Nikhil Siddhartha: బ్యాక్ గ్రౌండ్ లేదు థియేటర్స్ ఇవ్వమంటున్నారు, బాగా ఏడ్చేశా - నిఖిల్ ఎమోషనల్ కామెంట్స్!
రీసెంట్ గా ఓ ఇంటర్వ్యూలో పాల్గొన్న నిఖిల్.. రిలీజ్ డేట్స్ విషయంలో బ్యాక్ గ్రౌండ్ లేకుండా వచ్చిన సినిమాలను అటు ఇటు పుష్ చేస్తారంట కదా.. అది మా సినిమా విషయంలో కూడా జరిగిందని అన్నారు.
టాలీవుడ్ లో యంగ్ హీరోగా తనకంటూ మంచి గుర్తింపు తెచ్చుకున్నారు నిఖిల్. 'హ్యాపీడేస్' సినిమాతో ఇండస్ట్రీలోకి ఎంట్రీ ఇచ్చిన ఆయన తన కెరీర్ లో ఎన్నో హిట్టు సినిమాల్లో నటించారు. ఇప్పుడు ఆయన నటించిన కొత్త సినిమా 'కార్తికేయ2' ఆగస్టు 12న ప్రేక్షకుల ముందుకు రానుంది. ఇప్పటికే ఈ సినిమా రెండు సార్లు రిలీజ్ డేట్స్ ని మార్చుకోవాల్సి వచ్చింది. ఫైనల్ గా ఆగస్టు 12న ఫిక్స్ చేశారు. అయితే ఈ డేట్ కూడా అంత ఈజీగా దొరకలేదట.
ఈ విషయాన్ని నిఖిల్ స్వయంగా వెల్లడించారు. రీసెంట్ గా ఓ ఇంటర్వ్యూలో పాల్గొన్న నిఖిల్.. రిలీజ్ డేట్స్ విషయంలో బ్యాక్ గ్రౌండ్ లేకుండా వచ్చిన సినిమాలను అటు ఇటు పుష్ చేస్తారంట కదా.. అది మా సినిమా విషయంలో కూడా జరిగిందని అన్నారు. ఆగస్టు 12న 'కార్తికేయ2' సినిమా రిలీజ్ డేట్ ను అనౌన్స్ చేసినప్పుడు అది కూడా వద్దన్నారని నిఖిల్ గుర్తు చేసుకున్నారు.
'అక్టోబర్ లేదా నవంబర్ కు వెళ్లిపోండి.. మీ సినిమాకు థియేటర్స్ దొరకవు. ఇప్పుడిప్పుడే మీ సినిమా రిలీజ్ అవ్వదు' అని అన్నారని.. ఆ రోజు చాలా ఏడ్చానని చెప్పుకొచ్చారు నిఖిల్. 'హ్యాపీడేస్' సినిమా నుంచి తన సినిమా రిలీజ్ కాదని.. థియేటర్స్ దొరకవని ఎప్పుడూ అనిపించలేదని అన్నారు. సినిమా కోసం ఎంతో కష్టపడతామని.. ఎంత కష్టపడ్డా.. నీ సినిమా రిలీజ్ అవ్వదన్నప్పుడు బాధేసిందని చెప్పుకొచ్చారు.
అయితే చిత్ర నిర్మాతలు విశ్వప్రసాద్, అభిషేక్ పట్టుబట్టి ఆగస్టు 12న వస్తున్నామని అనౌన్స్ చేశారని.. ఆ రోజున తమ సినిమాకి థియేటర్స్ దొరుకుతాయని అనుకుంటున్నానని అన్నారు. ఒకేసారి రెండు, మూడు సినిమాలు వస్తే థియేటర్స్ అండ్ ఓపెనింగ్స్ షేర్ చేసుకోవాల్సి వస్తుందని.. కానీ డేట్ లేనప్పుడు ఎక్కడో ఒక చోట క్లాష్ అవ్వాలి కదా అని అన్నారు. తనకు ఎలాంటి బ్యాక్ గ్రౌండ్ లేదని.. నిర్మాతలకు హ్యాట్సాఫ్ చెప్పాలని తెలిపారు నిఖిల్.
Also Read: ‘అబ్బా అబ్బా’ సాంగ్.. సుధీర్, దీపిక పిల్లి రొమాన్స్ - రాఘవేంద్రరావు పాటంటే ఆ మాత్రం ఉండాలి
View this post on Instagram
టాప్ హెడ్ లైన్స్
ట్రెండింగ్ వార్తలు
