Janhvi Kapoor: జాన్వీ కపూర్‌కు క్రేజీ ఆఫర్, సూర్య మూవీలో హీరోయిన్‌గా ఛాన్స్!

Janhvi Kapoor: బాలీవుడ్ బ్యూటీ జాన్వీకపూర్‌ కు ఓ క్రేజీ ఛాన్స్ దక్కింది. తమిళ స్టార్ హీరో సూర్య మూవీలో హీరోయిన్ గా కనిపించబోతోంది. త్వరలో అధికారిక ప్రకటన వచ్చే అవకాశం ఉంది.

సూర్య,జాన్వీ కపూర్(Photo Credit: Suriya/Janhvi Kapoor/Instagaram

Janhvi Kapoor In ‘Karna’ Movie: బాలీవుడ్ దర్శకుడు రాకేష్ ఓం ప్రకాష్ మిశ్ర ప్రతిష్టాత్మకంగా తెరకెక్కిస్తున్న పాన్ ఇండియన్ మూవీ ‘కర్ణ’. మహా భారతంలోని కర్ణుడి పాత్రను బేస్ చేసుకుని ఈ సినిమాను రూపొందిస్తున్నారు. తమిళ స్టార్ హీరో సూర్య ఈ చిత్రంలో లీడ్ రోల్ ప్లే చేస్తున్నారు. భారీ బడ్జెట్ తో తెరకెక్కనున్న ఈ సినిమాకు సంబంధించి ప్రస్తుతం ప్రీ ప్రొడక్షన్ పనులు కొనసాగుతున్నాయి.

‘కర్ణ’ మూవీలో హీరోయిన్ గా జాన్వీ కపూర్

తాజాగా ‘కర్ణ’ మూవీకి సంబంధించి ఆసక్తికర విషయం సోషల్ మీడియాలో వైరల్ అవుతోంది. ఈ చిత్రంలో సూర్య సరసన అతిలోక సుందరి శ్రీదేవి కూతురు, బాలీవుడ్ క్యూట్ బ్యూటీ జాన్వీ కపూర్ కనిపించబోతున్నట్లు తెలుస్తోంది. ఇప్పటికే చిత్రబృందం ఆమెను కాంటాక్ట్ చేసినట్లు సమాచారం. ప్రతిష్టాత్మక మూవీలో అవకాశం రావడంతో ఆమె కూడా సరే అన్నట్లు ఇండస్ట్రీలో టాక్ వినిపిస్తోంది. అయితే, అధికారికంగా ఎలాంటి ప్రకటన రాలేదు. త్వరలోనే ఈ విషయానికి సంబంధించి క్లారిటీ వచ్చే అవకాశం ఉంది.  పాన్ ఇండియా మూవీగా ‘కర్ణ’ రూపు దిద్దుకోబోతోంది. ఫర్హాన్ అక్తర్ ఈ సినిమాను భారీ బడ్జెట్ తో నిర్మిస్తున్నారు. తొలుత ఈ సినిమాను బాలీవుడ్ స్టార్ హీరో షాహిద్ కపూర్ తో చేయాలని దర్శకుడు రాకేష్ భావించినా, కొన్ని కారణాలతో ఆయన తప్పుకున్నారు. ఈ నేపథ్యంలో సూర్య ఆ ప్లేస్ లో భర్తీ చేశారు. 

తెలుగులో ‘దేవర’ మూవీ చేస్తున్న జాన్వీ

ఇక జాన్వీ కపూర్ ప్రస్తుతం యంగ్ టైగర్ ఎన్టీఆర్, మాస్ డైరెక్టర్ కొరటాల శివ కాంబోలో వస్తున్న’దేవర’ చిత్రంలో నటిస్తోంది. ఈ సినిమాతో జాన్వీ టాలీవుడ్ లోకి అడుగు పెడుతోంది. ఈ చిత్రంలో బాలీవుడ్ నటుడు సైఫ్ అలీ ఖాన్ నెగెటివ్ పాత్ర పోషిస్తున్నారు. వాస్తవానికి ‘దేవర’ సినిమా ఈ ఏడాది ఏప్రిల్ 5న విడుదల చేయనున్నట్లు మేకర్స్ ప్రకటించారు. అయితే, ఈ సినిమా వీఎఫ్ఎక్స్ పనులు ఇంకా పూర్తి కాకపోవడంతో వాయిదా పడింది. త్వరలోనే ఈ సినిమా రిలీజ్ డేట్ ను ప్రకటించనున్నట్లు మేకర్స్ తెలిపారు. ఈ సినిమాతో పాటు జాన్వీ మరో రెండు సినిమాలు చేస్తోంది. అందులో ఒకటి ‘మిస్టర్ అండ్ మిసెస్ మహి’ కాగా, మరొకటి ‘ఉలాజ్’.

సూర్య ‘కంగువ’ షూటింగ్ పూర్తి

అటు సూర్య రీసెంట్ గా ‘కంగువ’ సినిమా షూటింగ్ కంప్లీట్ చేసినట్లు వెల్లడించారు. ఈ సినిమాకు శివ దర్శకత్వం వహిస్తున్నారు. పీరియాడిక్ మూవీగా పాన్ ఇండియా రేంజిలో ఈ చిత్రం రూపొందుతోంది. ఇప్పటి వరకు నిర్మించిన తమిళ చిత్రాల్లో అత్యంత భారీ బడ్జెట్ తో రూపొందిస్తున్న మూఈగా గుర్తింపు తెచ్చుకుంది. ప్రపంచ వ్యాప్తంగా పలు భాషల్లో విడుదల కాబోతోంది. ఈ చిత్రంలో బాలీవుడ్ స్టార్స్ బాబీ డియోల్, దిశా పటానీ తమిళ పరిశ్రమలోకి అడుగు పెడుతున్నారు. అటు సుధా కొంగరతో కూడా ఓ సినిమాను చేయబోతున్నారు సూర్య.