Bigg Boss Telugu Season 5 Promo: బిగ్‌బాస్‌ సీజన్‌ 5 ప్రోమో.. బోర్‌డమ్‌కు గుడ్‌బై అంటూ గన్ పట్టిన నాగ్!

బిగ్‌బాస్-5 హోస్ట్ ఎవరో తేలిపోయింది. తాజాగా విడుదలైన ప్రోమోలో కింగ్ నాగార్జున మాస్ ఎంట్రీతో సర్‌ప్రైజ్ చేశారు.

Image Credit: Star Maa

తెలుగు టీవీ ప్రేక్షకులు ఎప్పుడెప్పుడా అని ఎదురుచూస్తున్న రియాలటీ షో ‘బిగ్‌బాస్-5’ ఎట్టకేలకు ప్రోమో విడుదల చేసి సర్‌ప్రైజ్ ఇచ్చింది. శనివారం విడుదల చేసిన ఈ ప్రోమోలో ప్రముఖ నటుడు, బిగ్‌బాస్ హోస్ట్ నాగార్జున మాస్ ఎంట్రీతో సర్‌ప్రైజ్ ఇచ్చారు. ఇన్ని రోజులు బిగ్‌బాస్ హోస్ట్ ఎవరా అనే సందేహాలతో పలువురి పేర్లు చక్కర్లు కొట్టాయి. అయితే.. నాగ్ ఎంట్రీతో ఆ వదంతులకు పుల్‌స్టాప్ పండింది. 

ఇక ప్రోమో విషయానికి వస్తే. ఇందులో జనాలు సరైన రియాలిటీ షో లేకపోవడం వల్ల బోర్‌గా ఫీలవుతున్నట్లు చూపించారు. గన్‌తో ఎంట్రీ ఇచ్చిన నాగార్జున బోర్‌డమ్‌ను షూట్ చేసి మాయం చేస్తూ.. ‘‘చెప్పండి బోర్‌డమ్‌కు గుడ్‌బై.. వచ్చేస్తోంది బిగ్‌బాస్ సీజన్-5’’ అంటూ సిగ్నేచర్ స్టెప్‌తో ఆకట్టుకున్నారు. ఈ ప్రోమోతో బిగ్‌బాస్ హోస్ట్ ఎవరో తేలిపోయింది. ఇక కంటెస్టంట్ల వివరాలే తెలియాల్సి ఉంది. ఇప్పటికే బిగ్‌బాస్-5 హౌస్‌లోకి వెళ్లే కంటెస్టంట్ల పేర్లు లీకయ్యాయి. ఆ జాబితా ఎంతవరకు నిజమనేది కూడా త్వరలోనే తేలిపోనుంది. 

ప్రోమో వీడియో:

ఇప్పటికే ‘బిగ్‌బాస్’ తెలుగు నాలుగు సీజన్లు పూర్తి చేసుకున్న సంగతి తెలిసిందే. ఐదో సీజన్ కోసం ఇప్పటికే పలువురు సెలబ్రిటీలు ఎంపికయ్యారు. ప్రస్తుతం వీరంతా క్వారంటైన్‌లో ఉన్నారు. ఇటీవల ఐదో సీజన్‌కు సంబంధించిన లోగోను కూడా విడుదల చేశారు. అప్పటినుండి ఈ షో సోషల్ మీడియాలో హాట్ టాపిక్‌గా మారింది. ఎప్పటిలానే కంటెస్టెంట్ ల లిస్ట్ ఇదేనంటూ కొన్ని వార్తలు ప్రచారంలోకి వచ్చాయి. రోజుకో కొత్త పేరు తెరపై వస్తోంది.

ప్రస్తుతం లీకైన ‘బిగ్‌బాస్’ తెలుగు సీజన్ 5 జాబితాలో.. యాంకర్ రవి, వర్షిణి, సిరి హన్మంత్, జబర్దస్త్ సాయి తేజ(ప్రియాంక సింగ్), నవ్యస్వామి, విష్ణుప్రియ, సీరియల్ నటి ప్రియ, సీనియర్ హీరోయిన్ ప్రియా రామన్, సీరియల్ హీరో మానస్, హీరోయిన్ ఇషా చావ్లా, లోబో, యూట్యూబర్ సరయు, సురేఖా వాణి ఇలా పలువురి పేర్లు వినిపిస్తున్నాయి. తాజా ప్రోమోలో ‘బిగ్‌బాస్-5’ తెలుగు సీజన్ ఎప్పటి నుంచి ప్రారంభం కానుందో తెలపలేదు. త్వరలో విడుదల కాబోయే మరో ప్రోమోలో తేదీని ప్రకటించే అవకాశాలున్నాయి.