Pic Talk: అక్షయ్ కుమార్ తో సూర్య - 'ఆకాశం నీ హద్దురా' హిందీ రీమేక్ లో గెస్ట్ రోల్

అక్షయ్ కుమార్ తో తీసుకున్న ఫొటోను తన సోషల్ మీడియాలో షేర్ చేస్తూ.. 'సూరరై పోట్రు' హిందీ రీమేక్ లో చిన్న క్యామియో చేస్తున్నట్లు వెల్లడించారు సూర్య.    

అక్షయ్ కుమార్ తో సూర్య

కోలీవుడ్ స్టార్ హీరో సూర్య నటించిన 'సూరరై పోట్రు' సినిమాను తెలుగులో 'ఆకాశం నీ హద్దురా' పేరుతో విడుదల చేశారు. లాక్ డౌన్ సమయంలో ఓటీటీలో ఈ సినిమాను విడుదల చేశారు. అమెజాన్ ప్రైమ్ లో వచ్చిన ఈ సినిమా భారీ విజయాన్ని అందుకుంది. అత్యధిక వ్యూస్ ను సాధించి సూర్య కెరీర్ లో స్పెషల్ ఫిల్మ్ గా నిలిచిపోయింది. లేడీ డైరెక్టర్ సుధా కొంగర ఈ సినిమాను రూపొందించగా.. సూర్య స్వయంగా నిర్మించారు. 

ఎయిర్ డెక్కన్ వ్యవస్థాకుడు కెప్టెన్ జి.ఆర్. గోపీనాథ్ జీవిత కథ ఆధారంగా చేసుకుని.. విమానయాన రంగంలో వచ్చిన మార్పులను వివరిస్తూ కొంత కల్పిత కథను జోడించి ఈ సినిమాను రూపొందించారు. సౌత్ లో అన్ని భాషల్లో ఈ సినిమాకి పాజిటివ్ టాక్ వచ్చింది. ఇప్పుడు ఈ సినిమాను హిందీలో రీమేక్ చేస్తున్నారు. ఇందులో అక్షయ్ కుమార్ లీడ్ రోల్ పోషిస్తున్నారు. ఒరిజినల్ వెర్షన్ ను డైరెక్ట్ చేసిన సుధా కొంగర రీమేక్ ను కూడా డైరెక్ట్ చేస్తున్నారు. 

తాజాగా ఈ సినిమా షూటింగ్ లో పాల్గొన్నారు హీరో సూర్య. ఈ విషయాన్ని ఆయన స్వయంగా వెల్లడించారు. అక్షయ్ కుమార్ తో తీసుకున్న ఫొటోను తన సోషల్ మీడియాలో షేర్ చేస్తూ.. 'సూరరై పోట్రు' హిందీ రీమేక్ లో చిన్న క్యామియో చేస్తున్నట్లు వెల్లడించారు. అక్షయ్, సూర్య ఒకే స్క్రీన్ పై కనిపిస్తున్నారని తెలియడంతో ఫ్యాన్స్ ఆనందానికి అవధుల్లేవు. మరి హిందీలో ఈ సినిమాకి ఎలాంటి రెస్పాన్స్ వస్తుందో చూడాలి!

 

 

 

 

 

View this post on Instagram

 

 

 

 

 

 

 

 

 

 

 

A post shared by Suriya Sivakumar (@actorsuriya)