Nandamuri Chaitanya Krishna: జూనియర్ ఎన్టీఆర్ ఫ్యాన్స్‌కు చైతన్య కృష్ణ మాస్ వార్నింగ్, బొచ్చు అంటూ ఘాటు వ్యాఖ్యలు

Nandamuri Chaitanya Krishna: నందమూరి చైతన్య కృష్ణ నందమూరి ఫ్యామిలీలో వివాదానికి తెరలేపారు. జూనియర్ ఫ్యాన్స్ కు వార్నింగ్ అంటూ ఎన్టీఆర్‌ను ఉద్దేశించి ఘాటు వ్యాఖ్యలు చేశారు.

జూనియర్ ఫ్యాన్స్‌కు చైతన్య కృష్ణ మాస్ వార్నింగ్

Nandamuri Chaitanya Krishna gives warning to JR NTR Fans and YSRCP leaders హైదరాబాద్: ఇతరులు తమ జోలికి వస్తే నందమూరి కుటుంబం తామంతా ఒకటేనని చాటుతుంది. కానీ ఎందుకో తెలియదు గానీ తెలుగుదేశం పార్టీ విషయం వచ్చే సరికి లెక్కలు మారిపోతాయి. జూనియర్ (NTR) అభిమానులందరికీ హెచ్చరిక అంటూ నందమూరి చైతన్య కృష్ణ పోస్ట్ చేశారు. అయితే ఇక్కడ ఎన్టీఆర్ ఫ్యాన్స్ అంటే ఎవరో కూడా క్లియర్‌గా కాకపోయినా, వాళ్లు ఎవరో చెప్పకనే చెప్పారు.

వైఎస్సార్‌సీపీ నేతలు కొండాలి నాని, వల్లభనేని వంశీ, మీరు సపోర్ట్ చేశారు అని అంటారు. కానీ మీరు ఎవరు సపోర్ట్ చేయడానికి, బొచ్చు కూడా అంటూ ఘాటు వ్యాఖ్యలతో సోషల్ మీడియాలో చేసిన పోస్ట్ వైరల్ అవుతోంది. తాను ఉండగా చంద్రబాబు మావయ్య, నందమూరి బాలకృష్ణ బాబాయ్ ని ఎవరూ టచ్ కూడా చెయ్యలేరని పేర్కొన్నారు. తన సినిమా రిలీజ్ సమయంలో జూనియర్ ఫ్యాన్స్, వైఎస్సార్ సీపీ వాళ్లు కల్పించుకుని తనను బాగా ట్రోల్ చేశారని, జాగ్రత్త గా ఉండాలంటూ మాస్ వార్నింగ్ ఇచ్చారు.

నా తమ్ముడు.. జూనియర్ ఎన్టీఆర్ కు జన్మదిన శుభాకాంక్షలు అని మాజీ మంత్రి, గుడివాడ వైసీపీ అభ్యర్థి కొడాలి నాని విషెస్ చెప్పడం తెలిసిందే. ఛాన్స్ దొరికినప్పుడల్లా కొడాలి నాని టీడీపీ పార్టీని కాపాడేది ఎన్టీఆర్ అని, తను లేకపోతే స్వర్గీయ ఎన్టీఆర్ స్థాపించిన పార్టీకి మనుగడ ఉండదని పలుమార్లు కామెంట్ చేశారు. కొడాలి నాని వ్యాఖ్యలు టీడీపీతో పాటు నందమూరి ఫ్యామిలీని ఇరుకున పెట్టేలా ఉంటాయి.

నా తమ్ముడు..
జూనియర్ ఎన్టీఆర్ కు జన్మదిన శుభాకాంక్షలు 💐@tarak9999 #HappyBirthdayNTR pic.twitter.com/0smkpoDLhW

— Kodali Nani (@IamKodaliNani) May 20, 2024

కాగా, ఎన్టీఆర్, డైరెక్ట‌ర్ ప్ర‌శాంత్ నీల్‌, మైత్రీ మూవీ మేక‌ర్స్, ఎన్టీఆర్ ఆర్ట్స్ కాంబినేష‌న్‌లో ఓ యాక్షన్ మూవీ ప్లాన్ చేశారు. ఆగ‌స్ట్ నుంచి ఈ సినిమా షూటింగ్ ప్రారంభం కానుంది. కె.జి.య‌ఫ్‌, స‌లార్ వంటి బ్లాక్ బ‌స్ట‌ర్ మూవీలు తెరకెక్కించిన ప్రశాంత్ నీల్, మరోవైపు మ్యాన్ ఆఫ్ మాసెస్ ఎన్టీఆర్ హీరో కావడంతో ఫ్యాన్స్ లో అంచనాలు పెరిగి పోతున్నాయి. ‘ఎన్టీఆర్ నీల్’ అనే వ‌ర్కింగ్ టైటిల్‌తో వీరి కాంబోలో మూవీ వస్తుంది. ఈ సినిమాకు సంబంధించిన స్క్రిప్ట్‌ను ప్ర‌స్తుతం ప్ర‌శాంత్ నీల్ ఫైన‌ల్ చేస్తున్నారు.