Anushka Shetty: రూ.5 కోట్ల మూవీ ఆఫర్‌కు సింపుల్‌గా నో చెప్పేసిన అనుష్క, ఎందుకు అలా చేశావ్ స్వీటీ?

ఒక్క సినిమాకు రూ.5 కోట్లు రెమ్యునరేషన్ ఇస్తామంటే ఏ హీరోయిన్ అయినా ఇట్టే ఓకే చెప్పేస్తుంది. కానీ, స్టార్ హీరోయిన్ అనుష్క మాత్రం సింపుల్ గా నో చెప్పింది. ఇంతకీ ఆ నిర్ణయం ఎందుకు తీసుకుందో తెలుసా?

హీరోయిన్ అనుష్క(Photo Credit: Anushka Shetty/Instagram)

Actress Anushka Shetty Rejected 5 Crore Movie Offer: సినిమా పరిశ్రమలో హీరోలతో పోల్చితే హీరోయిన్ల కెరీర్ డ్యురేషన్ చాలా తక్కువ. గతం హీరోయిన్లు 10 నుంచి 15 ఏండ్లు కొనసాగినా.. ఇప్పుడు వస్తున్న హీరోయిన్లు ఇలా వచ్చి అలా మాయం అవుతున్నారు. కొద్ది మంది మాత్రమే సక్సెస్ ఫుల్ గా కెరీర్ కొనసాగిస్తున్నారు. అలాంటి వారిలో ఒకరు అనుష్క శెట్టి. సౌత్ ఫిల్మ్ ఇండస్ట్రీలో స్టార్ హీరోయిన్ గా ఎదిగిన ఆమె, ప్రస్తుతం అడపాదడపా సినిమాలు చేస్తోంది. తాజాగా ఈ ముద్దుగుమ్మకు అదిరిపోయే ఆఫర్ వచ్చిందట. కానీ, ఆమె సింపుల్ గా నో చెప్పిందట. ఇంతకీ ఆమెకు వచ్చిన ఆఫర్ ఏంటి? ఎందుకు నో చెప్పిందంటే?  

రూ. 5 కోట్ల ఆఫర్ ను రిజెక్ట్ చేసిన అనుష్క

రీసెంట్ గా ఓ స్టార్ హీరో సినిమాలో నటించాలని అనుష్కను మేకర్స్ సంప్రదించారట. ఈ మూవీకి ఓకే చెప్తే ఏకంగా రూ. 5 కోట్ల రూపాయలు రెమ్యునరేషన్ ఇస్తామని చెప్పారట. కానీ, వారి ఆఫర్ ను అనుష్క ఒప్పుకోలేదట. తాను ఈ సినిమా చేయాలేనని చెప్పిందట. దానికి కారణం లేకపోలేదు. నిజానికి చాలా కాలంగా అనుష్క నటనా ప్రాధాన్యత ఉన్న పాత్రలను మాత్రమే చేస్తోంది. నటనకు స్కోప్ లేకుండా కేవలం అందాల ప్రదర్శన చేసే పాత్రలకైతే నిర్మొహమాటంగా నో చెప్పేస్తుంది. తాజాగా వచ్చిన రూ. 5 కోట్ల ఆఫర్ కూడా ఇంచుమించు అలాంటిదేనట. స్టార్ హీరో సినిమాలో తన క్యారెక్టర్ కు అనుకున్న స్థాయిలో ప్రాధాన్యత లేదని గుర్తించిన అనుష్క చేయలేనని చెప్పిందట. ఇలాంటి క్యారెక్టర్స్ చేయడం వల్ల తనకు ఉన్న క్రెడిబులిటీ దెబ్బతింటుందని చెప్పుకొచ్చిందట. 

అనుష్క నిర్ణయంపై నెటిజన్ల ప్రశంసలు

కెరీర్ అనుకున్న స్థాయిలో కొనసాగకున్నా, మంచి క్యారెక్టర్లు మాత్రమే చేయాలనే తన నిర్ణయానికి కట్టుబడి ఈ సినిమాను రిజెక్ట్ చేసిన అనుష్క మీద సినీ అభిమానులు ప్రశంసలు కురిపిస్తున్నారు. డబ్బులు ఇస్తే చాలా ఏమైనా చేయడానికి రెడీ అనుకున్న హీరోయిన్లు అనుష్కను చూసి నేర్చుకోవాలని నెటిజన్లు కామెంట్స్ పెడుతున్నారు.  

వరుస సినిమాలు చేస్తున్న అనుష్క

ప్రస్తుతం అనుష్క మూడు సినిమాల్లో నటిస్తోంది. వాటిలో రెండు తెలుగు సినిమాలు ఉండగా, మరొకటి మలయాళం సినిమా. క్రిష్ జాగర్లమూడితో కలిసి ‘గాటీ’ అనే సినిమాలో నటిస్తోంది. ప్రస్తుతం ఈ సినిమా షూటింగ్ కొనసాగుతోంది. ఇప్పటికే విడుదలైన ప్రీ లుక్ పోస్టర్ కు మంచి క్రేజ్ లభించింది. సినిమాపై భారీగా అంచనాలు పెంచింది. వాస్తవ ఘటనల ఆధారంగా ఈ సినిమా తెరకెక్కిస్తున్నట్లు తెలుస్తోంది. అటు మలయాళంలో ‘కథనార్’ అనే మూవీలో నటిస్తోంది. రోజిన్ థామన్ ఈ సినిమాను పీరియాడిక్ ఫాంటసీ థ్రిల్లర్ గా రూపొందిస్తున్నారు. ఇందులో అనుష్క దెయ్యంగా కనిపించనున్నట్లు టాక్ వినిపిస్తోంది. ఇక అనుష్క తెలుగులో చివరగా ‘మిస్ శెట్టి మిస్టర్ పొలిశెట్టి’ సినిమాలో కనిపించింది. నవీన్ పొలిశెట్టి హీరోగా నటించిన ఈ సినిమా మంచి సక్సెస్ అందుకుంది. ఈ సినిమా ఏకంగా రూ. 50 కోట్లు వసూళు చేసింది.