SS Thaman: ఒకే వేదికపై తమన్, కోటి, మణిశర్మ- ముగ్గురు కలిసి దుమ్ములేపారు

అద్భుతమైన పాటలు అందించడంలో ప్రముఖ సంగీత దర్శకులు మణిశర్మ దిట్ట. అందుకే ఆయన్ను అందరూ మెలోడీ బ్రహ్మ అంటారు. కుర్రకారుని ఉర్రూతలూగించే విధంగా మ్యూజిక్ ఇవ్వడంలో తమన్ ప్రత్యేక శైలిని ఏర్పాటు చేసుకున్నారు.

image credit: instagram

అద్భుతమైన పాటలు అందించడంలో ప్రముఖ సంగీత దర్శకులు మణిశర్మ దిట్ట. అందుకే ఆయన్ను అందరూ మెలోడీ బ్రహ్మ అంటారు. కుర్రకారుని ఉర్రూతలూగించే విధంగా మ్యూజిక్ ఇవ్వడంలో తమన్ ప్రత్యేక శైలిని ఏర్పాటు చేసుకున్నారు. మెలోడీలు అందించడంలో ప్రత్యేక స్థానం సంగీత దర్శకులు కోటిది. మరీ అలాంటి ముగ్గురు ఒకే వేదిక మీద కలిసి మ్యూజిక్ వాయిస్తే అదిరిపోతుంది కదా. 

ఇటీవల మణిశర్మ పుట్టిన రోజు సందర్భంగా తన శిష్యుడు తమన్ అదిరిపోయే గిఫ్ట్ ఇచ్చారు. బర్త్ డే సందర్భంగా కోటి, తమన్, మణిశర్మ ఒకేచోట కలిశారు. ఈ ముగ్గురు కలిసి "అతడు" సినిమాలోని 'అవును నిజం..  నువ్వంటే నాకిష్టం'..  అనే పాటకు మ్యూజిక్ ట్రాక్ అద్భుతంగా వాయించారు. దీనికి సంబంధించిన వీడియోను తమన్ తన ట్విటర్ లో పోస్ట్ చేశారు. తన గురువులు మణిశర్మ, కోటిగార్లతో కలిసి అద్భుతమైన రోజు అని రాసుకొచ్చారు. తాను ప్రస్తుతం ఈ స్థానంలో ఉండటానికి తన గురువుగారు కారణం అని తమన్ చెప్పుకొచ్చారు.  ఈ వీడియోలో తమన్ డ్రమ్స్ వాయిస్తుండగా, కోటి గిటార్ ప్లే చేస్తున్నారు. ముగ్గురు నువ్వా నేనా అన్నట్లుగా మ్యూజిక్ వాయిస్తూ దుమ్ము లేపారు. ప్రస్తుతం ఈ వీడియో వైరల్ గా మారింది. 

తమన్ మణిశర్మ దగ్గర దాదాపు ఎనిమిది ఏళ్ల పాటు అసిస్టెంట్ గా పని చేశారు. సుమారు 95 చిత్రాలకు మణిశర్మ దగ్గర పనిచేశారు. సంగీతంలో ఎన్నో మెలకువలను ఆయన దగ్గర నేర్చుకున్నట్లు తమన్ పలు సందర్భాలలో చెప్పుకొచ్చారు. ప్రస్తుతం టాలీవుడ్ లో బిజీ సంగీత దర్శకులలో తమన్ ఒకరు. పవర్ స్టార్ పవన్ కళ్యాణ్ వకీల్ సాబ్ సినిమాకు తమన్ అందించిన బీట్ థియేటర్లలో ప్రేక్షకులని ఉర్రూతలూగించింది. త్రివిక్రమ్ తో కలిసి మహేష్ చేస్తున్న సినిమాకి తమన్ మ్యూజిక్ అందిస్తున్నాడు. రామ్ చరణ్ తో శంకర్ తీయబోయే చిత్రానికి కూడా తమన్ సంగీత దర్శకుడు. 

 

What a blast 💥 Last Night with My dear guru’s #ManiSharma gaaru & #Koti gaaru

We performed this super brilliant track !!
Good to be on drums 🥁What a high Seriously 💪🏼💨 #Avnunijam From #Athadu pic.twitter.com/LFEtoxXs1v

— thaman S (@MusicThaman) July 12, 2022