అన్వేషించండి

Rakul Preet Singh: స్టార్ హీరోయిన్ బిల్డింగ్‌లో అగ్నిప్రమాదం..

రకుల్ ప్రీత్ సింగ్ ఉండే భవనంలో మంటలు చెలరేగాయి. ముంబైలో ఆమె నివాసముంటున్న బిల్డింగ్ 12వ అంతస్థులో ఒక్కసారిగా మంటలు చెలరేగాయి.

By : ABP Desam | Updated at : 20 Nov 2021 10:17 PM (IST)

స్టార్ హీరోయిన్ బిల్డింగ్‌లో అగ్నిప్రమాదం..

టాలీవుడ్ లో స్టార్ హీరోయిన్ గా గుర్తింపు తెచ్చుకున్న రకుల్ ప్రీత్ సింగ్.. ఇటీవల 'కొండపొలం' సినిమాలో కనిపించింది. ప్రస్తుతం ఆమెకి తెలుగులో ఒక్క సినిమా ఆఫర్ కూడా లేదు. కానీ బాలీవుడ్ లో అరడజనుకి పైగా సినిమాలను లైన్ లో పెట్టింది. ఇదిలా ఉండగా.. రకుల్ ప్రీత్ సింగ్ ఉండే భవనంలో మంటలు చెలరేగాయి. ముంబైలో ఆమె నివాసముంటున్న బిల్డింగ్ 12వ అంతస్థులో ఒక్కసారిగా మంటలు చెలరేగాయి. దీంతో అందరూ భయాందోళనకు గురయ్యారు.

Also Read:ఈ వారం ఎలిమినేట్ అయ్యేది ఎవరంటే..?

సమాచారం అందుకున్న అగ్నిమాపక సిబ్బంది అక్కడకు చేరుకొని మంటలను అదుపులోకి తీసుకొచ్చారు. ఈ ప్రమాదంలో ఎలాంటి ప్రాణనష్టం జరగకపోవడంతో అంతా ఊపిరి పీల్చుకున్నారు. అగ్ని ప్రమాదానికి గల కారణాలు ఇంకా తెలియరాలేదు. ఈ ఘటనపై కేసు నమోదు చేసుకున్నారు పోలీసులు విచారణ చేపట్టారు.

ప్రస్తుతం రకుల్ ముంబైలోనే ఉన్నట్లు సమాచారం. ఇటీవల తన పుట్టినరోజు సందర్భంగా.. రకుల్ తన ప్రేమ విషయాన్ని బయటపెట్టింది. బాలీవుడ్ నటుడు, నిర్మాత జాకీ భగ్నానీతో డేటింగ్ చేస్తోంది రకుల్. త్వరలోనే ఈ జంట పెళ్లి బంధంతో ఒక్కటి కానుంది.