Rashmi Gautam : రష్మీ ఇంట్లో విషాదం - కన్నీటితో కడసారి వీడ్కోలు

ప్రముఖ యాంకర్, హీరోయిన్ రష్మీ గౌతమ్ ఇంట్లో విషాదం చోటు చేసుకుంది. ఆమె కుటుంబంలో కీలకమైన వ్యక్తి ఒకరు మరణించారు.

రష్మీ గౌతమ్ (image courtesy: Rashmi Gautam /Instagram)

ప్రముఖ యాంకర్, హీరోయిన్ రష్మీ గౌతమ్ (Rashmi Gautam) ఇంట్లో విషాదం చోటు చేసుకుంది. ఆమె కుటుంబంలో కీలకమైన వ్యక్తి ఒకరు మరణించారు. ఈ విషయాన్ని రష్మీ సోషల్ మీడియాలో షేర్ చేశారు. 

రష్మీ గ్రాండ్ మదర్ మృతి
Rashmi Gautam Grandmother Death : రష్మీ గౌతమ్ గ్రాండ్ మదర్ ప్రమీలా మిశ్రా శుక్రవారం తుది శ్వాస విడిచారు. బరువెక్కిన గుండెతో కుటుంబం అంతా ఆమెకు కడసారి కన్నీటి వీడ్కోలు పలికామని రష్మీ పేర్కొన్నారు. ''ప్రమీలా మిశ్రా స్ట్రాంగ్ వుమన్. మాపై ఆమె ప్రభావం ఎంతో ఉంది. ఆమె జ్ఞాపకాలు మాతో ఎప్పుడూ ఉంటాయి. ఓం శాంతి'' అని రష్మీ గౌతమ్ తెలిపారు.

రష్మీ గౌతమ్ యాక్టింగ్ కెరీర్ విషయానికి వస్తే... 'ఎక్స్ట్రా జబర్దస్త్', 'శ్రీదేవి డ్రామా కంపెనీ' టీవీ షోలకు యాంకరింగ్ చేస్తున్నారు. మరోవైపు సినిమాల్లో కథానాయికగా నటిస్తున్నారు. కీలకమైన పాత్రలు వస్తే చేస్తున్నారు. గత ఏడాది రష్మీ నాయికగా నటించిన 'బొమ్మ బ్లాక్ బస్టర్' సినిమా విడుదలైంది. ప్రస్తుతం మెగాస్టార్ చిరంజీవి హీరోగా మెహర్ రమేష్ దర్శకత్వం వహిస్తున్న 'భోళా శంకర్' సినిమా చేస్తున్నారు.

ఆ విల్లా నా సొంత డబ్బుతో కొనుకున్నా!
ఇండస్ట్రీలో అమ్మాయిలపై రకరకాల పుకార్లు వస్తుంటాయి. అందుకు రష్మీ కూడా అతీతం ఏమీ కాదు. కొన్ని రోజుల క్రితం ఆమెకు ఒక స్టార్ హీరో విల్లా కొని ఇచ్చారని ప్రచారం జరిగింది. ఆ మధ్య 'శ్రీదేవి డ్రామా కంపెనీ' టీవీ షోలో ఆ పుకారు మీద స్పందించారు. ''ఆ హీరో ఎవరో కాదు... నేనే! నా సొంత డబ్బులతో నా ఫ్లాట్స్ గానీ, నా కార్స్ గానీ, నా విల్లాలు గానీ కొనుక్కున్నాను. నేను కొనుక్కున్నాను. ఇటువంటి థంబ్ నైల్స్ నమ్మకండి. డే అండ్ నైట్ కష్టపడి షూట్ చేస్తాం. వర్క్ చేసి చెక్ తీసుకుంటాం'' అని రష్మీ గౌతమ్ వివరించారు. ఒక్కటి మాత్రం నిజం... ఇటీవల ఆవిడ విల్లా కొన్నారన్నమాట!

రష్మీ ప్రేమ విషయంలోనూ ఇంతే!
'ఎక్స్ట్రా జబర్దస్త్' కారణంగా రష్మీ గౌతమ్ ప్రేమ విషయంలో కూడా రూమర్స్ వస్తూ ఉన్నాయి. 'సుడిగాలి' సుధీర్, రష్మీ గౌతమ్... ఇద్దరూ ప్రేమలో ఉన్నారని చాలా మంది నమ్ముతున్నారు. తాము మంచి స్నేహితులం మాత్రమే అని వాళ్ళు ఎన్నిసార్లు చెప్పినా ఆ రూమర్స్ ఆగడం లేదు. 

సినిమాల్లో రష్మీ బిజీ అవుతారా?
'జబర్దస్త్' నుంచి రష్మీని ఎందుకు తీసేశారు? అనేది ఇప్పుడు డిస్కషన్ పాయింట్ అవుతోంది. అనసూయ 'జబర్దస్త్'కు టాటా చెప్పిన తర్వాత కొన్ని రోజులు రష్మీ యాంకరింగ్ చేశారు. సౌమ్యా రావు రాకతో తప్పుకున్నారు. 'బొమ్మ బ్లాక్ బస్టర్' విడుదల తర్వాత మళ్ళీ సినిమా అవకాశాలు వస్తున్నాయట. ప్రస్తుతం 'ఎక్స్ట్రా జబర్దస్త్'తో పాటు 'శ్రీ దేవి డ్రామా కంపెనీ'కి కూడా రష్మీ గౌతమ్ యాంకరింగ్ చేస్తున్నారు. టీవీ షోస్ ఎక్కువ అయితే సినిమాలకు డేట్స్ అడ్జస్ట్ చేయడం ఇబ్బంది అవుతుందేమోనని ముందు జాగ్రత్త పడుతున్నారని టాక్.