Allu Arjun: అల్లు అర్జున్ ఎక్కడ - ఫ్యామిలీతో కలిసి ఏ దేశానికి వెళ్లారో తెలుసా?

Pushpa 2 The Rule: అల్లు అర్జున్ గడ్డం ట్రిమ్ చేయడం, ఫ్యామిలీతో కలిసి ఫారిన్ ట్రిప్ వెళ్లడం డిస్కషన్ పాయింట్ అయ్యింది. అసలు, ఆయన ఎక్కడికి వెళ్లారు? ఏ దేశంలో ఉన్నారంటే?

అల్లు అర్జున్

Source : https://www.instagram.com/alluarjunonline/

Allu Arjun Family Latest Holiday Destination: ఐకాన్ స్టార్ అల్లు అర్జున్ ఏ సినిమా చేసినా సరే అందులో ఒక స్టైల్ ఉంటుంది. ప్రతి సినిమాలో కొత్తగా కనిపించడం కోసం యూనిక్ స్టైల్ మైంటైన్ చేస్తారు. పుష్ప రాజ్ క్యారెక్టర్ కోసం గడ్డం పెంచారు. 'తగ్గేదే లే' అంటూ గడ్డం కింద చెయ్యి పెట్టి చేసే మేనరిజం పాపులర్ కూడా! ఆ గడ్డం తీసేసి అల్లు అర్జున్ ఫారిన్ హాలిడేకి వెళ్లిన వీడియోలు సోషల్ మీడియాలో వైరల్ అయ్యాయి. ఆయన గడ్డం ఎందుకు తీసేశారు అనేది డిస్కషన్ పాయింట్ అయ్యింది.

'పుష్ప' దర్శకుడు సుకుమార్, బన్నీ మధ్య మనస్పర్థలు వచ్చాయని పుకార్లు షికార్లు చేశాయి. అటువంటి ఏమీ లేదని అల్లు అర్జున్ సన్నిహితుడు 'బన్నీ' వాస్, ఆయన టీమ్ మెంబర్ శరత్ చంద్ర క్లారిటీ ఇచ్చారు. అసలు, ఇప్పుడు అల్లు అర్జున్ ఎక్కడ ఉన్నారు? ఆయన ఫ్యామిలీ ఎక్కడికి వెళ్లిందో తెలుసా?

స్పెయిన్ హాలిడేలో అల్లు అర్జున్ ఫ్యామిలీ
Allu Arjun family holidaying in Spain: 'ఆయ్' సినిమా ప్రెస్‌మీట్‌లో అల్లు అర్జున్ ఫ్యామిలీతో కలిసి ఇటలీ వెళ్లారని 'బన్నీ' వాస్ చెప్పారు. అది నిజమే... ఐకాన్ స్టార్ హాలిడే టూరులో ఇటలీ ఓ డెస్టినేషన్. అయితే... ఆయన మెయిన్ డెస్టినేషన్ అది కాదు. 

స్పెయిన్ లొకేషన్స్ ఎంజాయ్ చేయడానికి, అక్కడ ఫ్యామిలీతో కలిసి క్వాలిటీ టైమ్ స్పెండ్ చేయడానికి అల్లు అర్జున్ వెళ్లారని విశ్వసనీయ వర్గాల ద్వారా తెలిసింది. గడ్డం ట్రిమ్ చేసిన లుక్ వైరల్ అయ్యింది కదా, అది స్పెయిన్ ఫ్లైట్ జర్నీలోనిది. అక్కడ నుంచి ఇటలీ వెళ్లడం ఈజీ. అదీ సంగతి! 'పుష్ప' కోసం అల్లు అర్జున్ షూట్ చేయాల్సిన సన్నివేశాలు కొన్ని ఉన్నాయి. అయితే... వాటికి టైమ్ ఉంది. సో... హాలిడే నుంచి బన్నీ రావడానికి కొంచెం టైమ్ పట్టవచ్చు.

'పుష్ప 2' షూటింగ్ స్టేటస్ ఏంటి?
'బన్నీ' వాస్ చెప్పిన ప్రకారం... అల్లు అర్జున్ మరొక 15 రోజులు షూటింగ్ చేస్తే 'పుష్ప 2'లో ఆయన క్యారెక్టర్ వరకు షూటింగ్ పార్ట్ కంప్లీట్ అవుతుంది. అయితే, మలయాళ హీరో ఫహాద్ ఫాజిల్ మీద తీయాల్సిన సన్నివేశాలు కొన్ని ఉన్నాయి. ముందుగా వాటిని షూట్ చేసి, ఆ తర్వాత బన్నీ పార్ట్ షూట్ చేయాలని దర్శకుడు సుకుమార్ ప్లాన్ చేశారు. అందువల్ల, అల్లు అర్జున్ 'పుష్ప 2' సెట్స్ మీదకు రావడానికి ఎలా లేదన్నా 30, 35 రోజులు పడుతుంది. ఈలోపు ఆ గడ్డం కూడా పెరుగుతుంది. అందువల్ల, చిత్రీకరణకు ఎటువంటి ఇబ్బంది ఉండదు.

ఫ్యామిలీతో హాలిడే టూర్ కనుక అల్లు అర్జున్ గడ్డం ట్రిమ్ చేశారని 'బన్నీ' వాస్ తెలిపారు. నెక్స్ట్ షెడ్యూల్ స్టార్ట్ అయ్యేసరికి ఎన్ని రోజులు పడుతుందో లెక్క వేసుకుని మరీ ఇటలీకి వెళ్లారని చెప్పారు. అదీ సంగతి.