Mahesh Babu: మహేష్ బాబును ఇబ్బంది పెట్టిన అనిల్ కపూర్ - నేను సీనియర్, నో చెప్పడానికి వీల్లేదు!
Mahesh Babu: 'యానిమల్' ప్రీ రిలీజ్ ఈవెంట్ కు గెస్టుగా హాజరైన హీరో మహేశ్ బాబు.. బాలీవుడ్ నటుడు అనిల్ కపూర్ తో కలిసి డ్యాన్స్ చేశారు.
Mahesh Babu Dance at Animal Pre Release Event: సూపర్ స్టార్ మహేష్ బాబు ఏదైనా సినిమా ఫంక్షన్స్ లో, పబ్లిక్ ఈవెంట్స్ లో మాట్లాడటానికి కాస్త ఇబ్బంది పడుతుంటారు. ఇక స్టేజ్ మీద డైలాగ్స్ చెప్పమన్నా, డ్యాన్స్ చేయమన్నా తనవల్ల కాదని సున్నితంగా రిజెక్ట్ చేస్తుంటారు. 'సర్కారు వారి పాట' సక్సెస్ సెలబ్రేషన్స్ ఈవెంట్ లో తొలిసారిగా కాలు కదిపారు మహేశ్. ఇన్నాళ్లకు మళ్లీ స్టెప్పులేయాల్సి వచ్చింది. అది కూడా తన బ్లాక్ బస్టర్ మూవీ 'పోకిరి'లోని పాటకు డ్యాన్స్ చేయాల్సి వచ్చింది. దీనికి 'యానిమల్' ప్రీ రిలీజ్ ఈవెంట్ వేదికైంది.
సందీప్ రెడ్డి వంగా దర్శకత్వంలో బాలీవుడ్ హీరో రణబీర్ కపూర్, రష్మిక మందన్న జంటగా నటించిన చిత్రం 'యానిమల్'. డిసెంబర్ 1న పాన్ ఇండియా స్థాయిలో విడుదల కాబోతున్న ఈ సినిమా ప్రీ రిలీజ్ ఈవెంట్.. హైదరాబాద్ లోని మల్లారెడ్డి యూనివర్సిటీలో గ్రాండ్ గా జరిగింది. ఈ కార్యక్రమానికి అగ్ర దర్శకుడు ఎస్ఎస్ రాజమౌళితో పాటుగా మహేష్ బాబు ముఖ్య అతిథిలుగా హాజరై, సందడి చేశారు. ఈ సందర్భంగా మహేష్ స్టేజ్ మీద డ్యాన్స్ చేసి ఫ్యాన్స్ ను అలరించే ప్రయత్నం చేశారు.
ఈవెంట్ లో బాలీవుడ్ నటులు బాబీ డియోల్, అనిల్ కపూర్ మాట్లాడిన తర్వాత.. యాంకర్ సుమ వారిద్దరినీ వేదికపై డాన్స్ చేయమని కోరారు. దేనికైనా రెడీ అన్న అనిల్ కపూర్.. మహేష్ బాబు సినిమాలోని పాట ప్లే చేయమని అడిగారు. అంతేకాదు తనతో పాటుగా మహేష్, రణబీర్ కపూర్ కూడా డాన్స్ చేయాలని కోరారు. దీనికి మహేష్ నవ్వుతూ, దండం పెడుతూ తన వల్ల కాదన్నట్టు తప్పించుకునే ప్రయత్నం చేశారు. అయితే అనిల్ కపూర్ మాత్రం మహేశ్ స్టేజ్ మీదకి రావాల్సిందేనని పట్టుబట్టారు.
Also Read: కాసుల వర్షం కురిపిస్తున్న కోస్టల్ బ్యాక్ డ్రాప్!
‘నేను మీ సీనియర్ ని.. మీరు నో చెప్పడానికి లేదు’ అంటూ అనిల్ కుమార్ సరదాగా ఆర్డర్ వేయడంతో, ఇక తప్పదన్నట్లు మహేష్ రణ్‌బీర్ తో కలిసి వేదికపైకి వెళ్లారు. అప్పుడు ‘పోకిరి’ సినిమాలోని ‘డోలె డోలె’ పాట ప్లే చేయడంతో, మహేష్ సింపుల్ గా చేతులను ఊపుతూ తన స్టెప్పులను రీ క్రియేట్ చేసారు. దీనికి అనిల్ కూడా కాలు కదుపుతూ ఉత్సాహంగా డ్యాన్స్ చేశారు. ఆ వెంటనే మహేష్ ఆయన్ని హగ్ చేసుకొని స్టేజ్ దిగిపోయారు. మొత్తానికి ఈ సీన్ మహేశ్ ని కాస్త ఇబ్బంది పెట్టినప్పటికీ, ఫ్యాన్స్ మాత్రం తమ అభిమాన హీరో స్టెప్స్ చూసి మురిసిపోయారు. మహేశ్ డ్యాన్స్ వీడియో ప్రస్తుతం నెట్టింట వైరల్ గా మారింది.
When Anil Kapoor teases super star Mahesh Babu for a dance!#Animal pic.twitter.com/oclhaW5Xl7
— idlebrain.com (@idlebraindotcom) November 27, 2023
ఇకపోతే 'యానిమాల్' ప్రీ రిలీజ్ ఈవెంట్ లో మహేష్ బాబు స్పెషల్ అట్రాక్షన్ గా నిలిచారు. ఎప్పటిలాగే ఎలాంటి హంగామా లేకుండా చాలా సింపుల్ గా టీ షర్ట్ - జీన్స్ ధరించిన సూపర్ స్టార్.. మరోసారి తన సింప్లిసిటీని చాటుకున్నారు. ఈ కార్యక్రమంలో చిత్ర బృందంతోపాటు తెలంగాణా మంత్రి మల్లారెడ్డి, టాలీవుడ్ స్టార్ ప్రొడ్యూసర్ దిల్‌ రాజు కూడా పాల్గొన్నారు. ఈ సందర్భంగా మల్లారెడ్డి మాట్లాడుతూ.. మహేశ్ బాబు నటించిన ‘బిజినెస్‌ మ్యాన్’ సినిమా చూసి తాను రాజకీయాల్లోకి వచ్చానని, ఎంపీ అయ్యానని చెప్పడం సోషల్ మీడియాలో వైరల్ అవుతోంది.
టాప్ హెడ్ లైన్స్
ట్రెండింగ్ వార్తలు
