప్ విరూపాక్షికి థ్యాంక్స్ చెప్తాడు. అందరూ పొంగిపోతారు. విరూపాక్షి సంతోషంతో సూర్యప్రతాప్‌కి కంగ్రాట్స్ చెప్పి బొకే ఇస్తుంది. సూర్యప్రతాప్ తీసుకుంటాడు. నువ్వు చేసిన ద్రోహానికి క్షమించను అని అంటాడు. ఇక కూతురు రూపని తీసుకొని వెళ్లిపోతాడు. రాజు విరూపాక్షికి ఓదార్చుతాడు. మరోవైపు పింకీని జీవన్ బాగా బెదిరిస్తాడు. నా షరతులకు ఒప్పుకుంటే మీ ఇంటికి వెళ్దామని నీ వీడియోలు బయట పడితే మీ అమ్మానాన్నలు చనిపోతారు. మీ పెద్ద నాన్న పదవి పోతుందని అంటాడు. ఇక పింకీ ఒప్పుకుంటుంది. జీవన్ పింకీని తీసుకొని   సూర్యప్రతాప్ ఇంటికి బయల్దేరుతాడు. ఇంట్లో సూర్యప్రతాప్ అందరూ సంతోషంగా ఉంటారు. పింకీ గురించి సూర్యప్రతాప్ చంద్రకి అడుగుతాడు. ఇంతలో పింకీ మెడలో తాళి, దండతో గుమ్మం ముందు నిల్చొంటుంది. అందరూ చూసి షాక్ అయిపోతారు. వెనకాలే జీవన్‌ వచ్చి నిల్చొంటాడు. జీవన్‌ని చూసి బిత్తర పోతారు. సుమ కోపంగా పింకీ ఏమైంది ఏంటి ఇది అని అరుస్తుంది. మెడలో తాళి బొట్టు ఏంటి అని ఏడుస్తుంది. పింకీని కొడుతుంది. దీంతో ఇవాళ్టి ఎపిసోడ్ పూర్తయిపోతుంది.