Chiranjeevi AD: ఊరికినే మెగాస్టార్ అయిపోరు... నెట్టింట వైరల్ అవుతున్న చిరంజీవి కొత్త యాడ్

Chiranjeevi Country delight Ad: మెగాస్టార్ చిరంజీవి లేటెస్ట్ యాడ్ సోషల్ మీడియాలో వైరల్ అవుతోంది. హరీష్ శంకర్ డైరెక్షన్ చేసిన ఈ యాడ్ లో చిరు లుక్ అదిరిపోయింది.

చిరంజీవి

Source : https://www.youtube.com/watch?v=pWxy9kqe1YQ&ab_channel=CountryDelight

వినాయక చవితి సందర్భంగా రామ్ చరణ్ గేమ్ చేంజర్ పోస్టర్ మెగా అభిమానులకు ఫీస్ట్ గా నిలిచింది. అయితే అంతకంటే ఎక్కువ సంతోషాన్నిచ్చే వీడియో  ఒకటి సోషల్ మీడియాలో హల్ చల్ చేస్తోంది. చిరంజీవి చేసిన ఓ అడ్వర్టైజ్ మెంట్ ట్రెండింగ్ లోకి వచ్చింది. మిల్క్ బ్రాండ్ కోసం చిరు ఈ యాడ్ చేశారు. హరీష్ శంకర్ దీనికి డైరెక్టర్. ఈ యాడ్ లో చిరు పర్ఫామెన్స్ అదుర్స్ అంటున్నారు. కమర్షియల్ యాడ్ సంగతి పక్కనపెడితే... ఇది అభిమానులకు విజువల్ ఫీస్ట్ లా ఉంది. ఊరికినే మెగాస్టార్ అయిపోరు అంటూ చివర్లో వినిపించే డైలాగ్ ఈ యాడ్ కే హైలైట్. 

మిల్క్ బ్రాండ్ అడ్వర్టైజ్ మెంట్ ని చాలా డిఫరెంట్ గా ప్లాన్ చేశారు దర్శకుడు హరీష్ శంకర్. అడ్వర్టైజ్ మెంట్ మేకింగ్ నే ఫైనల్ యాడ్ గా ప్రజెంట్ చేశారు. ఇందులో తన డైలాగ్ వెర్షన్ ప్రిపేర్ అవుతుంటారు చిరంజీవి. ఒరిజినల్ యాడ్ తీసింది దర్శకుడు హరీష్ శంకర్ అయితే, ఈ యాడ్ లో కనిపించే యాడ్ ఫిలిం మేకర్ కమెడియన్ సత్య.

సత్య షాట్ రెడీ అనగానే చిరంజీవిలో నుంచి ఆత్మారావు బయటకొస్తాడు. ఈ ఆత్మారావు మనకు అన్నయ్య సినిమాలో కనపడతాడు. అన్నయ్య మూవీలో కామెడీని ఓ రేంజ్ కి తీసుకెళ్లింది ఈ ఆత్మారావే. సరిగ్గా ఆ క్యారెక్టర్ ని ఇక్కడ యాడ్ కోసం వాడుకున్నారు. యాడ్ లో నటించే చిరంజీవి క్లాస్ గా ఉంటే, ఆత్మారావుది మాస్ క్యారెక్టర్. గీతల చొక్కా, లుంగీ, కళ్లద్దాలు పెట్టుకుని ఆత్మారావు ఎంట్రీ ఇస్తాడు. వీరిద్దరి మధ్య జరిగే కాన్వర్జేషన్ లోనే పాల బ్రాండ్, దాని గొప్పదనం, పాలను బుక్ చేసుకునే యాప్... అన్ని వివరాలు చెప్పించారు. 

ఇప్పటి వరకు మనం సగటు కమర్షియల్ యాడ్స్ చాలానే చూసి ఉంటాం. చిరంజీవి చేసిన యాడ్స్ కూడా చాలానే చూశాం. కానీ వాటన్నిటికీ డిఫరెంట్ గా ఈ యాడ్ ఉంది. అందులోనూ ఇద్దరు మెగాస్టార్స్ స్క్రీన్ పై కనపడి చేసే హంగామా ఓ రేంజ్ లో ఉంది. కేవలం 60 సెకన్ల యాడ్ గురించి మనం ఇంతలా మాట్లాడుకుంటున్నామంటే... అది ఏ స్థాయిలో ఉందో అర్థం చేసుకోవచ్చు. ముఖ్యంగా ఇందులో చిరంజీవి పర్ఫామెన్స్, ఆయన్ను హరీష్ శంకర్ బాగా చూపించారని అభిమానులు అంటున్నారు.

మెగాస్టార్ వరుస సినిమాలు చేస్తున్నా ఆయన్నుంచి అభిమానులు ఇంకా ఏదో ఎక్స్ పెక్ట్ చేస్తున్నారు. ఆమధ్య వచ్చిన వాల్తేరు వీరయ్య ఆ లోటుని కాస్త భర్తీ చేసింది. ఇప్పుడీ యాడ్ లో చిరంజీవి స్టైల్, గ్రేస్, మాస్ క్యారెక్టరైజేషన్ అభిమానులకు బాగా నచ్చాయి. అన్నయ్యను తాము ఇలాగే స్క్రీన్ పై చూడాలనుకుంటున్నామని, ఈ విషయంలో హరీష్ శంకర్ కి థ్యాంక్స్ అని అంటున్నారు అభిమానులు. ప్రస్తుతం ఈ యాడ్ సోషల్ మీడియాలో ట్రెండింగ్ లో ఉంది. చిరంజీవి తమ బ్రాండ్ కి ప్రచారం కల్పించడం ఒక ఎత్తు అయితే, దానికి ఈ స్థాయిలో ఫ్రీ ప్రమోషన్ రావడం నిజంగా ఆ సంస్థకు డబుల్ బొనాంజా అనే చెప్పాలి.