Gruhalakshmi October 31st: రేస్ మొదలు పెట్టిన తులసి- అండగా నిలిచిన సామ్రాట్

ఇంట్లో నుంచి బయటకి వచ్చేసిన తులసి జీవితం కొత్త మలుపు తిరిగింది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

తులసి గారి పరిస్థితి ఎంతో తెలుసుకోకుండా ఉండలేను అని సామ్రాట్ టెన్షన్ గా తనకి ఫోన్ చేస్తాడు. కానీ తులసి ఫోన్ లిఫ్ట్ చేయకుండా నడుచుకుంటూ వెళ్ళిపోతుంది. వెంటనే ప్రేమ్ కి కాల్ చేస్తాడు. తులసిగారు నా ఫోన్ లిఫ్ట్ చెయ్యలేదు ఏమైంది నా కారణంగా ఇంట్లో ఏమి గొడవ జరగలేదు కదా అని ఆత్రంగా అడుగుతాడు. ప్రేమ్ జరిగింది మొత్తం చెప్తాడు. తులసి ఇంట్లో నుంచి వెళ్లిపోయిందని నందు అంటే ఈ ఇంట్లో ఎన్నో సార్లు తులసికి నాకు గొడవ జరిగింది కానీ తర్వాత మామూలుగా ఉండే వాళ్ళం కానీ ఈ సారి ఇలా చేస్తుందని అనుకోలేదని అనసూయ అంటుంది. కుటుంబం అంటే ప్రాణం అని మాటలు చెప్పేది కదా మరి అంత ఈజిగా ఎలా వెళ్లిపోయిందని అభి, నందు అంటారు. అసలు ఈ మీటింగ్ ఏంటో అర్థం కావడం లేదు అంత ఫీల్ అయ్యే వాళ్ళు అయితే వెళ్ళకుండా కాళ్ళకి అడ్డుపడొచ్చు కదా అని లాస్య వెటకారంగా అంటుంది.

తులసి ఉంటే ప్రాబ్లం కానీ తను లేకపోయినా ప్రాబ్లమా మీ బాధ ఏంటి ఏం కావాలి అని అడుగుతుంది. తను ఇల్లు వదిలి వెళ్ళిపోయింది ప్రశాంతంగా ఉందాం అని అంటుంది. మనం ఏమి ఇల్లు వదిలి వెళ్లిపొమ్మని అనలేదు కదా కొంతమంది లోపల బాధపడతారు, కొంతమంది బయటకి బాధపడుతున్నారు. అసలు తప్పు అంతా మావయ్య గారిది తనే ఇంట్లో నుంచి వెళ్లిపొమ్మని ఎంకరేజ్ చేశారని లాస్య ఎక్కిస్తుంది. జరిగింది ఏదో జరిగింది పరిష్కారం ఆలోచిద్దాం అని అభి అంటే తులసిని వెతికి బతిమలాడి ఇంటికి తీసుకురావాలా అని లాస్య అంటుంది. అవునని అభి అంటే మీరు వెళ్తారా అని అనసూయని అడుగుతుంది. తాతయ్యని పంపిద్దామని అభి అంటాడు. తులసి లేకపోయినంత మాత్రాన ఏ పని ఆగదు మీరు ఎక్కువ ఆలోచించకండనేసి లాస్య వెళ్ళిపోతుంది.

సామ్రాట్ తులసి కోసం వెతుకుతూ ఉంటాడు. అటు ఇంట్లో పరంధామయ్య దేవుడి ముందు అఖండ జ్యోతి వెలిగించి తులసి వచ్చేదాకా ఇది ఆరిపోకూడదు అని ఎమోషనల్ అవుతాడు. తులసి ఒక పార్క్ లో కూర్చుని ఉంటే అప్పుడే కృష్ణుడి వేషంలో ఉన్న ఒక అబ్బాయి వచ్చి తనని పలకరిస్తాడు. ఎందుకు అలా సాడ్ గా ఉన్నావ్ నేను కృష్ణుడిని ఎందుకు అలా ఏడుస్తున్నావ్ అని వచ్చి కౌగలించుకుంటాడు. దీంతో తులసి వెక్కి వెక్కి ఏడుస్తుంది. అప్పుడే సామ్రాట్ తులసిని చూస్తాడు. తులసికి కనిపించకుండా తన వెనుకే ఫాలో అవుతూ వెళతాడు. తులసి ఒక ఇంట్లోకి వెళ్ళడం చూస్తాడు. అప్పుడే ప్రేమ్ వస్తాడు. అమ్మని ఒక్కదాన్నే వదిలి ఎక్కడికి వెళ్ళావ్ అని అడుగుతాడు. ఆ ఇంట్లోకి వెళ్ళిందని సామ్రాట్ చెప్తే అది మా అమ్మమ్మగారి ఇల్లు అని ప్రేమ్ చెప్తాడు. నేను వచ్చినట్టు తులసికి చెప్పకు అని అంటే దాచాల్సిన అవసరం ఏంటి అని ప్రేమ్ అడుగుతాడు. ఇది తన గురించి తను ఆలోచించుకోవాల్సిన టైమ్ ఇదేనని అంటాడు. మీరు కూడా అమ్మని వదిలేస్తున్నారా అని ప్రేమ్ అంటాడు. లేదు తనకి నేను ఎప్పుడు అండగానే ఉంటాను అని చెప్తాడు.