(Source: ECI/ABP News)
Dead Pixels: మెగా డాటర్ కొత్త వెబ్ సిరీస్ - గేమర్గా కనిపించనున్న నీహారిక!
మెగా డాటర్ నీహారిక కొత్త వెబ్ సిరీస్ ‘డెడ్ పిక్సెల్స్’ టీజర్ ఆన్లైన్లో విడుదల అయింది.
Dead Pixels Teaser: మెగా సోదరుడు నాగబాబు కూతురు హీరోయిన్గా గతంలో సినిమాల్లో, వెబ్ సిరీస్ల్లో కూడా కనిపించారు. ఇప్పుడు తను ప్రధాన పాత్రలో ‘డెడ్ పిక్సెల్స్’ అనే వెబ్ సిరీస్ తెరకెక్కింది. ఈ సిరీస్కు సంబంధించిన టీజర్ను విడుదల చేశారు. ఇందులో నీహారిక గేమర్గా కనిపించనున్నారు. మే 19వ తేదీ నుంచి డిస్నీప్లస్ హాట్స్టార్లో ఈ సిరీస్ స్ట్రీమ్ కానుంది.
ఇక టీజర్ విషయానికి వస్తే... నీహారిక, అక్షయ్, వైవా హర్ష, సాయి రోనక్ గేమర్లుగా కనిపించనున్నారు. వీరు నలుగురూ కలిసి ఒక ఆన్లైన్ గేమ్ ఆడతారు. కానీ నీహారిక మాత్రం గేమ్ పైన అంత ఇంట్రస్ట్గా ఉన్నట్లు కనిపించలేదు. ‘గేమ్ అంటే పని లేనప్పుడు ఆడతారనుకున్నా కానీ పనులు మానుకుని ఆడతారా?’ అనే డైలాగ్ కూడా నీహారిక నోటి నుంచి వినవచ్చు.
నీహారికతో పాటు అక్షయ్ లాగుసాని, వైవా హర్ష, సాయి రోనక్, భావన సాగి, రాజీవ్ కనకాల, బిందు చంద్రమౌళి, జయశ్రీ రాచకొండ ఈ సిరీస్లో నటించనున్నారు. ఇక టెక్నికల్ క్రూ విషయానికి వస్తే... ఈ సిరీస్కు కథ, స్క్రీన్ప్లేలను అక్షయ్ పొల్ల అందించారు. ఆదిత్య మందల దర్శకత్వం వహించారు. సిద్ధార్థ్ సదాశివుని సంగీతం అందించారు. బీబీసీ స్టూడియోస్ ఇండియా, టమడ మీడియా సంయుక్తంగా ఈ సిరీస్ను నిర్మించారు.
టాప్ హెడ్ లైన్స్
ట్రెండింగ్ వార్తలు
