అన్వేషించండి

OTT New Movies: ఈ వారం ఓటీటీల్లోకి వచ్చిన 23 సినిమాలు, 11 వెబ్ సిరీస్‌లు... ఆ మూడు సినిమాలు, రెండు సిరీస్‌లు అస్సలు మిస్ కావొద్దు

What to watch on OTT this Weekend: ఈ ఏడాది దీపావళి సూపర్ హిట్స్ తో పాటు ఈ వారంలో ఓటీటీల్లో విడుదలైన తెలుగు, తమిళ, హాలీవుడ్, బాలీవుడ్ వెబ్ సిరీస్ లు , సినిమాలేంటో చూసేయండి

By : Sasank Burugu | Updated at : 30 Nov 2024 05:34 PM (IST)

New OTT Movies Web Series Released In This Week Nov 25th to December 1st OTT New Movies: ఈ వారం ఓటీటీల్లోకి వచ్చిన 23 సినిమాలు, 11 వెబ్ సిరీస్‌లు... ఆ మూడు సినిమాలు, రెండు సిరీస్‌లు అస్సలు మిస్ కావొద్దు

ఓటీటీల్లో ఈ వారం వచ్చిన సిరీస్, సినిమాలు ఏవో తెలుసా?

ఈ ఏడాది దీపావళి బాక్సాఫీస్ కు ఎప్పుడూ లేనంత జోష్ తీసుకొచ్చింది. దుల్కర్ సల్మాన్ ను వంద కోట్ల క్లబ్ లో చేర్చింది. ఇక, హీరో కిరణ్ అబ్బవరం ను 50 కోట్ల మార్క్ ను దాటించింది. ఈ వారమే ఓటీటీలో విడుదలై, ప్రేక్షకులను ఆకట్టుకుంటున్నాయి. మరీ ముఖ్యంగా మరీ ముఖ్యంగా ‘లక్కీ భాస్కర్’ సినిమా సీన్స్ సోషల్ మీడియాలో హల్ చల్ చేస్తున్నాయి. వీటితో పాటు హాలీవుడ్, బాలీవుడ్, తమిళం, తెలుగు మలయాళ వెబ్ సిరీస్ లు, సినిమాలు కూడా ఈ వారం ఓటీటీ ల్లోకి ఎంట్రీ ఇచ్చేశాయి. అవేంటో చూసేద్దాం...

స్మార్ట్ అండ్ లక్కీ భాస్కర్: సినిమా టైటిల్ కు తగ్గట్టే ఇందులో భాస్కర్ చాలా లక్కీ. కుటుంబం గురించి రిస్క్ తీసుకొని, సాధారణ బ్యాంక్ ఉద్యోగి స్థాయి నుంచి కోటీశ్వరడవుతాడు. జూదం ఆడాడు. గెలిచాడు. కానీ ఎక్కడ ఆపాలో తెలుసుకున్నారు. వెంకీ అట్లూరి దర్శకత్వంలో తెరకెక్కించిన ఈ సినిమా, హీరో దుల్కర్ సల్మాన్ ను 100 కోట్ల క్లబ్ లో చేర్చింది. ఈ సినిమా ప్రస్తుతం ఓటీటీలో కూడా ఆకట్టుకుంటోంది. నెట్‌ఫ్లిక్స్‌ ఓటీటీలో ఇది స్ట్రీమింగ్ అవుతోంది.

ఈటీవీ విన్ ఓటీటీలో 50 కోట్ల ‘క’: చిన్న సినిమాలతో కెరీర్ ప్రారంభించి, ‘క’ తో 50 కోట్ల క్లబ్ లో చేరాడు హీరో కిరణ్ అబ్బవరం. సుజిత్, సందీప్ సంయుక్తంగా తెరకెక్కించిన ఈ మిస్టిక్ థ్రిల్లర్ థియేటర్లలో సూపర్ హిట్ అయింది. ఈ వారమే ఈటీవీ విన్ ఓటీటీలో విడుదలైంది. క్లయిమ్యాక్స్ ట్విస్ట్ ఈ సినిమాకు ప్రధాన ఆకర్షణ.

