Gaami Trailer Out: నాకు ఈ సమస్య ఎప్పుడు వచ్చింది? ఇక్కడ బతకలేను.. నా వల్ల కాదు - అఘోరగా భయపెట్టిన విశ్వక్, 'గామి' ట్రైలర్ చూశారా?
Vishwak Sen: విశ్వక్ సేన్ గామి ట్రైలర్ రిలీజైంది. సరికొత్త పాత్రలో అలరించబోతున్న విశ్వక్ సేన్ లుక్, పాత్ర ట్రైలర్లో ఆసక్తిగా చూపించారు. అఘోరాలు, దేవదాసి చూట్టూ ఈ ట్రైలర్ ఆసక్తిగా సాగింది
Gaami Trailer Release: విష్వక్ సేన్ లేటెస్ట్ మూవీ 'గామి' త్వరలో ప్రేక్షకుల ముందుకు రాబోతుంది. కొత్త డైరెక్టర్ విద్యాధర్ దర్శకత్వంలో తెరకెక్కిన ఈ సినిమా మార్చి 8న ప్రేక్షకుల ముందుకు రాబోతుంది. మూవీ ప్రమోషన్స్ను వేగవంతం చేసిన మేకర్స్ తాజాగా ట్రైలర్ రిలీజ్ చేశారు. ఇప్పటికే ఈ సినిమా నుంచి విడుదలైన ప్రచార పోస్టర్స్, టీజర్ మూవీపై అంచనాలు పెంచాయి. అఘోరగా విశ్వక్ లుక్కు భారీ బజ్ క్రియేట్ అయ్యింది.
రీసెంట్గా ఈ సినిమా నుంచి వదిలిన టీజర్ తో ఒక్కసారిగా అంచనాలు పెరిగిపోయాయి. ఈ క్రమంలో తాజాగా మూవీ టీం మూవీ ట్రైలర్ రిలీజ్ చేసింది. ఒక వింత జబ్బుతో బాధపడుతున్న హీరో దానిని నుంచి బయటపెడేందుకు అఘోరలు అతడికి సాయం చేస్తాయి. అయితే ఆ సమస్య నుంచి అతడు బయటపడటానికి 36 ఏళ్లకి ఒకసారి హిమాలయాల్లో జరిగే అద్భుతానికి సంబంధం ఉంటుంది. దాని కోసం హిమలయాలకు వెళ్లిన హీరోకు ఎదురైన పరిణామాలు, దైవశక్తి చూట్టూ ఈ ట్రైలర్ ఉత్కంఠగా సాగింది.
ట్రైలర్లో ఏముందంటే
నేను ఎవరో? ఎక్కడి నుంచి వచ్చానో? ఈ సమస్య ఎప్పుడు వచ్చింది? ఇక్కడ ఎందుకు ఉన్నాను? నాకేం గుర్తు రావడం లేదు అంటూ విశ్వక్ సేన్ డైలాగ్తో ఈ ట్రైలర్ మొదలైంది. అనంతరం అఘోర పాత్ర ఒకటి మా మేలు కోసం నువ్వు ఆశ్రమం వీడాల్సి ఉంటుంది అని అనడం, దానికి మరో వ్యక్తి అతడికి ఉన్న సమస్యతో ఎక్కడికిపోతాడు. ఎలా బతుకుతాడంటారు. ఆ తర్వాత అతడి సమస్యకు పరిష్కరం హిమలయాల్లోనే ఉందని చెబుతూ ట్రైలర్ ఆద్యాంతంగా ఆసక్తిగా మలిచారు. అలాగే ట్రైలర్ దేవదాసి పాత్రని పరిచయం చేశారు. మొత్తానికి ఈ ట్రైలర్ మూడు పాత్రల చూట్టు తిరిగింది హీరో అఘోర పాత్ర, దేవదాసి, బంధిగా ఉన్న ఓ కుర్రాడి పాత్ర ట్రైలర్పై ఆసక్తిని పెంచుతున్నాయి. ఈ ముగ్గురికి ఉన్న సంబంధం ఏంటీ, అసలు హీరో అఘోరగా ఎందుకు మారాడు అనేది మార్చి 8న థియేటర్లో సినిమా చూసి తెలుసుకోవాల్సిందే.
హీరో విశ్వక్ సేన్ వరుస సినిమాలతో దూసుకుపోతున్నారు. సక్సెస్, ఫెయిల్యూర్ అనే తేడా లేకుండా తనకు నచ్చిన చిత్రాలను చేసుకుంటూ వెళ్తున్నారు. గత కొంత కాలంగా ఆయన సినిమాలన్నీ బాక్సాఫీస్ దగ్గర మంచి విజయాన్ని అందుకుంటున్నాయి. క్లాస్, మాస్ అనే తేడా లేకుండా ఎలాంటి క్యారెక్టర్ లోనైనా ఈజీగా పరకాయ ప్రవేశం చేసి నటిస్తారు విశ్వక్. మాస్ రోల్స్కి కేరాఫ్ అయిన విశ్వక్ ఈసారి సరికొత్తగా గెటప్తో, వైవిధ్యమైన కథతో ఫ్యాన్స్ని అలరించేందుకు రెడీ అవుతున్నాడు. విశ్వక్ సేన్ చాలా కాలంగా గామి సినిమాకు సంబంధించి అప్ డేట్స్ ఇస్తూ వస్తున్నారు.
Also Read: దీపికా పదుకొణె ప్రెగ్నెంట్.. ఇప్పుడు ప్రభాస్ 'కల్కి' పరిస్థితి ఏంటి?
విద్యాధర్ దర్శకత్వంలో రూపొందుతున్న ఈ సినిమా నిజానికి ఎప్పుడో ప్రేక్షకుల ముందుకు రావాల్సి ఉంది. అయితే, అనుకున్న సమయానికి షూట్ కంప్లీట్ కాలేదు. ఈ సినిమా పనులు సైతం నత్తనడకన సాగాయి. ఈ సినిమాను ఎలాగైనా విడుదల చేయాలని చిత్రబృందం భావిస్తోంది. ఈ సినిమాలో విశ్వక్ ఓ సరికొత్త పాత్రలో కనిపించబోతున్నారు. ఈ మూవీలో అఘోరా అవతారంలో దర్శనం ఇవ్వబోతున్నారు. గతంలో ఈ సినిమాకు సంబంధించి విడుదలైన టీజర్ లో ఆయన క్యారెక్టర్ పై ఓ క్లారిటీ వచ్చింది. ఈ పాత్ర నభూతో నభవిష్యతి అన్నట్లు ఉండబోతుందట.
టాప్ హెడ్ లైన్స్
ట్రెండింగ్ వార్తలు
