Nayanthara-Vignesh: నయన్, విఘ్నేష్‌లకు నెట్‌ఫ్లిక్స్‌ షాక్ - రూ.25 కోట్లు తిరిగిస్తారా?
నయన్, విఘ్నేష్‌ల పెళ్లికి సంబంధించిన డిజిటర్ల రైట్స్ మొత్తం ప్రముఖ ఓటీటీ సంస్థ నెట్‌ఫ్లిక్స్‌ రూ.25 కోట్లకు తీసుకుందని అప్పట్లో వార్తలొచ్చాయి.
స్టార్ కపుల్ నయనతార, విఘ్నేష్ శివన్ లు ఇటీవల పెళ్లి బంధంతో ఒక్కటైన సంగతి తెలిసిందే. హనీమూన్ తరువాత మళ్లీ వర్క్ లో బిజీ అయిపోయింది ఈ జంట. ఇదిలా ఉండగా.. ఇప్పుడు ఈ కపుల్ కి నెట్‌ఫ్లిక్స్‌ సంస్థ ఊహించని షాకిచ్చింది. రూ.25 కోట్లు చెల్లించాలంటూ నోటీసులు జారీ చేసినట్లు సమాచారం. అసలు విషయంలోకి వస్తే.. నయనతార, విఘ్నేష్ శివన్ ల పెళ్లి మహాబలిపురంలోని రిసార్ట్ లో జరిగింది.
ఈ పెళ్లికి సంబంధించిన డిజిటర్ల రైట్స్ మొత్తం ప్రముఖ ఓటీటీ సంస్థ నెట్‌ఫ్లిక్స్‌ రూ.25 కోట్లకు తీసుకుందని అప్పట్లో వార్తలొచ్చాయి. పెళ్లికి సంబంధించిన పూర్తి ఖర్చులను నెట్‌ఫ్లిక్స్‌ చూసుకుందని టాక్. పెళ్లికి వచ్చిన గెస్ట్ ల కోసం మహాబలిపురంలో ఓ ఫైవ్ స్టార్ హోటల్ లో రూమ్స్ బుక్ చేయడంతో పాటు.. భోజనం ఖర్చులు కూడా చూసుకున్నట్లు సమాచారం.
మేకప్ ఆర్టిస్ట్ ల నుంచి సెక్యూరిటీ గార్డుల వరకు.. భారీగా ఖర్చు చేసినట్లు తెలుస్తోంది. ఇంత ఖర్చు పెట్టిన నెట్‌ఫ్లిక్స్‌ ఇప్పటివరకు నయన్ పెళ్లి వీడియాను ప్రసారం చేయలేదు. దానికి కారణం.. నయన్-విఘ్నేష్ లతో నెట్‌ఫ్లిక్స్‌ సంస్థ డీల్ క్యాన్సిల్ చేసుకున్నట్లు తెలుస్తోంది. వారి అగ్రిమెంట్ ప్రకారం.. నయన్, విఘ్నేష్ ల పెళ్లి ఫొటోలు, వీడియోలు నెట్‌ఫ్లిక్స్‌ అకౌంట్ నుంచే బయటకు రావాలి.
కానీ విఘ్నేష్ తన ఇన్స్టాగ్రామ్ అకౌంట్ లో వీరి పెళ్లి ఫొటోలను షేర్ చేశారు. రూల్స్ కి విరుద్ధంగా ఫొటోలను పోస్ట్ చేయడంతో నెట్‌ఫ్లిక్స్‌ ఈ డీల్ ను రద్దు చేసుకున్నట్లు తెలుస్తోంది. అంతేకాదు.. స్ట్రీమింగ్ రైట్స్ కోసం, పెళ్లి కోసం ఖర్చు చేసిన మొత్తం రూ.25 కోట్లను తిరిగిచ్చేయాలని డిమాండ్ చేస్తున్నట్లు సమాచారం. మరి ఈ వ్యవహారంపై నయన్-విఘ్నేష్ ఎలా స్పందిస్తారో చూడాలి!
Also Read : 'ఆర్ఆర్ఆర్'లో పులితో ఎన్టీఆర్ ఫైట్ - వీఎఫ్ఎక్స్‌కు ముందు, తర్వాత
Also Read : అది పాస్తా వల్ల వచ్చిన కడుపు, ప్రెగ్నన్సీ కాదు - రూమర్లకు చెక్ పెట్టిన కరీనా కపూర్
View this post on Instagram
టాప్ హెడ్ లైన్స్
ట్రెండింగ్ వార్తలు