ఆహాలో న్యూస్ ప్రెజెంటర్ న్యూ సెన్స్: ఓటీటీల ద్వారా ప్రేక్షకులకు బాగా పరిచయమైన మలయాళ హీరోల్లో టొవినో థామస్ ఒకరు. ఆయన నటించిన ‘2018’, ‘మిన్నల్ మురళి’, ‘అన్వేషిప్పిన్ కండెత్తుమ్’, ‘తల్లుమల’ చిత్రాలు ఆయనకు మంచి గుర్తంపు తీసుకొచ్చాయి. ఆయన హీరోగా నటించిన ‘నారదన్’ అనే మలయాళ సినిమా తెలుగు వెర్షన్ రెండేళ్ల తర్వాత ఆహా ఓటీటీలో స్ట్రీమింగ్ అవుతోంది. అదే ‘నారదన్’. ఇందులో ఆయన ఓ టీవీ జర్నలిస్ట్ గా నటించారు. ఆషిక్ అబు దర్శకుడు.

అమెజాన్ ప్రైమ్ వీడియోలో తమిళ సినిమా: తమిళ హీరో ప్రశాంత్ (జీన్స్ ఫేమ్) కి చాన్నాళ్ల తర్వాత థియేటరికల్ హిట్ ఇచ్చిన సినిమా ‘అంధగాన్’. శ్రీ రామ్ రాఘవన్ దర్శకత్వంలో ఆయుష్మాన్ ఖురానా హీరోగా వచ్చిన ‘అంధాదూన్’(2018) సినిమాకు తమిళ్ రీమేక్ ఇది. కోవిడ్ కారణంగా పలు సార్లు చిత్రీకరణ వాయిదా పడుతూ వచ్చింది. చివరికి ఈ ఏడాది ఆగస్టు లో థియేటర్లలో విడుదలై, విజయం సాధించింది. ప్రశాంత్, సిమ్రాన్, ప్రియా ఆనంద్ ప్రధాన పాత్రలు పోషించిన ఈ చిత్రం అమెజాన్ ప్రైమ్ వీడియోలో స్ట్రీమింగ్ అవుతోంది. ప్రశాంత్ తండ్రి, నటుడు, దర్శకుడు త్యాగరాజన్ ఈ తమిళ చిత్రాన్ని తెరకెక్కించారు. కాగా, రెండేళ్ల క్రితం, నితిన్ హీరోగా ‘అంధాదూన్’ తెలుగు వెర్షన్ ను ‘మాస్టర్’ పేరుతో దర్శకుడు మేర్లపాక గాంధీ రీమేక్ చేశారు.

అమెజాన్ ప్రైమ్ వీడియోలో మలయాళ సినిమా: కేరళలోని గోపాలపుర అనే పల్లెటూరు లో జరిగే కథగా తెరకెక్కిన చిత్రం ‘పొరట్టు నడమ్’. పొలిటికల్ సెటైర్ గా ఈ సినిమా రూపొందింది. అంత్యాక్షరి గరుడన్ చిత్రాల ఫేమ్ సైజు గోవింద కురూప్ ఈ సినిమాలో ప్రధాన పాత్ర పోషించారు. థియేటర్లలో యావరేజ్ గా నిలిచిన ఈ చిత్రం ప్రస్తుతం అమెజాన్ ప్రైమ్ వీడియో ఓటీటీలో స్ట్రీమింగ్ అవుతోంది.

ఆహా తెలుగు ఓటీటీలో హెబ్బా పటేల్ సినిమా: కుమారి 24 ఎఫ్ చిత్రంతో టాలీవుడ్ లోకి ఎంట్రీ ఇచ్చారు హీరోయిన్ హెబ్బా పటేల్. ఆ సినిమా సూపర్ హిట్ అయినా తర్వాతి సినిమా లన్నీ ఆమెకు ఫెయిలూర్స్ తెచ్చిపెట్టాయి. ఈ ఏడాది ఆమె హీరోయిన్ గా నటించిన ‘సందేహం’ అనే సినిమా విడుదలైంది. ఐదు నెలల తర్వాత ఓటీటీ లో స్ట్రీమింగ్ అవుతోంది. భార్య భర్తల చుట్టూ జరిగే క్రైమ్ రొమాంటిక్ థ్రిల్లర్ గా ఈ చిత్రాన్ని రూపొందించారు దర్శకుడు సతీష్ పరమవేద. హీరో సుమన్ తేజ్ ఇందులో ద్రిపాత్రాభినయం చేశారు. సుభశ్రీ, శ్వేతా వర్మ కీలక రోల్స్ చేశారు.

