Raviteja: 'ఫుల్ కిక్కు..' సాంగ్.. రవితేజ నుంచి మాసివ్ ట్రీట్..

ఈరోజు రవితేజ పుట్టినరోజు సందర్భంగా 'ఖిలాడి' సినిమా నుంచి మాస్ మసాలా సాంగ్ ను రిలీజ్ చేసింది చిత్రబృందం.  

'ఫుల్ కిక్కు..' సాంగ్..

మాస్ మహారాజా రవితేజ ప్రస్తుతం 'ఖిలాడి' సినిమాతో ప్రేక్షకుల ముందుకు రావడానికి సిద్ధమవుతున్నారు. 2021లో 'క్రాక్' సినిమాతో భారీ విజయాన్ని అందుకున్న రవితేజ.. ఈ ఏడాది 'ఖిలాడి' సినిమాతో సందడి చేయడానికి రెడీ అవుతున్నారు. రమేష్ వర్మ డైరెక్ట్ చేస్తోన్న ఈ సినిమాకి సంబంధించిన టీజర్, పాటలు ఇప్పటికే విడుదలయ్యాయి. వీటికి ప్రేక్షకుల నుంచి మంచి రెస్పాన్స్ వస్తోంది. 

ఈరోజు రవితేజ పుట్టినరోజు సందర్భంగా ఈ సినిమా నుంచి మాస్ మసాలా సాంగ్ ను రిలీజ్ చేసింది చిత్రబృందం. 'ఫుల్ కిక్కు' అంటూ సాగే ఈ లిరికల్ సాంగ్ రవితేజ అభిమానులకు మంచి కిక్కిస్తోంది. శ్రీమణి లిరిక్స్ అందించగా.. సాగర్, మమతా శర్మ ఈ పాటను ఆలపించారు. శేఖర్ వీజే ఈ పాటకు కొరియోగ్రఫీ అందించగా.. రవితేజ తన మాస్ స్టెప్స్ తో ఆకట్టుకున్నారు. నిజానికి ఈ పాటను ఉదయం 10 గంటల సమయంలో విడుదల చేయాలనుకున్నారు. కానీ కొన్ని కారణాల వలన సాయంత్రం విడుదల చేశారు. 

ఈ సినిమాలో రవితేజ సరసన మీనాక్షి చౌదరి, డింపుల్ హయతి హీరోయిన్స్ గా నటిస్తున్నారు. దేవీశ్రీ ప్రసాద్ సంగీతం అందించారు. ఈ సినిమాతో పాటు రవితేజ మూడు, నాలుగు సినిమాలను లైన్ లో పెట్టారు. త్రినాధరావు నక్కిన దర్శకత్వంలో 'ధమాకా' సినిమాలో నటించనున్నారు. దీనికి సంబంధించిన అఫీషియల్ అనౌన్స్మెంట్ కూడా వచ్చింది. అభిషేక్ అగర్వాల్ ఆర్ట్స్ బ్యానర్ పై ఈ సినిమాను నిర్మించనున్నారు. 

ఈ సినిమాతో పాటు 'రామారావు ఆన్ డ్యూటీ' అనే సినిమాలో నటిస్తున్నారు. శరత్ మండవ డైరెక్ట్ చేస్తోన్న ఈ సినిమాను మార్చి 25న విడుదల చేయడానికి ప్లాన్ చేస్తున్నారు. దివ్యాంక కౌశిక్, రజిషా విజయన్ హీరోయిన్లుగా నటిస్తున్న ఈ సినిమాలో వేణు తొట్టెంపూడి కీల‌క‌పాత్రలో కనిపించనున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by RAVI TEJA (@raviteja_2628)