RJ Mitte Passed Away: నెట్‌ఫ్లిక్స్ పాపులర్ సిరీస్ 'బ్రేకింగ్ బ్యాడ్' నటుడు ఆర్జే మిట్టే ఇకలేరు... చిన్న వయసులో మృతి

Breaking Bad Actor RJ Mitte Dies At 34: నెట్‌ఫ్లిక్స్ సిరీస్ 'బ్రేకింగ్ బ్యాడ్' ద్వారా ప్రపంచవ్యాప్తంగా గుర్తింపు పొందిన ఆర్జే మిట్టే (RJ Mitte) ఇకలేరు. చిన్న (34 ఏళ్లకే) వయసులో కన్నుమూశారు.

బ్రేకింగ్ బ్యాడ్ నటుడు ఆర్జే మిట్టే మృతి

Source : https://www.instagram.com/rjmitte/

Show Quick Read

Key points generated by AI, verified by newsroom

• మృతికి కారణం తెలియదు; కుటుంబ గోప్యతను కాపాడాలని కోరారు.
• సెరిబ్రల్ పాల్సీతో బాధపడుతూ, దివ్యాంగుల హక్కుల కోసం పోరాడారు.

హాలీవుడ్ వెబ్ సిరీస్‌లకు తెలుగులోనూ ఫ్యాన్స్ ఉన్నారు. ఇంటర్నేషనల్ ఓటీటీ ప్లాట్‌ఫార్మ్ నెట్‌ఫ్లిక్స్‌లో సూపర్ హిట్ సిరీస్‌లు కొన్ని ఉన్నాయి. వాటిలో 'బ్రేకింగ్ బ్యాడ్' (Breaking Bad) ఒకటి. దానితో గుర్తింపు పొందిన నటుల్లో ఆర్జే మిట్టే ఒకరు. చిన్న వయసులో... 34 ఏళ్ళకే ఆయన మృతి చెందారు.

మృతి వెనుక కారణం తెలియలేదు
'బ్రేకింగ్ బ్యాడ్' సిరీస్‌లో వాల్టర్ ఫ్లిన్ వైట్ జూనియర్ పాత్రలో ఆర్జే మిట్టే యాక్ట్ చేశారు. బ్రయాన్ క్రాన్స్టన్‌( Bryan Cranston) కుమారుడిగా కనిపించి ప్రేక్షకులను ఆకట్టుకున్నారు. ఈ సిరీస్‌లో ఇప్పటి వరకు ఐదు సీజన్లు రాగా... అన్నిటిలోనూ నటించి తనకంటూ ప్రత్యేక గుర్తింపు సంపాదించుకున్నారు. ఆయన మృతి ప్రేక్షకులకు షాక్ అని చెప్పాలి. అదీ 34 ఏళ్ళకు మరణించాడని మరింత షాక్.

''ప్రముఖ నటుడు, సేవా కార్యక్రమాల్లో పాల్గొన్న వ్యక్తి, ఫిలాంత్రఫిస్ట్, ప్యాషనేట్ డిసెబిలిటీ రైట్స్ అడ్వకేట్ ఆర్జే మిట్టే  మరణించారనే వార్తను తెలియజేయడానికి తీవ్ర విచారం వ్యక్తం చేస్తున్నాము'' అని ఆయన ప్రతినిధి ఒక ప్రకటనలో తెలిపారు. ఈ కష్ట కాలంలో ఆర్జే మిట్టే కుటుంబ సభ్యులు, సన్నిహితుల వ్యక్తిగత జీవితానికి గౌరవం ఇవ్వాలని ఆ ప్రతినిధి కోరారు. ''ప్రస్తుతం ఆర్జే మిట్టే కుటుంబ సభ్యుల ప్రైవసీ గౌరవించాలని అందరినీ కోరుతున్నాము'' అని ఆయన ప్రతినిధి తెలిపారు.

ఆర్జే మిట్టేకు చిన్నతనంలోనే సెరిబ్రల్ పాల్సీ అనే ఆరోగ్య సమస్య ఉన్నట్లు గుర్తించారు. అయినప్పటికీ... ఆయన నటుడిగా ఎదిగి మంచి పేరు సంపాదించారు. వైకల్యం ఉన్న వ్యక్తులను సమాజం గౌరవించాలని, వారికి సమాన అవకాశాలు కల్పించాలని ఆయన పలు సందర్భాల్లో తెలిపారు. నటనతో పాటు సేవా కార్యక్రమాల్లో కూడా పాల్గొన్నారు. తన జీవిత అనుభవానికి దగ్గరగా ఉన్న పాత్రను పోషించడం ద్వారా, తెరపై వైకల్యం ఉన్న వ్యక్తుల ప్రాతినిధ్యానికి మరింత గుర్తింపు తీసుకు రావడంలో ఆయన కీలక పాత్ర పోషించారు.

ఆర్జే మిట్టే (RJ Mitte) తన చిరకాల స్నేహితురాలు కెన్నెడీ సువారెజ్(Kennedy Suarez)తో ప్రేమలో ఉన్నారు. వీరిద్దరూ చాలా సంవత్సరాలుగా స్నేహితులుగా మెలిగారు. ఆ తర్వాత ప్రేమలో పడ్డారు. గతేడాది (2025) అక్టోబర్‌ 10న కెన్నెడీకి ఆర్జే మిట్టే ప్రపోజ్ చేశారు. కాలిఫోర్నియాలో జరిగిన  డియా డెల్ సోల్(Dia del Sol) ఛారిటీ కార్యక్రమంలో ఆమె పుట్టినరోజు సందర్భంగా పెళ్లి చేసుకుందామని ఓ ప్రతిపాదనను ఆమె ముందు ఉంచారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Rj Mitte (@rjmitte)