Suriya's ET Telugu Rights: తెలుగులో డబ్బింగ్ చెప్పిన సూర్య, అభిమానులకు ట్రీట్ పక్కా!

తెలుగు ప్రేక్షకులకు సైతం సుపరిచితుడైన సూర్య నటించిన తాజా తమిళ సినిమా 'ET' తెలుగు రైట్స్ ఏషియన్ మల్టీప్లెక్స్ సొంతం చేసుకుంది.

సూర్య

సూర్య (Suriya Sivakumar) సినిమాలకు తమిళంతో పాటు తెలుగులోనూ క్రేజ్ ఉంటుంది. అందుకని, ఆయన సినిమా తెలుగు రైట్స్ కోసం చాలా మంది పోటీ పడతారు. ఓటీటీలో 'ఆకాశమే నీ హద్దురా', 'జై భీమ్' సినిమాలతో సూర్య మునుపటి ఫామ్ అందుకున్నారు. దీనికి తోడు '#EtharkumThuninthavan'లో ఆయన గ్రామీణ లుక్‌లో ఉండటంతో సినిమాపై ఆసక్తి ఏర్పడింది. ఈ సినిమా తెలుగు హక్కులను ఏషియన్ మల్టీప్లెక్స్ సంస్థ సొంతం చేసుకుంది.

సూర్య హీరోగా దర్శకుడు పాండిరాజ్ తెరకెక్కించిన యాక్షన్ థ్రిల్లర్ 'ఎతర్క్కుం తునిందావన్' (#ET). సన్ పిక్చర్స్ పతాకంపై కళానిధి మారన్ నిర్మించారు. ఈ సినిమా తెలుగు హక్కులను టాలీవుడ్ ప్రముఖ ప్రొడక్షన్ అండ్ డిస్ట్రిబ్యూషన్ హౌస్ ఏషియన్ మల్టీప్లెక్స్ ప్రై. లి. సొంతం చేసుకుంది. తమిళ వెర్షన్‌తో పాటు తెలుగులోనూ ఈ చిత్రాన్ని మార్చి 10, 2022న విడుదల చేయాలనే నిర్ణయం తీసుకున్నారు. తెలుగులో భారీ ఎత్తున విడుదల చేయడానికి సన్నాహాలు చేస్తున్నారట.

సూర్యకు ఉన్న క్రేజ్, మార్కెట్‌ను దృష్టిలో పెట్టుకుని భారీ ఫ్యాన్సీ రేటు ఆఫర్ చేశారట. ఈ సినిమాకు తెలుగులో సూర్య డబ్బింగ్ చెబుతున్నారు. తెలుగు డబ్బింగ్ చెప్పిన తర్వాత  స్టూడియోలో ఉన్న ఫొటోను ఆయన ట్వీట్ చేశారు. సూర్య‌కు జంటగా, అతని ప్రేయసి పాత్రలో నాని 'గ్యాంగ్ లీడర్', శివ కార్తికేయన్ 'డాక్టర్' ఫేమ్ ప్రియాంక అరుల్ మోహన్ నటించగా... ఇతర పాత్రల్లో వినయ్ రాయ్, సత్యరాజ్, రాజ్‌కిరణ్, శరణ్య పొన్వన్నన్ కనిపించనున్నారు. ఈ చిత్రానికి కెమెరా: ఆర్. రత్నవేలు, సంగీతం: డి ఇమ్మాన్.

Also Read: కీర్తీ సురేష్ చీర కుచ్చిళ్ళు సరిచేస్తున్న మహేష్, 'సర్కారు వారి పాట' సాంగ్ లీకైందిగా!

A pakka treat for Telugu fans 💥@Suriya_offl dubs in his own voice for the telugu version of #ET!@pandiraj_dir #Sathyaraj @immancomposer @RathnaveluDop @priyankaamohan @VinayRai1809 @sooriofficial @AntonyLRuben #ఈటి pic.twitter.com/TvYKH18wOi

— Sun Pictures (@sunpictures) February 12, 2022

 

 

 

 

 

View this post on Instagram

 

 

 

 

 

 

 

 

 

 

 

A post shared by Suriya Sivakumar (@actorsuriya)