MAD Square First Look: ‘మ్యాడ్’ బాయ్స్ మళ్లీ వచ్చేశారు, పట్టు బట్టల్లో ఫస్ట్ లుక్ అదిరిందంతే!
MAD Square: యూత్ ఫుల్ ఎంటర్ టైనర్ గా రూపొందిన ‘మ్యాడ్’ సినిమా బాక్సాఫీస్ దగ్గర బ్లాక్ బస్టర్ హిట్ అందుకుంది. దీనికి సీక్వెల్ ఉంటుందని మేకర్స్ చెప్పారు. తాజాగా ఈ మూవీ ఫస్ట్ లుక్ రిలీజ్ అయ్యింది.
MAD Square First Look poster Revealed: తెలుగు సినిమా పరిశ్రమలోయూత్ ఫుల్ కామెడీ ఎంటర్ టైనర్ గా రూపొందిన చిత్రం ‘మ్యాడ్’. జూనియర్ ఎన్టీఆర్ బావ మరిది నార్నె నితిన్, సంగీత్ శోభన్, రామ్ నితిన్ హీరోలుగా దర్శకుడు కల్యాణ్ తెరకెక్కిచిన ఈ సినిమా బాక్సాఫీస్ దగ్గర మంచి సక్సెస్ అందుకుంది. గత ఏడాది అక్టోబర్ 6న ఎలాంటి అంచనాలు లేకుండా ఈ మూవీ ప్రేక్షకుల ముందుకు వచ్చింది. ఊహించని ప్రేక్షకాదరణతో వసూళ్ల పరంగా సత్తా చాటింది. ఈ సినిమాకు సీక్వెల్ ఉంటుందని అప్పట్లోనే చిత్రబృందం వెల్లడించింది. తాజాగా ఈ సినిమాకు సంబంధించి మేకర్స్ క్రేజీ అప్ డేట్ ఇచ్చారు.
పట్టు దుస్తుల్లో ‘మ్యాడ్‘ బాయ్స్ ఫస్ట్ లుక్
‘మ్యాడ్’ సినిమాకు సీక్వెల్ గా ‘మ్యాడ్ స్క్వేర్’ సినిమాను తెరకెక్కించబోతున్నట్లు చిత్రబృందం ప్రకటించింది. తాజాగా ఈ సినిమాకు సంబంధించి ఫస్ట్ లుక్ విడుదల చేశారు. నార్నె నితిన్, సంగీత్ శోభన్, రామ్ నితిన్ పట్టు దుస్తులు, స్టైలిష్ కళ్లజోళ్లతో అదిరిపోయే ఫోజులో ఆకట్టకున్నారు. బాయ్స్ మ్యాడ్ మ్యాక్స్ ఎంటర్టైన్మెంట్ తో తిరిగొచ్చారంటూ చిత్ర నిర్మాణ సంస్థ వెల్లడించింది. ప్రస్తుతం ‘మ్యాడ్ స్క్వేర్’ ఫస్ట్ లుక్ పోస్టర్ ప్రేక్షకులను బాగా ఆకట్టుకుంటున్నది. సోషల్ మీడియాలో బాగా వైరల్ అవుతోంది. ఇప్పటికే ‘మ్యాడ్ 2’ కమింగ్ అంటూ ఆటోలో అనౌన్స్ మెంట్ మెంట్ చేస్తున్న స్టిల్ నెట్టింట వైరల్ అయ్యింది. తాజాగా వచ్చిన పోస్టర్ మూవీపై క్యూరియాసిటీ పెంచేస్తోంది.
View this post on Instagram
ఫస్ట్ సింగిల్ సెప్టెంబర్ 20న విడుదల
వాస్తవానికి ‘మ్యాడ్ స్క్వేర్’ సినిమాకు సంబంధించి ఫస్ట్ లుక్ పోస్టర్ తో పాటు ఫస్ట్ సింగిల్ ఇవాళే విడుదల అవుతుందనే ప్రచారం జరిగింది. కానీ, మేకర్స్ కేవలం ఫస్ట్ లుక్ రిలీజ్ చేశారు. ఫస్ట్ సింగిల్ సెప్టెంబర్ 20న విడుదల చేయనున్నట్లు తెలిపారు. ఈ నేపథ్యంలో ఫస్ట్ సింగిల్ కోసం మూవీ లవర్స్ ఎంతగానో ఎదురు చూస్తున్నారు. మరోసారి ‘మ్యాడ్‘ బాయ్స్ ఎంటర్ టైన్ మెంట్ చూసి ఎంజాయ్ చేయాలనుకుంటున్నారు.
‘మ్యాడ్‘ సీక్వెల్ లోనూ వాళ్లే..
‘మ్యాడ్’లో అందరూ కొత్త వాళ్లే నటీనటులుగా చేసినా, సినిమాలో కంటెంట్ ఉండటంతో ప్రేక్షకులను బాగా ఆకట్టుకంది. ఈ చిత్రంలో శ్రీగౌరి ప్రియా రెడ్డి, అనంతికా సునీల్ కుమార్, గోపికా ఉద్యన్ హీరోయిన్లుగా నటించారు. సీక్వెల్ లోనూ వీళ్లే నటించనున్నట్లు తెలుస్తోంది. ‘మ్యాడ్ స్క్వేర్’ను నాగవంశీ సమర్పిస్తున్నారు. సితార ఎంటర్ టైన్ మెంట్, ఫార్చూన్ ఫోర్ సినిమాస్ బ్యానర్లపై హారికా సూర్యదేవర, సాయి సౌజన్య సంయుక్తంగా నిర్మిస్తున్నారు. భీమ్స్ సిసిరోలియో సంగీతం అందిస్తున్నాడు. అటు ‘మ్యాడ్‘ సినిమా ప్రస్తుతం ప్రముఖ ఓటీటీ ప్లాట్ఫామ్ నెట్ ఫ్లిక్స్ లో అందుబాటులో ఉంది.
Read Also: ఆ అమ్మాయికి న్యాయం జరగాలి, జానీ మాస్టర్ లైంగిక వేధింపులపై అనసూయ షాకింగ్ కామెంట్స్..
Before You Go
Gundenininda Gudigantalu Serial August 19 | ప్రభావతి, రోహిణిలకు ఊహించని షాక్
టాప్ హెడ్ లైన్స్
ట్రెండింగ్ వార్తలు
