Krithi Shetty: క్రేజీ ప్రాజెక్ట్ లో ఛాన్స్ కొట్టేసిన కృతి - మరో హిట్టు గ్యారెంటీ

సూర్య హీరోగా దర్శకుడు బాల ఓ సినిమాను రూపొందించబోతున్నారు. దీనికి సంబంధించిన అఫీషియల్ అనౌన్స్మెంట్ వచ్చింది.

By: ABP Desam | Updated at : 28 Mar 2022 03:38 PM (IST)

Krithi Shetty officially on board as the female lead opposite Suriya in Bala's directorial

క్రేజీ ప్రాజెక్ట్ లో ఛాన్స్ కొట్టేసిన కృతి

తెలుగులో 'ఉప్పెన' సినిమాతో హీరోయిన్ గా ఎంట్రీ ఇచ్చిన కృతిశెట్టి వరుస సినిమాలు ఒప్పుకుంటూ బిజీ ఆర్టిస్ట్ గా మారింది. ప్రస్తుతం ఆమె చేతిలో నాలుగైదు సినిమాలు ఉన్నాయి. తాజాగా మరో సినిమా అంగీకరించింది ఈ బ్యూటీ. సూర్య హీరోగా దర్శకుడు బాల ఓ సినిమాను రూపొందించబోతున్నారు. దీనికి సంబంధించిన అఫీషియల్ అనౌన్స్మెంట్ వచ్చింది. గతంలో వీరిద్దరి కాంబినేషన్ లో వచ్చిన 'నందా', 'పితామగన్' వంటి సినిమాలు భారీ విజయాలను అందుకున్నాయి.

ఈ సినిమాలతో నటుడిగా సూర్యకి మంచి పేరొచ్చింది. దాదాపు 18 ఏళ్ల తరువాత మరోసారి వీరిద్దరూ కలిసి సినిమా చేయబోతున్నారు. దీంతో ఈ ప్రాజెక్ట్ పై క్రేజ్ ఏర్పడింది. ఇలాంటి సినిమాలో హీరోయిన్ గా కృతిశెట్టికి అవకాశం వచ్చింది. కెరీర్ బిగినింగ్ లోనే సూర్య లాంటి స్టార్ హీరో సినిమాలో ఛాన్స్ కొట్టేయడం విశేషం. అది కూడా బాల డైరెక్షన్ అంటే.. కృతిశెట్టి లిస్ట్ లో మరో హిట్టు సినిమా పడినట్లే.

ఈ సినిమాను సూర్య సొంత నిర్మాణ సంస్థ 2డి ఎంట‌ర్‌టైన్‌మెంట్‌ సంస్థ నిర్మిస్తోంది. జీవీ ప్రకాష్ మ్యూజిక్ అందించనున్నారు. ఈ మధ్యకాలంలో సూర్య తన సినిమాలతో హిట్టు మీద హిట్టు కొడుతున్నారు. 'ఆకాశమే నీ హద్దురా', 'జై భీమ్' వంటి సినిమాలను నేరుగా ఓటీటీలో రిలీజ్ చేసి భారీ విజయాలను అందుకున్నారు. రీసెంట్ గా 'ఈటీ - ఎవరికీ తలవంచడు' సినిమాతో ప్రేక్షకులను అలరించాడు.

Also Read: ఆస్కార్స్ లైవ్‌లో గొడవ, కమెడియన్‌ని కొట్టిన విల్ స్మిత్

Also Read: పూరితో మరోసారి - ఎయిర్‌ఫోర్స్ పైలట్‌గా విజయ్ దేవరకొండ!