Devara Dubai Review: ప్రతి సినిమా ఫ్లాప్ అనేవాడు... 'దేవర'కు బ్లాక్ బస్టర్ రివ్యూ ఇచ్చాడు!

Umair Sandhu Review Devara: దేవర విడుదలకు కొన్ని గంటలు మాత్రమే ఉంది. ఈ సమయంలో దుబాయ్ నుంచి వచ్చిన ఒక రివ్యూ ఎన్టీఆర్ అభిమానులకు ఫుల్ ఖుషి చేసేలా ఉంది.

'దేవర' సినిమాలో ఎన్టీఆర్

Source : https://x.com/DevaraMovie

దేవర... దేవర... దేవర... ఇప్పుడు ఎక్కడ చూసినా ఈ సినిమా గురించి చర్చ. అటు ఫిల్మ్ నగర్ వర్గాల ప్రముఖుల్లో, ఇటు సోషల్ మీడియాలో ప్రేక్షకులు అంతా మ్యాన్ ఆఫ్ మాసెస్ ఎన్టీఆర్ సినిమా గురించే చర్చ. ఆల్రెడీ ఈ సినిమా రివ్యూల గురించి ఎంక్వయిరీ చేయడం మొదలైంది. ఎన్టీఆర్ అభిమానులకు ఫుల్ ఖుషి ఇచ్చేలా దుబాయ్ బేస్డ్ క్రిటిక్ రివ్యూ ఇచ్చాడు.

'దేవర'కు ఉమైర్ సందు నుంచి పాజిటివ్ రివ్యూ!
Umair Sandhu Reviews Devara: తనకు తాను క్రిటిక్ అని చెప్పుకొనే ఉమైర్ సందు ప్రతి సినిమా విడుదలకు ముందు సోషల్ మీడియాలో రివ్యూలు ఇస్తాడు. అయితే, అతని రివ్యూలు ఫేక్ అని విమర్శలు చాలా ఉన్నాయి. సినిమా చూడకుండా రివ్యూ ఇస్తాడని కామెంట్స్ కూడా ఉన్నాయ్. సూపర్ హిట్ సినిమాలకు ఉమైర్ సందు నెగెటివ్ రివ్యూలు, తక్కువ రేటింగ్స్ ఇచ్చిన సందర్భాలు ఉన్నాయి. అయితే, ఈ 'దేవర' సినిమాకు అతడు పాజిటివ్ రివ్యూ ఇచ్చాడు.

'దేవర' సినిమా పైసా వసూల్ సినిమా... 3.5/5!
Devara Movie First Review: 'దేవర' పైసా వసూల్ సినిమా అని ఉమైర్ సందు ట్వీట్ చేశాడు. సిల్వర్ స్క్రీన్ ఎక్స్‌పీరియన్స్ ఇస్తుందని చెప్పాడు. జూనియర్ ఎన్టీఆర్ అద్భుతంగా చేశాడని, సినిమాకు కావాల్సిన పవర్ అందించాడని అతడు పేర్కొన్నాడు. సైఫ్ అలీ ఖాన్ ఫెంటాస్టిక్ అని కాంప్లిమెంట్స్ ఇచ్చాడు. అయితే, జాన్వీ కపూర్ ఇరిటేట్ చేసిందని చెప్పారు. ప్రతి సినిమాకు ఫ్లాప్ ఇచ్చే ఉమైర్ సందు... 'దేవర'కు పాజిటివ్ రివ్యూ ఇవ్వడం విశేషం.

First Review #Devara : #JrNTR is exceptional, pitches a sterling act that doesn’t miss a beat. He gives film the much-needed power. #SaifAliKhan is fantastic. #JanhviKapoor is irritating. Devara is a Paisa Vasool entertainer that’s meant for the big screen.

3.5💥/5💥 pic.twitter.com/mknWcJDSDP

— Umair Sandhu (@UmairSandu) September 24, 2024

రాజమౌళి - ఎన్టీఆర్ ఫ్రెండ్ సూపర్ పాజిటివ్ రివ్యూ!
'దేవర'ను దుబాయ్‌లో ఉమైర్ సందు చూశాడో లేదో కానీ హైదరాబాద్ సిటీలో ఈ సినిమా స్పెషల్ షో పడింది. దర్శక ధీరుడు ఎస్ఎస్ రాజమౌళి (SS Rajamouli), ఎన్టీఆర్ (Jr NTR) క్లోజ్ ఫ్రెండ్ ఒకరు సినిమా చూశారు. లాస్ట్ అరగంట సూపర్ ఉందని, అదిరిపోయిందని ఆయన సన్నిహితులతో చెప్పారట. మరి, ఇక సినిమా గురించి కామన్ ఆడియన్స్ ఏం అంటారో చూడాలి. ఎన్టీఆర్ జంటగా జాన్వీ కపూర్, బైరా పాత్రలో సైఫ్ అలీ ఖాన్ నటించిన ఈ సినిమాకు అనిరుద్ రవిచందర్ సంగీతం అందించారు. కళ్యాణ్ రామ్ సమర్పణలో భరత్ మిక్కిలినేని, హరికృష్ణ కె నిర్మించారు.