Ghaati OTT: ఓటీటీలోకి అనుష్క 'ఘాటి' - ఎప్పటి నుంచి స్ట్రీమింగ్ అవుతుందంటే?

Ghaati OTT Platform: స్వీటీ అనుష్క, విక్రమ్ ప్రభు ప్రధాన పాత్రల్లో నటించిన లేటెస్ట్ యాక్షన్ థ్రిల్లర్ 'ఘాటి' ఓటీటీలోకి వచ్చేస్తోంది. ఈ నెల 5న థియేటర్లలోకి రాగా 20 రోజుల్లోపే అందుబాటులోకి రానుంది.

ఓటీటీలోకి అనుష్క 'ఘాటి'

Source : https://www.instagram.com/p/DO5oMJ6kmnx/?hl=en

Anushka Shetty's Ghaati OTT Release On Amazon Prime Video: స్వీటీ అనుష్క లేటెస్ట్ యాక్షన్ థ్రిల్లర్ 'ఘాటి' ఓటీటీలోకి వచ్చేందుకు రెడీ అవుతోంది. క్రిష్ జాగర్లమూడి దర్శకత్వం వహించిన ఈ మూవీ ఈ నెల 5న ప్రేక్షకుల ముందుకు వచ్చి మిక్స్‌డ్ టాక్ సొంతం చేసుకుంది. ఈ క్రమంలో 20 రోజుల్లోపే ఓటీటీలోకి వచ్చేందుకు రెడీ అవుతోంది. 

ఎందులో స్ట్రీమింగ్ అంటే?

'ఘాటి' డిజిటల్ స్ట్రీమింగ్ హక్కులను ప్రముఖ ఓటీటీ అమెజాన్ ప్రైమ్ సొంతం చేసుకోగా ఈ నెల 26 నుంచి మూవీ స్ట్రీమింగ్ కానున్నట్లు తెలుస్తోంది. తెలుగుతో పాటు తమిళం, కన్నడ, మలయాళం భాషల్లో అందుబాటులోకి రానుంది. చాలా రోజుల తర్వాత అనుష్క పవర్ ఫుల్ పాత్రలో 'ఘాటి'తో మెప్పించినా అనుకున్నంత సక్సెస్ కాలేకపోయింది.

ఈ మూవీలో అనుష్కతో పాటు విక్రమ్ ప్రభు, చైతన్యరావు, జగపతిబాబు, రవీంద్ర విజయ్ కీలక పాత్రలు పోషించారు. యువీ క్రియేషన్స్ సమర్పణలో ఫ్రేమ్ ఎంటర్‌టైన్‌మెంట్స్ బ్యానర్‌పై రాజీవ్ రెడ్డి, సాయిబాబు జాగర్లమూడి నిర్మించారు.

'ఘాటి' కథ ఏంటంటే?

ఆంధ్ర ఒడిశా సరిహద్దుల్లోని తూర్పు కనుమల్లో ఈ స్టోరీ సాగుతుంది. అక్కడి ఎత్తైన పర్వతాల మధ్య ప్రాంతాల్లో 4 రకాల గంజాయి సాగు చేస్తారు. అరుదైన, నాణ్యత కలిగిన మేలిరకం శీలావతి అక్కడి కొండల్లో మాత్రమే పండుతుంది. ఈ గంజాయి పంటలపై పూర్తిగా ఆధిపత్యం చెలాయిస్తుంటారు కుందుల నాయుడు (చైతన్యరావు) కాష్టాల నాయుడు (రవీంద్ర విజయ్). అక్కడ ఈ ఇద్దరు సోదరులదే దందా. వేరే ఎవరైనా గంజాయి సాగు చేస్తూ ఈ వ్యాపారంలో చేయి పెడితే వారిని నిర్దాక్షిణ్యంగా చంపేస్తుంటారు. ఇక్కడ పండే గంజాయిని ఘాటీ తెగ కూలీలు పోలీసుల కంట పడకుండా అక్రమంగా వీరికి చేరవేస్తారు.

వీరు ఆ గంజాయిని తమ బాస్ మహావీర్ (జిషు సేన్ గుప్తా)కు పంపుతారు. అయితే, తమ ఘాటిలకు తగిన ఫలితం దక్కడం లేదని ఘాటి తెగకు చెందిన దేశీరాజు (విక్రమ్ ప్రభు) ఓ కొత్త ఆలోచన చేస్తాడు. ఈ ఇద్దరు సోదరులకు తెలీకుండా ద్రవ రూపంలో గంజాయి తయారు చేస్తాడు. దీన్ని తన మరదలు శీలావతి (అనుష్క)తో కలిసి అక్రమంగా రవాణా చేస్తుంటారు. ఈ విషయం తెలుసుకున్న నాయుడు సోదరులు వారిని అంతమొందించాలని ప్లాన్ చేస్తారు. వారిని తప్పించుకునే క్రమంలో శీలావతి, దేశీరాజులకు ఎదురైన పరిణామాలేంటి? ఘాటిల నాయకురాలిగా శీలావతి ఎలా ఎదిగింది? ఘాటిలను అక్రమాలకు వాడుకుంటున్న నాయుడు సోదరుల ఆగడాలకు ఎలా చెక్ పెట్టింది? ఆమెకు పోలీస్ ఆఫీసర్ జగపతి బాబు ఎలాంటి సహాయం చేశాడు? అనేది తెలియాలంటే మూవీ చూడాల్సిందే.

మరిన్ని చదవండి

పవన్ 'OG' మూవీకి షాక్ - టికెట్ ధరల పెంపుపై హైకోర్టు స్టే