Mem Famous OTT Release: ఓటీటీలోకి వచ్చేస్తున్న 'మేమ్ ఫేమస్' - స్ట్రీమింగ్ ఎప్పుడంటే!

టాలీవుడ్ లో రీసెంట్ టైమ్స్ లో ఆడియన్స్ లో బాగా హైప్ క్రియేట్ చేసిన మూవీ 'మేం ఫేమస్' రిలీజ్ కి ముందే ఈ సినిమా విపరీతమైన పాజిటివ్ బజ్ ని తెచ్చుకుంది. షార్ట్ ఫిలిమ్స్ ద్వారా యూట్యూబ్ లో గుర్తింపు తెచ్చుకున్న సుమంత్ ప్రభాస్ ఈ సినిమాలో హీరోగా నటిస్తూనే దర్శకత్వం బాధ్యతలు చేపట్టారు. ఒక విధంగా ఈ సినిమాతో సుమంత్ ప్రభాస్ హీరోగా, డైరెక్టర్ గా ఒకేసారి టాలీవుడ్ కి ఎంట్రీ ఇచ్చారని చెప్పొచ్చు. 'మేజర్', 'రైటర్ పద్మభూషణ్' వంటి సినిమాలతో బ్లాక్ బస్టర్స్ అందుకున్న లహరి ఫిలిమ్స్, చాయ్ బిస్కెట్ ఫిలిమ్స్ ఈ సినిమాను నిర్మించాయి. శరత్ చంద్ర, అనురాగ్ రెడ్డి, చంద్రు మనోహర్ ఈ సినిమాకి నిర్మాతలుగా వ్యవహరించారు. కాగా పలువురు స్టార్ హీరోలతో ఈ సినిమాని ప్రమోట్ చేయించడంతో సినిమాపై విపరీతమైన హైప్ క్రియేట్ అయింది.

విజయ్ దేవరకొండ, నాని, నాగచైతన్య, అడివి శేష్, నవీన్ పోలిశెట్టి, దగ్గుపాటి రానా, విశ్వక్ సేన్ లాంటి హీరోలంతా ఈ సినిమాని ప్రమోట్ చేయడంతో సినిమాపై అంచనాలు భారీగా పెరిగిపోయాయి. వీళ్ళే కాదు సూపర్ స్టార్ మహేష్ బాబు, రాజమౌళి లాంటి అగ్రతారాలు కూడా ఈ సినిమాని ప్రశంసించారు. ఇక ట్రైలర్ కూడా ఆకట్టుకుంది. మే 26న థియేటర్స్ లో గ్రాండ్గా రిలీజ్ అయిన ఈ సినిమా మొదటి వీకెండ్ మంచి పాజిటివ్ టాక్ ని సొంతం చేస్తుంది. ఆ తర్వాత ఆడియన్స్ నుంచి మిశ్రమ స్పందనను కనబరిచింది. తెలంగాణ నేటివిటీతో కంప్లీట్ విలేజ్ బ్యాక్ డ్రాప్ లో ఈ సినిమా రూపొందింది. ముగ్గురు స్నేహితుల మధ్యన నడిచే సరదా సంభాషణలు, వాళ్ళు ఫేమస్ కావడానికి పడే పాట్లు ఈ సినిమాలో అందరినీ ఆకట్టుకున్నాయి.

అయితే కథ, కథనంలో లోపాలు ఉన్నా కూడా యాక్టర్స్ తమ పర్ఫామెన్స్ తో ఆడియన్స్ ని ఆకట్టుకునే ప్రయత్నం చేశారు. దాంతో బాక్స్ ఆఫీస్ వద్ద ఈ సినిమా డీసెంట్ కలెక్షన్స్ ని అందుకుంది. కాగా తాజాగా ఈ మూవీ ఓటిటి రిలీజ్ కి రెడీ అయినట్లు తెలుస్తోంది. ప్రముఖ ఓటీటీ సంస్థ అమెజాన్ ప్రైమ్ లో 'మేమ్ ఫేమస్' చిత్రం జూన్ 30 నుంచి ఓటీటీ స్ట్రీమింగ్ కి అందుబాటులోకి రానుంది. ఇదే విషయాన్ని అధికారికంగా వెల్లడిస్తూ చిత్ర యూనిట్ ఓ పోస్టర్ని రిలీజ్ చేసింది. థియేటర్స్ లో ఈ సినిమాని మిస్ అయిన ఆడియన్స్ ఇప్పుడు అమెజాన్ ప్రైమ్ వీడియో ఓటీటీలో చూడొచ్చు.

'మేం ఫేమస్' కథ విషయానికొస్తే.. ఇది ఓ పల్లెటూరిలో జరిగే ముగ్గురు యువకుల కథ. బండ్ల నరసంపల్లి అనే పల్లెటూర్లో ముగ్గురు స్నేహితులు బాధ్యతరాహితంగా తిరుగుతుంటారు. అంజి మామ అనే ఒక అతను వాళ్లని ఏదో ఒక పని చేయమని చెప్తాడు. దాంతో ఆ యువకులు టెంట్ హౌస్ బిజినెస్ పెడతారు. కానీ చివరకు ఆ వ్యాపారం కాస్త దెబ్బ తింటుంది. దాంతో ఆ ముగ్గురు యువకులలో ఒకడు బ్రతుకుతెరువు కోసం సిటీకి వెళ్తాడు. మిగిలిన ఇద్దరు యువకులు 'ఫేమస్ టీవీ' అనే యూట్యూబ్ ఛానల్ పెడతారు. ఆ యూట్యూబ్ ఛానల్ తో వాళ్ళు ఏం సాధించారు? వాళ్ళ ఊరిలో ఫేమస్ అవ్వడానికి ఏం పనులు చేశారు? చివరికి వాళ్ళు ఫేమస్ అయ్యారా? లేదా అనేదే ఈ సినిమా కథ.

Also Read: ఉదయనిధి, వడివేలు మూవీ ‘మామన్నన్’ వివాదానికి కారణం ఏమిటీ? కోర్ట్ ఏం చెప్పింది?

 

 

 

 

 

View this post on Instagram

 

 

 

 

 

 

 

 

 

 

 

A post shared by Lahari Music (@laharimusic)