ఆహా ఓటీటీలో తమిళ్ లస్ట్ స్టోరీస్: నెట్ ఫ్లిక్స్ లో వచ్చిన లస్ట్ స్టోరీస్ సూపర్ హిట్ అయ్యక, అదే బోల్డ్ కంటెంట్ తరహా లోనే చాలా వెబ్ సిరీస్ లు, షోలు వస్తూనే ఉన్నాయి. ఆ ట్రెండ్ నే ఫాలో అవుతూ పృథ్వీ ఆదిత్య, వాలిమోహన్ దాస్, హరీశ్ , కార్తికేయన్ ఈ తమిళ వెబ్ సిరీస్ లోని ఎపిసోడ్లకు దర్శకత్వం వహించారు. ప్రస్తుతం ఆహా లో ఈ వెబ్ సిరీస్ లోని నాలుగు ఎపిసోడ్లు స్ట్రీమింగ్ అవుతున్నాయి. శ్రీరామ్, సోనియా అగర్వాల్, ఇనేయా, ఐశ్వరా దత్త, మైమ్ గోపీ ప్రధాన పాత్రలు పోషించారు.

నెట్‌ఫ్లిక్స్‌ ఓటీటీలో తమన్నా సినిమా డైరెక్ట్ రిలీజ్: ప్రస్తుతం తమన్నా నటించిన ఏ సినిమాలూ విజయాలకు ఆమడ దూరంలో ఉంటున్నాయి. ఈ మధ్య కాలంలో ఆమెకు కాస్త పేరు తెచ్చిన సినిమా రజినీకాంత్ ‘జైలర్’ మాత్రమే. గత ఏడాదే తమన్నా తన బాయ్ ఫ్రెండ్ విజయ్ వర్మ తో ‘లస్ట్ సోరీస్ 2’ లోనూ నటించారు. తాజాగా ఆమె నటించిన ఓ కొత్త హిందీ సినిమా నేరుగా ఓటీటీ లోకి విడుదల అయింది. అదే ‘సికిందర్ కా ముఖాదర్’. తమన్నా కథానాయికగా నటించిన ఈ హీస్ట్ థ్రిల్లర్ కు బేబీ ఫేమ్ నీరజ్ పాండే దర్శకుడు. తమన్నా కెరీర్ లో నేరుగా ఓటీటీలోకి విడుదలైన సినిమా ఇదే. జిమ్మీ షర్గిల్, అవినాశ్ తివారి ప్రధాన పాత్రలు పోషించిన ఈ సినిమా ఆశించినంతగా లేదని ఓటీటీ వ్యూయర్స్ రివ్యూలు ఇస్తున్నారు. జీ5 ఓటీటీలో విడుదలైన నరేష్ ఆగస్త్య, మేఘా ఆకాష్‌ల 'వికటకవి' వెబ్ సిరీస్‌ మంచి స్పందన తెచ్చుకుంది.

Also Read: ఎన్టీఆర్, ప్రశాంత్ నీల్ సినిమా రెగ్యులర్ షూటింగ్ స్టార్ట్ అయ్యేది ఎప్పుడో తెలుసా

బోర్డర్ ల్యాండ్స్ అమెజాన్ ప్రైమ్ వీడియో

చెస్ట్ నట్ (ఇంగ్లిష్)- అమెజాన్ ప్రైమ్ వీడియో

హార్ట్ బీట్స్ (హిందీ)- అమెజాన్ ప్రైమ్ వీడియో

జీన్ డు బ్యారీ ద కింగ్స్ లవర్ (ఇంగ్లిష్)- అమెజాన్ ప్రైమ్ వీడియో

ద పార్క్ మేనియాక్ (బ్రెజిల్) - అమెజాన్ ప్రైమ్ వీడియో

అవర్ లిటిల్ సీక్రెట్ (ఇంగ్లిష్)- నెట్ ఫ్లిక్స్

ఎ ప్యారిస్ క్రిస్మస్ వాల్జ్ (ఇంగ్లిష్)- నెట్ ఫ్లిక్స్

క్రిస్మస్ ఆన్ విండ్ మిల్ వే (ఇంగ్లిష్)- నెట్ ఫ్లిక్స్

ఇట్వస్ ద టెక్స్ట్ బిఫోర్ ద క్రిస్మస్ (ఇంగ్లిష్)- నెట్ ఫ్లిక్స్

ఎ రాయల్ డేట్ ఫర్ క్రిస్మస్ (ఇంగ్లిష్)- నెట్ ఫ్లిక్స్

బ్రింగింగ్ క్రిస్మస్ హోమ్ (ఇంగ్లిష్)- నెట్ ఫ్లిక్స్