Nara Lokesh: బాలయ్యకు ఆ ఒక్కరంటే భయమే! బాలకృష్ణ ఐకానిక్ డైలాగ్ చెప్పిన నారా లోకేష్.. షో టెలికాస్ట్ ఎప్పుడంటే

Jayammu Nishchayammu Raa – Season 2 | ఆంధ్ర‌ప్ర‌దేశ్ ఐటీ శాఖా మంత్రి నారా లోకేశ్‌ ‘జ‌య‌మ్ము నిశ్చ‌య‌మ్మురా’ సీజ‌న్‌2లో సంద‌డి చేశారు. బాలకృష్ణకు సంబంధించి ఆసక్తికర విషయాన్ని వెల్లడించారు.

‘జ‌య‌మ్ము నిశ్చ‌య‌మ్మురా’ సీజ‌న్‌2లో మంత్రి నారా లోకేష్ సంద‌డి

Source : Zee5

Show Quick Read

Key points generated by AI, verified by newsroom

• జయమ్ము నిశ్చయమ్మురా షోకు మంత్రి నారా లోకేష్ అతిథిగా.
• లోకేష్ స్కూలు అల్లరి, బాలయ్య భయం గురించి తెలిపారు.
• లోకేష్ బాలకృష్ణ డైలాగు పలికి, నవంబర్ 8న ప్రసారం.

విలక్షణ నటుడు జగపతిబాబు హోస్ట్‌గా వ్యవహరిస్తున్న సెలబ్రిటీ టాక్ షో ‘జయమ్ము నిశ్చయమ్మురా’ సీజన్ 2కు అద్భుతమైన స్పందన వస్తోంది. లేటెస్ట్ సీజ‌న్‌లో తొలి ఎపిసోడ్ సాయి ప‌ల్ల‌వితో ప్రారంభం కాగా, ఇటీవల డైరెక్టర్ త్రివిక్ర‌మ్ శ్రీనివాస్‌, మ్యూజిక్ డైరెక్టర్ థ‌మ‌న్ కాంబోలో సెకండ్ ఎపిసోడ్ టెలికాస్ట్ అయింది. న‌టుడు సునీల్ స్పెష‌ల్ గెస్ట్‌గా క‌నిపించి తెలుగు ప్రేక్షకులను అల‌రించారు. ఇప్పుడు అందరి దృష్టి మూడో ఎపిసోడ్‌పై పడింది. ఎందుకంటే ఈ ఎపిసోడ్‌లో ఆంధ్రప్రదేశ్ ఐటీ, విద్యాశాఖల మంత్రి నారా లోకేష్ ప్రత్యేక అతిథిగా పొల్గొననున్నారు. అందుకు సంబంధించిన ప్రోమో విడుదల కాగా, అందులో మంత్రి నారా లోకేష్.. తన మామయ్య బాలకృష్ణ డైలాగ్ చెప్పడంతో పాటు ప‌లు ఆస‌క్తిక‌ర‌మైన విష‌యాల‌ను షేర్ చేసుకున్నారు. నారా లోకేష్ అనే నేను అని వినిపిస్తుండగా లోకేష్ ఎంట్రీ ఇచ్చినట్లు ప్రోమోలో కనిపించింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Zee 5 Telugu (@zee5telugu)

స్కూల్ డేస్‌లో అల్లరి పిల్లాడు
నారా లోకేష్ ఈ షోలో భాగంగా స్కూల్ రోజుల్లో తాను చేసిన అల్లరి పిల్లాడిని అని పాత రోజులను గుర్తుచేసుకున్నారు. టీచర్ల నుంచి ఎక్కువ పనిష్మెంట్లు వచ్చేవని చెబుతూ నవ్వేశారు.  నిజంగానే అంత అల్లరి చేసేవారా? అని హోస్ట్ జగపతిబాబు అడిగారు. తన మామయ్య నందమూరి బాలకృష్ణ (Balakrishna)తో పోటీ పడాల్సి వచ్చేదంటూ లోకేష్ ఫన్నీగా బదులిచ్చారు. 

పెళ్లి సమయంలో ఆసక్తికర ఘటన.. నారా లోకేష్ తన పెళ్లి సమయంలో జరిగిన ఓ సరదా సంఘటనను గుర్తుచేసుకున్నారు. ఓ రోజు బాలకృష్ణ తనను అల్లుడుగారు అని పిలవడంతో ఏదో ఫిట్టింగ్ పెట్టేలా ఉన్నారేమోనని అనుకున్నానని సరదాగా చెప్పారు.

బాలయ్యకు ఒకరంటే భయమా ?
సినిమాల్లో తన పవర్‌ఫుల్ పర్ఫార్మెన్స్‌తో, మాస్ డైలాగ్స్‌తో ప్రేక్షకులను ఆకట్టుకునే నందమూరి బాలకృష్ణ గురించి అల్లుడు నారా లోకేష్ ఓ ఆసక్తికరమైన విషయం తెలిపారు. మామయ్య బాలయ్య తన జీవితంలో ఒకే ఒక్క వ్యక్తికి భయపడతారంటూ ఈ విషయాన్ని సరదాగా చెప్పుకొచ్చారు. 

బాలయ్య డైలాగ్‌తో అదరగొట్టిన నారా లోకేష్  

బాలకృష్ణ నటించిన ‘లెజెండ్’ సినిమాలోని పాపులర్ డైలాగ్‌ను నారా లోకేష్ చెప్పి ప్రేక్షకులను అలరించారు. ఫ్లూటు జింక ముందు ఊదు... సింహం ముందు కాదు.. అంటూ బాలయ్య డైలాగ్ చెప్పడంతో ఈ ఎపిసోడ్ ప్రోమో ఆసక్తికరంగా ముగిసింది. 

జ‌య‌మ్ము నిశ్చ‌య‌మ్మురా సీజ‌న్‌2లో నారా లోకేశ్ ఎపిసోడ్ న‌వంబ‌ర్ 6న ప్రీమియ‌ర్ కానుంది. న‌వంబ‌ర్ 8 రాత్రి 7గంట‌ల 30 నిమిషాల‌కు జీ తెలుగు ఛానెల్‌లో టెలికాస్ట్ కానున్న ఈ ఎపిసోడ్ గురించి ఆసక్తి నెలకొంది. ఎన్నికల హడావుడిలో ఉండి కూడా నారా లోకేష్ ఈ ప్రోగ్రాంకు వెళ్లారా అని టీడీపీ కార్యకర్తలు, ఆయన అభిమానులు ఆశ్చర్యపోతున్నారు.