Tamannaah Bhatia: గోవా క్లబ్‌లో తమన్నా డ్యాన్స్... నిమిషానికి కోటి - టోటల్ 6 కోట్లు తీసుకుందట

ఇటీవల మిల్కీ బ్యూటీ తమన్నా గోవాలో డ్యాన్స్ పెర్ఫార్మన్స్ ఇచ్చారు. ఓ క్లబ్ ఈవెంట్ లో ఆమె పాల్గొన్నారు. ప్రజెంట్ ఆ వీడియోలు వైరల్ అవుతున్నాయి. ఇంతకీ, ఆ డ్యాన్స్ కోసం ఆవిడ ఎంత తీసుకుందో తెలుసా?

గోవాలోని ఓ క్లబ్ ఈవెంట్ లో తమన్నా డ్యాన్స్ పెర్ఫార్మన్స్ ఇచ్చారు.

Source : instagram

మిల్కీ బ్యూటీ తమన్నా భాటియా (Tamannaah Bhatia Goa Performance) భారత దేశంలోని అగ్రశ్రేణి నటీమణులలో ఒకరు. ఆమె తన నటనతో అభిమానుల హృదయాలను గెలుచుకుంది. ఆమె ఐటమ్ సాంగ్స్‌ బాగా వైరల్ అవుతాయి. 'ఆజ్ కి రాత్', 'గఫూర్' వంటి పాటలు సూపర్ హిట్ అయ్యాయి. ఇటీవల డిసెంబర్ 31, 2025న గోవాలోని ఒక క్లబ్‌లో న్యూ ఇయర్ ఈవెంట్‌లో ప్రదర్శన ఇచ్చింది తమన్నా.

6 నిమిషాల ప్రదర్శనకు 6 కోట్లు

తమన్నా డాన్స్ పెర్ఫార్మెన్స్‌ వైరల్ అవుతోంది. నీలం రంగు దుస్తుల్లో ఆమె చాలా ఆకర్షణీయంగా కనిపించింది. ఆమె డాన్స్ వీడియోలు కూడా వైరల్ అవుతున్నాయి. అయితే, ఈ ఒక్క ప్రదర్శనకు ఆమె ఎంత ఫీజు తీసుకుందో తెలుసా? ఇప్పుడు తమన్నా, ఆ డాన్స్ పెర్ఫార్మెన్స్‌ కోసం తీసుకున్న అమౌంట్  కూడా వైరల్ అవుతోంది. 'సియాసత్' నివేదిక ప్రకారం, తమన్నా 6 నిమిషాల ప్రదర్శనకు 6 కోట్ల రూపాయల రెమ్యూనరేషన్ తీసుకుంది. డాన్స్ నంబర్లకు అత్యధిక ఫీజు తీసుకునే నటీమణులలో తమన్నా ఒకరు.

 

 

 

 

 

View this post on Instagram

 

 

 

 

 

 

 

 

 

 

 

A post shared by PapaPaparazzi (@papapaparazziofficial)

తమన్నా స్పెషల్ సాంగ్స్‌ చేసిన సినిమాలు హిట్టే

తమన్నా నటించిన 'జైలర్'లోని 'కావాలా' సాంగ్, 'స్త్రీ 2'లోని 'ఆజ్ కి రాత్', 'రెడ్ 2'లోని 'నషా' పాటలు బాగా హిట్ అయ్యాయని చెప్పాలి. ఈ పాటలకు మిలియన్ల వ్యూస్ వచ్చాయి. 'రెడ్ 2' సినిమాకు ఆమె 5 కోట్ల రూపాయలు ఫీజుగా తీసుకుంది. 'జైలర్' సినిమాకు 3 కోట్ల రూపాయలు తీసుకుంది.

తమన్నా కెరీర్ విషయానికి వస్తే... 2005లో 'చాంద్ సా రోషన్ చెహ్రా' సినిమాతో ఆమె అరంగేట్రం చేసింది. ఆ తర్వాత ఆమె అనేక తమిళ చిత్రాల్లో నటించింది. ఆమె హిందీ సినిమాల విషయానికి వస్తే... 'వీరమ్', 'ఎంటర్‌టైన్‌మెంట్', 'తూత్క్ తూత్క్ తూతియా', 'బాహుబలి', 'ఖమోషి', 'బబ్లీ బౌన్సర్', 'లస్ట్ స్టోరీస్ 2', 'వేద', 'సికిందర్ కా ముకద్దర్' వంటి చిత్రాల్లో నటించింది. ఇప్పుడు ఆమె చేతిలో అనేక సినిమాలు ఉన్నాయి. ఆమె 'ఓ రోమియో', 'రెంగర్', రోహిత్ శెట్టి దర్శకత్వంలో తెరకెక్కుతున్న చిత్రంలో కనిపించనుంది. సినిమాల షూటింగ్ జరుగుతోంది. 'ఓ రోమియో' షూటింగ్ పూర్తయింది. తమన్నా పెళ్లి గురించి ఆ మధ్య వార్తలు వినిపించినా... ఇప్పుడు అటువంటిది ఏమీ లేదని చెప్పాలి. ఇప్పట్లో పెళ్లి చేసుకునే ఆలోచన ఉన్నట్టు ఆమె చెప్పడం లేదు.