Balakrishna in Indian Idol: కళ్లకు గంతలు కట్టి మరీ బాలయ్యకు ‘ఆహా’ సర్ప్రైజ్, ఇదిగో వీడియో
ఇండియన్ ఐడల్ ఫైనల్స్కు నందమూరి బాలకృష్ణ ముఖ్య అతిథిగా హాజరయ్యారు. ఈ సందర్భంగా ఆయనకు ఆహా టీమ్ ఊహించని సర్ప్రైజ్ ఇచ్చారు.
నందమూరి బాలకృష్ణ పుట్టిన రోజు సందర్భంగా ‘ఆహా’ సర్ప్రైజ్ ఇచ్చింది. ‘ఇండియన్ ఐడల్ తెలుగు’ షో ఫైనాలేకు బాలకృష్ణ ముఖ్య అతిథిగా విచ్చేసిన సంగతి తెలిసిందే. శుక్రవారం బాలకృష్ణ పుట్టిన రోజు కావడంతో ‘ఇండియన్ ఐడల్ తెలుగు’ టీమ్ బాలయ్యను ప్రత్యేకంగా విష్ చేసింది. ఫినాలేలో పాల్గొన్న సింగర్ ఉష ఉతప్పతోపాటు ఈ షోకు జడ్జెస్గా వ్యవహరిస్తున్న సంగీత దర్శకుడు తమన్, గాయకుడు కార్తిక్లు బాలకృష్ణ కళ్లకు గంతలు కట్టారు. ఆ తర్వాత వేదికపైన ఏర్పాటు చేసిన కేకు వద్దకు తీసుకెళ్లి సర్ప్రైజ్ ఇచ్చారు. బాలకృష్ణ కేక్ కట్ చేయగా పోటీల్లో పాల్గొన్న సింగర్స్, జడ్జెస్ బాలయ్యకు పుట్టిన రోజు శుభాకాంక్షలు తెలియజేశారు.
‘ఆహా’ ఓటీటీలో ప్రసారమవుతున్న ‘ఇండియన్ ఐడల్ తెలుగు’ ఫైనల్స్కు చేరుకుంది. ఈ నేపథ్యంలో శుక్రవారం స్ట్రీమింగ్ కానున్న ఎపిసోడ్లో ఫినాలేకు చేరిన కంటెస్టెంట్ల వివరాలను ప్రకటించనున్నారు. ఆ తర్వాత జరిగే పోటీలో విన్నర్స్ ఎవరనేది ప్రకటించనున్నారు. ‘ఆహా’లో బాలకృష్ణ ఫస్ట్టైమ్ హోస్ట్ చేసిన ‘అన్స్టాపబుల్’ షో ఎంత పాపులర్ అయ్యిందో తెలిసిందే. అందులో బాలయ్య తన హోస్టింగ్తో అదరగొట్టేశారు. దీంతో ‘ఆహా’ ఇప్పుడు బాలయ్యతో ‘అన్స్టాపబుల్’ సీజన్-2కు ప్లాన్ చేస్తోంది. అయితే, ఎప్పుడనేది ఇంకా ప్రకటించాల్సి ఉంది. బాలయ్య పుట్టిన రోజు సందర్భంగా గురువారం ‘NBK 107’ ఫస్ట్ హంట్ వీడియోను పోస్ట్ చేశారు. ఇందులో బాలకృష్ణ డైలాగులు చూసి అభిమానులు తెగ సంబరపడిపోతున్నారు. మరో హిట్ పక్కా అంటున్నారు. త్వరలోనే ఈ చిత్రం టైటిల్, విడుదల తేదీ ప్రకటించే అవకాశాలున్నాయి.
View this post on Instagram
Also Read: బాలకృష్ణ మొదటి చిత్రాన్ని అప్పటి ప్రభుత్వం ఎందుకు నిషేదించిందో తెలుసా?
Before You Go
Gundenininda Gudigantalu Serial August 19 | ప్రభావతి, రోహిణిలకు ఊహించని షాక్
టాప్ హెడ్ లైన్స్
ట్రెండింగ్ వార్తలు
