Mahesh Babu Movie Update: మహేష్ కు త్రివిక్రమ్ గిఫ్ట్ ఇదే.. సూపర్ స్క్వాడ్ వచ్చేసింది..

సూపర్ స్టార్ మహేష్ బాబు మంచి ఫామ్ లో ఉన్నారు. వరుస సినిమాలు ఒప్పుకుంటూ బిజీ హీరోగా మారారు.

మహేష్ కు త్రివిక్రమ్ గిఫ్ట్ ఇదే

సూపర్ స్టార్ మహేష్ బాబు(Mahesh Babu) మంచి ఫామ్ లో ఉన్నారు. వరుస సినిమాలు ఒప్పుకుంటూ బిజీ హీరోగా మారారు. ఈరోజు ఆయన పుట్టినరోజు సందర్భంగా ఆయన సినిమాలకు సంబంధించిన అప్డేట్స్ ను ఒక్కొక్కటిగా వదులుతున్నారు. ఇప్పటికే 'సర్కారు వారి పాట'(Sarkaru Vaari Paata) సినిమాకి సంబంధించి బర్త్ డే బ్లాస్టర్ అంటూ ఓ వీడియోను విడుదల చేశారు. రాత్రి 12 గంటలకు విడుదలైన ఈ చిన్న వీడియోకి అప్పుడే 14 మిలియన్ల వ్యూస్ వచ్చాయి. గంటగంటకు ఆ నెంబర్ పెరిగిపోతూనే ఉంది. 

 

ఈ సినిమా తరువాత మహేష్ బాబు తన తదుపరి సినిమా త్రివిక్రమ్(Trivikram) దర్శకత్వంలో చేయనున్నారు. తాజాగా ఈ సినిమాకి సంబంధించిన అప్డేట్ ను సోషల్ మీడియా వేదికగా పంచుకున్నారు. ఈ సినిమాకి టెక్నిషియన్స్ గా ఎవరెవరు పని చేయబోతున్నారు..? హీరోయిన్ ఎవరనే విషయాలను అఫీషియల్ గా అనౌన్స్ చేశారు. ఆర్ట్ డైరెక్టర్ గా ఏఎస్ ప్రకాష్, ఎడిటర్ గా నవీన్ నూలి, సినిమాటోగ్రాఫర్ గా మదిని తీసుకున్నారు. హారిక హాసిని క్రియేషన్స్‌ పతాకంపై ఎస్‌.రాధాకృష్ణ(చినబాబు)ఈ చిత్రాన్ని నిర్మిస్తున్నారు.

 

ఎప్పటినుండో ఈ సినిమాకి మ్యూజిక్ డైరెక్టర్ గా తమన్(Thaman) పని చేయనున్నారని వార్తలు వస్తున్నాయి. ఆ విషయాన్ని కూడా అధికారికంగా ప్రకటించారు. ఇక హీరోయిన్ గా పూజాహెగ్డే(Pooja Hegde) ను ఎంపిక చేసుకున్నారు. గతంలో ఈ బ్యూటీ మహేష్ బాబుతో కలిసి 'మహర్షి' సినిమాలో నటించారు. ఆ సినిమా మంచి హిట్ అందుకుంది. ఇప్పుడు మరోసారి వీరిద్దరి కాంబోను రిపీట్ చేయబోతున్నారు. ఈ సూపర్ స్క్వాడ్ ను చూస్తుంటే త్రివిక్రమ్ మంచి టీమ్ సెట్ చేశారనిపిస్తుంది. త్వరలోనే ఈ సినిమాను సెట్స్ పైకి తీసుకెళ్లనున్నారు. 

Celebrating our REIGNING Superstar @urstrulymahesh birthday, we bring you the SUPER Squad of #SSMB28 🌟

▶️ https://t.co/AjdQIPPjup#Trivikram’s Enchanting Tale on to the sets, soon! 🔥#HBDSuperstarMaheshBabu @hegdepooja @MusicThaman @madhie1 #ASPrakash @NavinNooli @vamsi84

— Haarika & Hassine Creations (@haarikahassine) August 9, 2021

Team #SSMB28 Wishing Reigning Superstar !! 🔥🔥💥💥#HBDSuperstarMahesh #SarkaruVaariPaata @urstrulyMahesh pic.twitter.com/1373mMMPVg

— Mahesh Babu Trends 🔔 (@MaheshFanTrends) August 9, 2021