'టైగర్ 3' సెట్‌లో గాయపడ్డ సల్మాన్ ఖాన్

Salman Khan : బాలీవుడ్ నటుడు సల్మాన్ ఖాన్ గాయపడ్డాడు. మనీష్ శర్మ దర్శకత్వంలో రూపుదిద్దుకున్న 'టైగర్ 3' మూవీ సెట్లో తాను గాయపడినట్టు సోషల్ మీడియా ద్వారా తెలియజేశారు. ప్రస్తుతం 'టైగర్ 3' షూటింగ్ శరవేగంగా జరుగుతోంది. 'ఏక్ థా టైగర్', 'టైగర్ జిందా హై' తర్వాత సూపర్ హిట్ టైగర్ ఫ్రాంచైజీలో ఈ సినిమా రూపొందుతోంది.

ఈ సందర్భంగా నటుడు సల్మాన్ తన బేర్ బ్యాక్ చిత్రాన్ని సోషల్ మీడియాలో పోస్ట్ చేశాడు. ఈ పోస్టులో అతని భుజం వెనుక భాగంలో భారీ కట్టు ఉంది. ఈ ఫొటోతో పాటు “ప్రపంచపు బరువును మీ భుజాలపై మోస్తున్నారని అనుకుంటున్నట్టయితే.. ప్రపంచాన్ని పక్కన పెట్టి 5 కిలోల డంబెల్ ను ఎత్తి చూపించండి అని రాసుకొచ్చాడు. దాంతో పాటు 'టైగర్ జఖ్మీ హై' అంటే పులి గాయపడింది అంటూ ‘టైగర్ 3’ హ్యాష్ ట్యాగ్ ను జత చేశాడు. 

తాజాగా సల్మాన్ ఖాన్ షేర్ చేసిన ఈ పోస్ట్ సోషల్ మీడియాలో వైరల్ కావడంతో అభిమానులు పలు రకాలుగా స్పందిస్తున్నారు. ఆయన త్వరగా కోలుకోవాలని ఆకాంక్షిస్తున్నారు. దయచేసి మిమ్మల్ని మీరు జాగ్రత్తగా చూసుకోండి అని కోరుతున్నారు. 

Wen u think u r carrying the weight of the world on your shoulders , he says duniya ko chodo paanch kilo ka dumbbell utha ke dikhao .Tiger Zakhmi Hai . #Tiger3 pic.twitter.com/nyNahitd24

— Salman Khan (@BeingSalmanKhan) May 18, 2023

ఇక 'టైగర్ 3' ఈ దీపావళికి థియేటర్లలోకి రానుంది. ఈ చిత్రంలో సల్మాన్ తో పాటు అలనాటి అందాల తార రేవతి మరోసారి కలిసి నటించబోతోంది. స్పై యాక్షన్‌ థ్రిల్లర్‌ జోనర్‌లో తెరకెక్కుతున్న ఈ చిత్రంలో 'టైగర్‌ 3' చిత్రంలో సల్మాన్‌ ఖాన్‌ను కమాండ్ చేసే రా ఆఫీసర్‌ పాత్రలో రేవతి కనిపించనుందని ఇన్‌సైడ్‌ టాక్‌. టైగర్‌ ప్రాంఛైజీలో వస్తున్న ఈ సినిమాపై అంచనాలు భారీగానే ఉన్నాయి. బాలీవుడ్ బాద్షా షారూఖ్ ఖాన్ అతిథి పాత్రలో కనిపించనున్నారు. ఈ చిత్రం కోసం షారుఖ్ తన జుట్టును పొడవుగా పెంచుతున్నాడని, త్వరలో సల్మాన్‌తో తన సన్నివేశాన్ని షూట్ చేయనున్నాడని సమాచారం. 'టైగర్ 3' కి ముందు, సల్మాన్, SRK కలసి సిద్ధార్థ్ ఆనంద్ బ్లాక్ బస్టర్ పఠాన్‌లో కలిసి కనిపించారు. సల్మాన్ ఖాన్‌తో పాటు, టైగర్ 3లో ఇమ్రాన్ హష్మీ నటిస్తున్నారు. ఇమ్రాన్ విలన్ గా కనిపించనున్నారు. కత్రినా కైఫ్ కూడా ఈ సినిమాలో భాగం కానుంది. ఈ సినిమాలో వీరందరితో పాటు అశుతోష్‌ రాణా, అనుప్రియా గోయెంకా, రిద్ధి డోగ్రా, అంగద్‌ బేడి కీలక పాత్రలు పోషిస్తున్నారు. 

సల్మాన్ ఖాన్ ఇటీవలే 'ద-బాంగ్' రీలోడెడ్ టూర్‌లో భాగంగా కోల్‌కతాలో ప్రదర్శన ఇచ్చాడు. సోనాక్షి సిన్హా, పూజా హెగ్డే, జాక్వెలిన్ ఫెర్నాండెజ్, ఆయుష్ శర్మ, మనీష్ పాల్, గురు రంధవాతో సహా అనేక మంది స్టార్స్ ఈ టూర్ లో భాగమయ్యారు. కోల్‌కతా అందించిన ప్రేమకు చాలా ధన్యవాదాలని సల్మాన్ ఈ సందర్భంగా చెప్పాడు.  అంతేకాకుండా పశ్చిమ బెంగాల్ సీఎం మమతా బెనర్జీని కూడా ఆయన కలిశాడు.

Read Also : నడవలేని స్థితిలో ‘జబర్దస్త్’ రోహిణి - 10 గంటలు సర్జరీ, కానీ..