Samantha: ఎవర్నీ బాధపెట్టాలని అనుకోలేదు.. వారికి నా క్షమాపణలు: సమంత

అక్కినేని వారింటి కోడలు సమంత సారీ చెప్పింది. సారీ చెప్పాల్సినంత తప్పు సామ్ ఏం చేసింది.. ఏ సందర్భంగా సారీ చెప్పాల్సి వచ్చిందో చూడండి.

సమంత

‘ది ఫ్యామిలీ మ్యాన్ సీజన్‌ 2’తో హిందీలో అరంగేట్రం చేసిన సమంత అక్కినేని ఈ షోకి సంబంధించిన వివాదంపై స్పందించింది. ఫ్యామిలీ మ్యాన్ 2లో తన పాత్ర వల్ల ఎవరి మనోభావాల్ని దెబ్బ తీసినా వారందరినీ  క్షమాపణలు కోరుతున్నా అంది సామ్. రాజ్ & డికె సిరీస్ ది ఫ్యామిలీ మ్యాన్ 2 తో సామ్ హిందీ డిజిటల్ ప్రపంచంలోకి అడుగుపెట్టింది. ఈ ప్రదర్శనను నిషేధించాలని తమిళనాడు ప్రభుత్వం కేంద్రాన్ని కోరింది. తమిళనాడు ఐటి మంత్రి టి మనో తంగరాజ్ ఒక లేఖ రాశారు. ``ఈ సిరీస్ ఈలం తమిళుల మనోభావాలను దెబ్బతీయడమే కాకుండా..   తమిళనాడు ప్రజలను కూడా బాధ పెట్టింది`` అని ఆరోపించారు. ఈ వెబ్ సీరిస్‌లో తమిళ ఈలం గురించి ప్రతికూలంగా సన్నివేశాల్ని చిత్రీకరించడమే కాకుండా..  సామ్ రాజీ పాత్ర పోషించడంపై తమిళ ప్రజలు ఆగ్రహంతో ఉన్నారనే సంగతి తెలిసిందే. 

అయితే.. సమంత తాజాగా ఓ ఇంటర్వ్యూలో మాట్లాడుతూ.. ఈ వివాదాస్పద అంశాన్ని నేరుగా ప్రస్తావించకుండా..  ఆ విమర్శలకు సమాధానం ఇచ్చింది. ప్రజల మనోభావాలను దెబ్బతీసినందుకు క్షమాపణలు చెప్పింది. ‘‘నేను ఉద్దేశపూర్వకంగా ఏదీ చేయలేదు. హృదయపూర్వకంగా క్షమాపణలు కోరుతున్నాను. నేను ఎవరినీ బాధపెట్టాలని అనుకోలేదు. కనుక నేను మీకు నచ్చని పని చేసినట్లయితే నన్ను క్షమించండి’’ అని సమంత తెలిపింది. 

ఈ విదాలను పక్కన పెడితే..  ‘ఫ్యామిలీ మ్యాన్-2’ వెబ్‌సీరిస్‌తో సమంతా బాలీవుడ్ ప్రేక్షకులను కూడా ఆకట్టుకుంటోంది. ఈ సిరీస్ లో సమంత అక్కినేని రాజి అనే తీవ్రవాది పాత్రలో నటించింది. ఇక ఇన్ని రోజులు ‘ఫ్యామిలీ మ్యాన్-2’ కేవలం హిందీ భాషలో మాత్రమే అందుబాటులో ఉంది. ‘ఫ్యామిలీ మ్యాన్-1’ మాత్రమే తెలుగులో ఉంది. ఈ నేపథ్యంలో తెలుగు ప్రేక్షకులు.. ‘ఫ్యామిలీ మ్యాన్-2’ను కూడా తెలుగులో విడుదల చేయాలని డిమాండ్ చేస్తున్నారు. ఈ సందర్భంగా సమంత బుధవారం గుడ్‌న్యూ్స్ చెప్పింది. ఈ వెబ్‌సీరిస్‌ను ఇకపై తెలుగులో కూడా వీక్షించవచ్చంటూ ట్వీట్ చేసింది. తమిళం, ఇంగ్లీష్ భాషల్లో కూడా ఈ వెబ్‌సీరిస్ అందుబాటులో ఉందని, మిస్ కాకుండా చూడాలని సమంత కోరింది.