Tollywood Director: దర్శకుడి పబ్లిసిటీ పిచ్చి... కటౌట్లు, కోరికలు రోజు రోజుకూ ఎక్కువ అవుతున్నాయా?
హీరోలతో పాటు సమానమైన గౌరవ మర్యాదలు తెలుగులో దర్శకులకు దక్కుతాయి. అయితే... స్టార్ హీరోతో సినిమా చేసిన ఓ యంగ్ డైరెక్టర్ పబ్లిసిటీ పిచ్చి డిస్కషన్ పాయింట్ అవుతోంది.
ఫేస్ ఆఫ్ ది సినిమా కచ్చితంగా హీరోయే. అందులో మరో సందేహం లేదు. హీరో ఫేస్, ఇమేజ్ బట్టి థియేటర్లలో టికెట్స్ తెగుతాయి. అందుకే హీరోకి ఎక్కువ విలువ, మర్యాద దక్కుతాయి. సినిమా హిట్ అయితే హీరోకి ఎక్కువ పేరు వస్తుంది. ఫ్లాప్ ఫిలిమ్స్ వస్తే తిట్లు, చివాట్లు సైతం పడతారు. దర్శక ధీరుడు రాజమౌళి తరహాలో ఒకరిద్దరు దర్శకులు హీరోల కంటే ఎక్కువ స్టార్‌డమ్ సొంతం చేసుకున్నారు. ఈ కోవలో మిగతా దర్శకులు లేరని కాదు. ఇమేజ్, పేరు రావట్లేదని కాదు. కానీ, హీరో కంటే ఎక్కువ కాదు. అందువల్ల, థియేటర్ల దగ్గర హీరోల కటౌట్స్ పెడతారు. ఆ సినిమాలో స్టార్స్‌కు ఇంపోర్టాన్స్ ఇస్తారు. ఓ యంగ్ డైరెక్టర్ ఈ విధంగా చేస్తే ఊరుకోవట్లేదట.
హీరోతో పాటు సమానంగా కటౌట్ పెట్టారేంటి!?
థియేటర్స్ దగ్గర హీరో కటౌట్స్ పెద్దవి పెడతారు. దర్శకుల ఫోటో ఆ కటౌట్‌లో ఓ వైపు వేస్తారు. అంతే కానీ ప్రత్యేకంగా దర్శకుడి కోసం కటౌట్స్ పెట్టే సందర్భాలు తక్కువ. రాజమౌళి, త్రివిక్రమ్, సుకుమార్ వంటి దర్శకులు ఇందుకు అతీతం. దిగ్గజ దర్శకులకు కటౌట్స్ కామన్. కానీ, ఓ యంగ్ డైరెక్టర్ మెయిన్ థియేటర్ దగ్గర తనకూ కటౌట్ కావాలని పట్టుబట్టి మరీ ఏర్పాటు చేయించారట. హీరోతో ఈక్వల్ కటౌట్ కావాలని డైరెక్టర్ కోరడం చూసి ఇండస్ట్రీ జనాలు, హీరో పక్కన అతడితో సమానమైన కటౌట్ చూసి ప్రేక్షకులు అవాక్కయ్యారు. ఇదేమి వింత అని గుసగుసలాడుకున్నారు.
పబ్లిసిటీ పిచ్చి కారణంగా దర్శకుడికి రావాల్సిన మంచి పేరు కంటే చెడ్డ పేరు ఎక్కువ వస్తోందని ఇండస్ట్రీ గుసగుస. అతగాడిలో విషయం లేదని కాదు. స్టార్ హీరోలతో కమర్షియల్ సినిమాలు తీసి భారీ సక్సెస్‌లు అందుకున్నాడు. ప్రభాస్ మినహా పాన్ ఇండియా రేంజికి వెళ్లిన టాలీవుడ్ స్టార్ హీరోలతో సినిమాలు తీశాడు. విజయాలు అందుకున్నాడు. రైటింగ్, డైరెక్షన్ తెల్సిన పనిమంతుడు. మ్యూజిక్ మీద మంచి గ్రిప్ ఉంది. కానీ, కాస్త పబ్లిసిటీ పిచ్చితో దురుసు మాటలతో నలుగురి నోళ్ళలో నాకుతున్నాడు. అతడు తీసిన లేటెస్ట్ సినిమా మిక్స్డ్ టాక్ వచ్చి ఫ్లాప్ దిశగా వెళుతోంది. అతడు అవేవీ పట్టించుకోకుండా సినిమా పబ్లిసిటీ చేసుకుంటూ వెళ్తున్నాడు.
Also Read: ఒకే వేదికపైకి అల్లు అర్జున్ - సుకుమార్... మారుతి నగర్ ఈవెంట్‌లో 'పుష్ప 2' పుకార్లకు చెక్!?
డైరెక్టర్లకు పబ్లిసిటీ పిచ్చి ఉండొచ్చు కానీ మరీ ఇంత ఉండకూడదని ఇండస్ట్రీ జనాలతో పాటు ఆడియన్స్ కూడా డిస్కస్ చేసే రేంజిలో ఉంది వ్యవహారం. ఈ ఒక్క విషయంలో సైలెంట్ అయితే అతడికి ఆడియన్స్ నుంచి, ఫ్యాన్స్ నుంచి మ్యాగ్జిమమ్ సపోర్ట్ వచ్చే అవకాశం ఉంది. హిట్టూ ఫ్లాపులతో సంబంధం లేకుండా ప్రతి సినిమాకు క్రేజ్ తీసుకురాగల, ప్రేక్షకుల్లో బజ్ పెంచగల సత్తా అతడి సొంతం. ఒక్క ఫ్లాప్ వల్ల తక్కువ అంచనా వెయ్యలేం. మళ్లీ బౌన్స్ బ్యాక్ అవ్వాలని ఆశిద్దాం.
Also Read: సూపర్ స్టార్ కృష్ణ ఫ్యామిలీ నుంచి మరొక హీరో - అన్నయ్య కొడుక్కి అండగా మహేష్!
టాప్ హెడ్ లైన్స్
ట్రెండింగ్ వార్తలు
