OTT Horror Movie: నాలుగు ఆస్కార్‌లు గెలుచుకున్న హారర్ సినిమా... ఇంట్లో కూర్చుని ఏ ఓటీటీలో చూడవచ్చో తెలుసా?

Oscar 2026 Winners OTT: ఆస్కార్ 2026 విజేతలను మార్చి 15న ప్రకటించారు. అనేక సినిమాలు అవార్డులు గెలుచుకున్నాయి. అందులో ఓ హారర్ సినిమాకి నాలుగు అవార్డులు వచ్చాయి. దానిని ఏ ఓటీటీలో చూడవచ్చో తెలుసా?

ఈ సినిమా 4 ఆస్కార్ అవార్డులు గెలుచుకుంది. ఏ ఓటీటీలో ఉందో తెలుసా?

Source : @imbd

ఆస్కార్ 2026 అవార్డ్స్‌ ఈవెంట్ లాస్ ఏంజిల్స్‌లోని ప్రసిద్ధ డాల్బీ థియేటర్‌లో జరిగింది. ప్రపంచం నలుమూలల నుంచి చాలా మంది సెలబ్రిటీలు హాజరు అయ్యారు. ఈసారి ఆస్కార్స్‌లో ఓ హారర్ సినిమాకు 16 కేటగిరీల్లో నామినేషన్లు వచ్చాయి. ఆ సినిమా నాలుగు అవార్డులు గెలుచుకుంది. ఆ సినిమా ఏంటో తెలుసా? సినిమా కథ ఏంటి? ఆ సినిమా ఏయే విభాగాల్లో అవార్డులు గెలుచుకుంది? సినిమాలో నటీనటులు ఎవరు? సినిమాను ఏ OTTలో చూడవచ్చు? అనేది తెలుసుకోండి.

16 నామినేషన్లు పొందిన సిన్నర్స్

పాల్ థామస్ ఆండర్సన్ సినిమా 'వన్ బాటిల్ ఆఫ్టర్ అదర్‌'తో పోటీ పడిన 'సిన్నర్స్' ఆస్కార్ 2026లో 16 విభాగాల్లో నామినేట్ చేయబడింది. అందులో ఈ చిత్రం నాలుగు అవార్డులను గెలుచుకుంది. 

ఏయే విభాగాల్లో అవార్డులు వచ్చాయ్?

ఆస్కార్స్‌ 2026లో రయాన్ కూగ్లర్ సినిమా సినియర్స్ 16 నామినేషన్లలో నాలుగు ప్రముఖ విభాగాల్లో అవార్డులను గెలుచుకుంది. అవేంటో చూద్దాం.

• ఉత్తమ నటుడు - మైఖేల్ బి. జోర్డాన్
• ఉత్తమ ఒరిజినల్ స్క్రీన్ ప్లే - రయాన్ కూగ్లర్
• ఉత్తమ సినిమాటోగ్రఫీ - ఆటం డ్యూరాల్డ్ అకార్పా (ఈ విభాగంలో గెలిచిన మొదటి మహిళ)
• ఉత్తమ ఒరిజినల్ స్కోర్ - లుడ్విగ్ గోరాన్సన్

Saints and sinners alike agree: history is written tonight! Congratulations to Ryan Coogler on winning Best Original Screenplay for SINNERS. #Oscars pic.twitter.com/YfiVomhRaa

— The Academy (@TheAcademy) March 16, 2026

సినిమా కథ ఏంటి

'సిన్నర్స్' హారర్ థ్రిల్లర్ సినిమా. ఇందులో కథ 1932 దశాబ్దానికి చెందిన మిసిసిపీలోని క్లార్క్‌స్‌డేల్ పట్టణం చుట్టూ తిరుగుతుంది. మైఖేల్ బి. జోర్డాన్ స్టాక్, స్మోక్.. ఈ సినిమాలో ఇద్దరు కవల సోదరుల పాత్ర పోషించారు. తమ నేరాలు, పాపాలతో నిండిన ప్రపంచాన్ని వదిలి తమ గ్రామానికి తిరిగి వస్తారు. పాత జీవితాన్ని గడపలాని వస్తారు. అయితే, ఈ సమయంలో చాలా భయంకరమైన, రహస్యమైన శక్తిని ఎదుర్కొంటారు. ఓ రోజు ఇద్దరు సోదరులు పాత జ్యూక్ బాక్స్‌ను తెరుస్తారు. ఆ తర్వాత విచిత్రమైన, భయంకరమైన ఘటనలు జరగుతాయి. అటువంటి పరిస్థితిలో ఈ సోదరులు తమ ప్రాణాలను కాపాడుకోవడమే కాకుండా చుట్టుపక్కల వారిని మింగేస్తున్న చెడు శక్తితో కూడా పోరాడాల్సి వస్తుంది. ఈ సినిమా కథలో హారర్ మాత్రమే కాదు... కుటుంబ సంబంధాలు, గత పాపాలు, జాతి వివక్ష వంటి అంశాలపై కూడా దృష్టి పెట్టారు.

'సిన్నర్స్' 2025లో విడుదలైంది. ఈ హాలీవుడ్ సినిమాలో మైఖేల్ బి. జోర్డాన్, హేలీ స్టెయిన్‌ఫెల్డ్, డెలోరోయ్ లిండో, జాక్ ఓ కానెల్, వున్మి మోసాకు, మైల్స్ కేటన్, జేమీ లాసన్ ముఖ్యమైన పాత్రలు పోషించారు. ఆస్కార్ 2026 గెలుచుకున్న 'సిన్నర్స్' ప్రపంచ వ్యాప్తంగా చాలా మందిని ఆకట్టుకుంటోంది. మీరు ఈ సినిమాను జియో హాట్‌స్టార్‌ ఓటీటీలో చూడవచ్చు.