Tollywood Updates: తేజుపై పవన్, త్రివిక్రమ్ ప్రశంసలు.. పండంటి బిడ్డకు జన్మనిచ్చిన హీరోయిన్

ఈరోజు టాలీవుడ్ కి సంబంధించిన లేటెస్ట్ అప్డేట్స్ మీకోసం..

Written By : ABP Desam | Updated at : 03 Oct 2021 08:44 PM (IST)

తేజుపై పవన్, త్రివిక్రమ్ ప్రశంసలు

తేజుపై పవన్, త్రివిక్రమ్ ప్రశంసలు..

టాలీవుడ్ హీరో సాయిధరమ్ తేజ్ నటించిన లేటెస్ట్ సినిమా 'రిపబ్లిక్'. దేవకట్టా డైరెక్ట్ చేసిన ఈ సినిమా అక్టోబర్ 1న ప్రేక్షకుల ముందుకు వచ్చింది. ఈ సినిమాకి ప్రేక్షకుల నుంచి మంచి రెస్పాన్స్ వస్తోంది. విమర్శకుల ప్రశంసలు కూడా దక్కాయి. విడుదలైన అన్ని సెంటర్లలో ఈ సినిమా మంచి టాక్ సొంతం చేసుకుంది. తాజాగా ఈ సినిమాను చూసిన ప్రముఖ నటుడు పవన్ కళ్యాణ్, దర్శకుడు త్రివిక్రమ్ తమ అభిప్రాయాన్ని వ్యక్తం చేశారు. సాయి ధరమ్ తేజ్ నటన అద్భుతంగా ఉందని ప్రశంసించారు. చిత్రబృందానికి శుభాకాంక్షలు చెప్పారు. సాయి ధరమ్ తేజ్ ఇటీవల రోడ్డు ప్రమాదానికి గురైన సంగతి తెలిసిందే. ప్రస్తుతం ఆయన ఆరోగ్యం నిలకడగానే ఉందని తెలుస్తోంది.

Also Read:విష్ణు అలా అనడం బాధేసింది.. ప్రకాష్ రాజ్ వ్యాఖ్యలు

Thank you so much for your kind gesture Shri. ⁦@PawanKalyan⁩ gaaru and Shri. #Trivikram gaaru! 🙏🙏🙏 pic.twitter.com/7xbgk6ST6o
— dev katta (@devakatta) October 3, 2021

Shri. @PawanKalyan garu and Director #Trivikram Garu congratulated Supreme Hero @IamSaiDharamTej and Team #Republic on their astounding success 🎉#rePUBLICblockbuster @aishu_dil @devakatta @JBEnt_Offl @ZeeStudios_ @ZeeMusicCompany @bkrsatish @JBhagavan1 @j_pullarao @vamsikaka pic.twitter.com/AWPFkL8KnV
— dev katta (@devakatta) October 3, 2021

పండంటి బిడ్డకు జన్మనిచ్చిన హీరోయిన్..

బాలీవుడ్ నటి నేహా ధూపియా ఆదివారం నాడు పండంటి మగబిడ్డకు జన్మనిచ్చింది. ఈ విషయాన్ని నేహా భర్త, నటుడు అంగద్ బేడీ ఇన్స్టాగ్రామ్ ద్వారా అభిమానులతో పంచుకున్నాడు. తల్లిబిడ్డలిద్దరూ క్షేమంగా ఉన్నారని తెలిపాడు. అయితే కొడుకు ఫోటోను మాత్రం రివీల్ చేయలేదు. రెండు బిడ్డకు జన్మనిచ్చిన నేహాకు ఆమె అభిమానులు శుభాకాంక్షలు తెలియజేస్తున్నారు. 'మిన్నారం' సినిమాతో చైల్డ్ ఆర్టిస్ట్ గా కెరీర్ ఆరంభించిన నేహా తరువాత జపనీస్ చిత్రంలో నటించింది. తెలుగులో ఈ బ్యూటీ 'నిన్నే ఇష్టపడ్డాను' అనే సినిమాలో నటించింది. 2018లో నటుడు, మోడల్ అంగద్ బేడీని పెళ్లి చేసుకోగా.. అదే ఏడాదిలో మెహర్ అనే బిడ్డకు జన్మనిచ్చింది.