Prakash Raj: మళ్లీ పెళ్లి చేసుకున్న ప్రకాశ్ రాజ్.. కొడుకు కోసం రాత్రికి రాత్రే..

మా నాన్నకి జరగాలి మళ్లీ పెళ్లి అని ఆ బుడ్డోడు ఆలోచించాడట. కొడుకు కోరిందే తడవుగా ఆ కోరిక తీర్చేశాడు విలక్షణ నటుడు ప్రకాశ్ రాజ్. మళ్లీ మళ్లీ పెళ్లేంటి అంటారా... చూడండి మీకే అర్థమవుతుంది.

మరోసారి పెళ్లి చేసుకున్న ప్రకాశ్ రాజ్.. ఎందుకిలా ..!

సెలబ్రెటీలు ఏం చేసినా వార్తే. ఏం చేసినా సంచలనమే. అయినా సామాన్యుల ఇళ్లలో కనిపించని కొన్ని చిత్ర విచిత్రాలు సెలబ్రెటీల ఇళ్లలో జరుగుతుంటాయి. ఈ కోవకు చెందిందే ప్రకాశ్ రాజ్ మళ్లీ పెళ్లి. ఈ మధ్యే కదా ఆయన రెండో పెళ్లి చేసుకున్నారు.. మళ్లీ పెళ్లేంటి? ఈ మధ్యనే కదా ఆయన రెండో పెళ్లి చేసుకున్నారు అనేగా మీ సందేహం. అసలేం జరిగిందో చూడండి. 

ప్రకాశ్‌ రాజ్‌ తన మొదటి భార్య లలిత కుమారికి విడాకులు ఇచ్చిన సంగతి తెలిసిందే. ఆ తర్వాత ఆయన కొరియోగ్రాఫర్‌ పోనీవర్మని 2010లో పెళ్లి చేసుకున్నారు. ప్రస్తుతం పలు మూవీ ప్రాజెక్టులతో బిజీగా ఉన్న ప్రకాశ్ రాజ్ బిజీగా ఉన్నారు. కె.జి.యఫ్ చాప్టర్ 2, అల్లు అర్జున్‌ హీరోగా నటిస్తున్న పుష్ప చిత్రాలతో పాటు రజినీకాంత్‌ ‘అన్నాత్తే’ చిత్రాలతో కూడా ప్రకాశ్ రాజ్ బిజీగా ఉన్నారు.

కొద్ది రోజుల కిందట ఓ తమిళ సినిమా షూటింగ్‌లోె గాయపడిన ప్రకాశ్ రాజ్ హైదరాబాద్ లోని సన్ షైన్ ఆసుపత్రిలో చికిత్స పొందారు.  ఇటీవలే ఆయన ఆసుపత్రి నుంచి డిశ్చార్జి అయ్యారు. ఆగస్టు 24న తన పెళ్లి రోజు సందర్భంగా ఏర్పాటు చేసిన వేడుకను చూస్తుంటే.. ప్రకాశ్ రాజ్ గాయాల నుంచి కోలుకున్నట్టే కనిపిస్తోంది. అయితే, ప్రకాశ్ రాజ్ రాత్రికి రాత్రే మరోసారి తన భార్యను పెళ్లి చేసుకోవలసి వచ్చింది. అదేంటీ అల్రెడీ పెళ్లి చేసుకున్నారు కదా.. మళ్లీ పెళ్లేంటి అనేగా మీ సందేహం. అయితే, ఏం జరిగిందో చూడాల్సిందే. 

ప్రకాశ్ రాజ్ మళ్లీ ఎవరిని పెళ్లి చేసుకున్నారనే సందేహం మీకు వచ్చిందా? అందరదీ అదే పరిస్థితి. అయితే ఆయన పెళ్లి చేసుకున్నది మరెవ్వరినో కాదు.. తన భార్య పోనీవర్మనే. ‘‘మేమిద్దరం పెళ్లి చేసుకొని పదకొండేళ్లు కావటంతో పెళ్లిరోజు సెలబ్రేషన్స్‌ చేసుకున్నాం. ఈ సందర్భంగా మా కొడుకు వేదాంత్ మా పెళ్లిని చూడలేదని అన్నాడు. అతడి కోరిక మేరకు రాత్రికి రాత్రి మళ్లీ పెళ్లి చేసుకున్నాం’’ అని ప్రకాశ్ రాజ్ తెలిపారు. ఈ సందర్భంగా ఆయన తన కుటుంబంతో కలిసి దిగిన ఫొటోను సోషల్ మీడియాలో పోస్ట్ చేశారు. ఈ ఫొటో చూసి నెటిజనులు ప్రకాశ్ రాజ్‌కు శుభాకాంక్షలు తెలుపుతున్నారు.

‘మా’ ఎన్నికల నేపథ్యంలో ప్రకాశ్ రాజ్ తరచుగా వార్తల్లో నిలుస్తున్నారు. తప్పకుండా ‘మా’ ఎన్నికలు నిర్వహించాల్సిందేనని ప్రకాశ్ రాజ్ పట్టుబడుతున్న నేపథ్యంలో మంచు విష్ణు చేసిన వ్యాఖ్యలు పెద్ద దుమారమే రేపాయి. అయితే, చిరంజీవి, ఆయన కుటుంబ సభ్యులు ప్రకాశ్ రాజ్‌కు మద్దతు తెలుపుతున్న నేపథ్యంలో ‘మా’ ఎన్నికలు రసవత్తరంగా సాగే అవకాశాలు ఉన్నాయని తెలుస్తోంది.