Maama Mascheendra First Look: 'మామా మశ్చీంద్ర' - సుధీర్ బాబు కొత్త సినిమా ఫస్ట్ లుక్ వచ్చింద్రా 

Sudheer 15 Update: సుధీర్ బాబు కథానాయకుడిగా నటుడు, రచయిత హర్షవర్ధన్ దర్శకత్వంలో రూపొందుతోన్న సినిమాకు 'మామా మశ్చీంద్ర' టైటిల్ ఖరారు చేశారు. 

'మామా మశ్చీంద్ర'లో సుధీర్ బాబు

యువ హీరో సుధీర్ బాబు 15వ చిత్రానికి 'మామా మశ్చీంద్ర' టైటిల్ ఖరారు చేశారు (Sudheer Babu New Movie Update). ఈ రోజు ఆయన పుట్టినరోజు సందర్భంగా టైటిల్ వెల్లడించడంతో పాటు ఫస్ట్ లుక్ (Maama Mascheendra First Look) విడుదల చేశారు. ఈ చిత్రానికి నటుడు, రచయిత హర్షవర్ధన్ దర్శకత్వం వహిస్తున్నారు. శ్రీ వెంకటేశ్వర సినిమాస్ పతాకంపై నారాయణ్ దాస్ కె. నారంగ్, పుస్కూర్ రామ్ మోహన్ రావు నిర్మిస్తున్నారు.

మరో ఇంట్రెస్టింగ్ అప్‌డేట్‌ ఏంటంటే... 'మామా మశ్చీంద్ర'లో సుధీర్ బాబు సరసన ఈషా రెబ్బా, 'గద్దలకొండ గణేష్' ఫేమ్ మృణాళిని రవి కథానాయికలుగా నటిస్తున్నారు. యాక్షన్ కామెడీగా ఈ సినిమా రూపొందుతోంది. ప్రస్తుతం హైదరాబాద్‌లో షూటింగ్ జరుగుతోంది. ఇందులో సుధీర్ బాబు డీజే రోల్ చేస్తున్నారు. తెలుగు, హిందీ భాషల్లో ఈ సినిమాను రూపొందిస్తున్నారు. రెండు భాషల్లో ఫస్ట్ లుక్ పోస్టర్లు విడుదల చేశారు. 'మామా మశ్చీంద్ర'తో సుధీర్ బాబుకు నిట్రో స్టార్ అనే బిరుదు ఇచ్చారు.

Fun & action have no language barrier 🥳 #MaamaMascheendra!! Also in Hindi this time! 😃 Let's go! 🕺🏻@HARSHAzoomout @chaitanmusic @pgvinda #NarayanDasNarang @puskurrammohan @SVCLLP pic.twitter.com/RIil9JOJYi

— Sudheer Babu (@isudheerbabu) May 11, 2022

'మామా మశ్చీంద్ర' కాకుండా తనకు 'సమ్మోహనం' వంటి సూపర్ హిట్ ఇచ్చిన మోహనకృష్ణ ఇంద్రగంటి దర్శకత్వంలో సుధీర్ బాబు మరో సినిమా చేస్తున్న 'ఆ అమ్మాయి గురించి మీకు చెప్పాలి' (Aa Ammayi Gurinchi Meeku Cheppali) సంగతి తెలిసిందే. అందులో దర్శకుడి పాత్ర చేస్తున్నారు. సుధీర్ బాబు పుట్టినరోజు సందర్భంగా ఆయన స్పెషల్ పోస్టర్ విడుదల చేశారు. 

#AaAmmayiGurinchiMeekuCheppali Team wishes our very own @isudheerbabu garu a very happy and successful year ahead 🎂❤️

We are excited to see you in theatres soon! #HBDSudheerBabu #MohanaKrishnaIndraganti @IamKrithiShetty @benchmarkstudi5 pic.twitter.com/pNaBtClkDA

— Mythri Movie Makers (@MythriOfficial) May 11, 2022