Ghani Tickets: ప్రేక్షకులకు గుడ్ న్యూస్, వరుణ్ తేజ్ ‘గని’ టికెట్ ధరలపై ప్రభుత్వం కీలక నిర్ణయం

Gani Movie Ticket Rates: సినిమా టికెట్ ధరలు ప్రేక్షకుల నడ్డి విరుస్తున్నాయి. ఇటీవల థియేటర్లలో సందడి చేసిన ‘RRR’ చిత్రం అధిక ధరలకు విక్రయించిన సంగతి తెలిసిందే. భారీ బడ్జెట్ చిత్రం కావడం వల్ల తెలుగు రాష్ట్రాల ప్రభుత్వాలు ఆ సినిమాకు టికెట్ ధరలను పెంచుకొనేందుకు అవకాశాన్ని కలిగించాయి. దీంతో ప్రజలు కష్టమైనా.. సినిమా మీద, రాజమౌళి మీద ఉన్న నమ్మకంతో ఆ చిత్రాన్ని ఆధరిస్తున్నారు. అయితే, ఈ ధరలు మిగిలిన చిత్రాలకు కొనసాగిస్తారా అనే సందేహం ప్రజల్లో ఉంది. ఈ నేపథ్యంలో తెలంగాణ ప్రభుత్వం కీలక నిర్ణయం తీసుకుంది. 

ప్రేక్షకులను థియేటర్‌కు రప్పించాలంటే టికెట్ ధరలను తగ్గించడం ఒక్కటే సరైన మార్గమని, ముఖ్యంగా చిన్న చిత్రాలు ఆధరణకు నోచుకోవాలంటే టికెట్ ధరలు అందుబాటులో ఉండాలని ప్రభుత్వం భావిస్తున్నట్లు తెలుస్తోంది. ఈ నేపథ్యంలో ‘గని’ చిత్రానికి టికెట్ ధరలు తగ్గిస్తున్నట్లు ప్రకటించింది. మల్టీ‌ప్లెక్స్‌, సింగిల్ స్క్రీన్ థియేటర్లకు ప్రత్యేకమైన ధరలను నిర్ణయించింది. వరుణ్ తేజ్ నటిస్తున్న ‘గని’ సినిమా ధరలను తగ్గించింది. 

తగ్గించిన ‘గని’ టికెట్ ధరలు ఇవే: 
⦿ మల్టీ‌ప్లెక్స్‌లు: రూ.200 + GST
⦿ సింగిల్ స్క్రీన్స్: GSTతో కలిపి రూ.150 

Also Read: ‘అనసూయా, పొట్టి బట్టలేసుకుని ఆడపడుచుల పరువు తీస్తున్నావ్’, రంగమత్త స్పందన ఇది!

బాక్సింగ్ బ్యాక్‌డ్రాప్ ఫ్యామిలీ యాక్షన్ డ్రామాగా తెరకెక్కతున్న ఈ చిత్రానికి కిరణ్ కొర్రపాటి దర్శకత్వం వహించారు. అల్లు బాబీ, సిద్దు ముద్దా నిర్మాతలు. ‘గని’ ఏప్రిల్ 8న ప్రపంచవ్యాప్తంగా ప్రేక్షకుల ముందుకు రానుంది. నదియా, ఉపేంద్ర, జగపతి బాబు, సునీల్ సెట్టి, సాయి మంజ్రేకర్, నరేష్, నవీన్ చంద్ర ఈ చిత్రంలో కీలక పాత్రలు పోషిస్తున్నారు.

Also Read: అఖిల్ ‘ఆడ’ పంచాయతీ, మైకు విసిరేసిన బిందు - చేయని తప్పుకు శిక్ష, ఇదిగో ఆధారం!

 

 

 

 

 

View this post on Instagram

 

 

 

 

 

 

 

 

 

 

 

A post shared by Varun Tej Konidela (@varunkonidela7)

 

 

 

 

 

View this post on Instagram

 

 

 

 

 

 

 

 

 

 

 

A post shared by Varun Tej Konidela (@varunkonidela7)