Sara Ali Khan: ఎయిర్ పోర్టులో సారాకు చేదు అనుభవం, అసభ్యంగా టచ్ చేసిన అభిమాని

బాలీవుడ్ బ్యూటీ సారా అలీ ఖాన్ కు ముంబై ఎయిర్ పోర్టులో చేదు అనుభవం ఎదురయ్యింది. ఓ అభిమాని ఆమెను తాకరాని చోట తాకుతూ అసభ్యంగా ప్రవర్తించారు. ప్రస్తుతం ఈ వీడియో సోషల్ మీడియాలో వైరల్ అవుతోంది.

Photo Credit: Sara Ali Khan/Instagram

సినీ తారలు జనాల్లోకి వచ్చినప్పుడు పలు రకాల ఇబ్బందులు ఎదురవుతాయి. హీరోయిన్లకు అయితే ఇబ్బందులు కాస్త ఎక్కువే ఉంటాయి. వారితో సెల్ఫీలు దిగేందుకు వచ్చి, అనుచితంగా ప్రవర్తించిన సందర్భాలు చాలా ఉన్నాయి. తాజాగా ఇలాంటి అనుభవాన్నే ఎదుర్కొంది బాలీవుడ్ క్యూట్ బ్యూటీ సారా అలీ ఖాన్.

ముంబై ఎయిర్ పోర్టులో సారాకు చేదు అనుభవం

ముంబై ఎయిర్ పోర్టు నుంచి బయటకు వస్తున్న సమయంలో సారాకు చేదు అనుభవం ఎదురయ్యింది. విమానాశ్రయం నుంచి ఆమె బయటకు వస్తుండగా అభిమానులు ఆమె చుట్టూ గుమిగూడారు.  ఆమెతో సెల్ఫీల కోసం ఎగబడ్డారు. అందరికీ ఓపికగా సెల్ఫీలు ఇచ్చింది సారా. చిన్న పిల్లల నుంచి మొదలుకొని పెద్ద వారి వరకు అడిగిన వారికి కాదనకుండా ఫోటోలకు పోజులిచ్చింది. ఇదే సమయంలో ఓ యువతి ఆమెతో షేక్ హ్యాండ్ ఇచ్చింది. ఆ తర్వాత ముందుకు వెళ్తూ ఆమె ముఖంతో పాటు భుజాలను తాకేందుకు ప్రయత్నించింది. ఆమె వింత ప్రవర్తనకు సారా షాక్ అయ్యింది. అయినా, ఏమాత్రం కోప్పడకుండా నవ్వుతూ అక్కడి నుంచి వెళ్లిపోయింది.   

నెటిజన్లు ఏం అంటున్నారంటే?

ఈ వీడియో నెట్టింట్లో తెగ వైరల్ అవుతోంది. సారా సంయమనానికి నెటిజన్లు హ్యాట్సాఫ్ చెప్తున్నారు. అభిమానులు అనే పేరుతో పిచ్చిగా ప్రవర్తించినా, ఎంతో ఓపికతో ఉందని కామెంట్స్ పెడుతున్నారు. “సారా ఎంతో మర్యాదగా ప్రవర్తించింది. ఆమె చదువు, సంస్కారానికి నిదర్శనం. హ్యాట్సాప్ సారా” అంటూ ఓ నెటిజన్ కామెంట్ చేశాడు."ఆమె తన అభిమానుల పట్ల చాలా ప్రేమను కనబరుస్తుంది. కానీ, కొంతమంది తప్పుడు వ్యక్తులు చెడుగా ప్రవర్తిస్తారు. కాబట్టి ఆమెకు భద్రత ఉండాలి" అని మరొకరు కామెంట్ చేశారు.

గతంలోనూ సారాకు చేదు అనుభవాలు

ఇప్పుడే కాదు, గతంలోనూ సారాకు ఇలాంటి అనుభవాలు ఎదురయ్యాయి. ముంబై ఎయిర్ పోర్టులోనే ఓ అభిమాని ఆమెతో అనుచితంగా ప్రవర్తించాడు. సెల్ఫీ దిగే నెపంతో ఆమె నడుము చుట్టూ చేతులు వేసి హత్తుకునే ప్రయత్నం చేశాడు. దీంతో ఒక్కసారిగా షాక్‌ అయిన సారా వెనక్కి వెళ్లింది. కానీ, కంట్రోల్‌ తప్పకుండా కూల్‌గా ఎయిర్‌ పోర్ట్‌ నుంచి బయటకు వెళ్లిపోయింది. మరోసారి జిమ్ నుంచి బయటకు వస్తున్న వేళ చేదు అనుభవం ఎదురైంది. ఓ అభిమాని ఆమె చేతిని పట్టుకుని  ముద్దాడబోయాడు. దీంతో షాక్ కు గురైన ఆమె తన చేతిని వెనక్కు లాగేసుకుంది.

సారా సినిమాల గురించి..   

సారా అలీ ఖాన్ 2018లో ‘కేదార్‌నాథ్‌’ చిత్రంలో తొలిసారిగా నటించింది.  మొదటి సినిమాతోనే తన అందం, అభినయంతో ఆకట్టుకుంది. అక్షయ్ కుమార్, ధనుష్‌ తో కలిసి ‘అత్రంగి రే’ చిత్రంలో కనిపించింది. ఈ సినిమాలో తన నటనతో అందరినీ ఆకట్టుకుంది.  ఇటీవలే విక్కీ కౌశల్ సరసన ' జర హాట్కే జర బచ్కే' సినిమాతో మంచి సక్సెస్ అందుకుంది. 

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial