Sonu Sood: ఏపీ విద్యార్థిని చదువుకు బాధ్యత తీసుకున్న సోనూ సూద్ - మరోసారి రియల్ హీరో అనిపించుకున్న రీల్ విలన్
Sonu Sood: ఇప్పటికే ఎన్నో వేలమందికి సాయం చేసి రియల్ హీరో అనిపించుకున్నారు సోనూ సూద్. తాజాగా ఏపీలో ఒక విద్యార్థిని చదువు కోసం ఇబ్బందిపడుతుందని తెలిసి తనకు సాయం చేస్తానని మాటిచ్చారు.
Sonu Sood: ఎవరికైనా కష్టం వచ్చిందని తెలిస్తే కొందరు సినీ సెలబ్రిటీలు సాయం చేయడానికి ముందుంటారు. అలా కోవిడ్ సమయంలో చాలామంది వలస కార్మికులకు, పేదవారికి సాయం చేసి అందరి దృష్టిలో రియల్ హీరోగా మారారు సోనూ సూద్. అప్పటినుండి ఎవరైనా కష్టాల్లో ఉన్నారని తెలిస్తే చాలు.. తనకు కుదిరినంత వరకు వారికి సహాయపడుతున్నారు. ఇప్పటికీ సోనూ సూద్ సహాయ కార్యక్రమాలు ఆపడం లేదు. సోషల్ మీడియాలో ఆయనను ట్యాగ్ చేసి ఎవరు సాయం అడిగినా ఆయన ఏ మాత్రం ఆలోచించకుండా సాయం చేయడానికి ముందుకొస్తున్నారు. తాజాగా అలాంటి ఘటన మరొకటి జరిగింది.
ఆర్థికంగా సాయం..
చాలామందికి చదువుకోవాలని ఉన్నా ఆర్థిక పరిస్థితి సహకరించకపోవడంతో చదువును మధ్యలోనే ఆపేయాల్సి వస్తుంది. ఆంధ్రప్రదేశ్‌లోని బనవనూరుకు చెందిన మాదిగ దేవీ కుమారి అనే అమ్మాయికి కూడా అదే పరిస్థితి. తనకు బీఎస్‌సీ చదవాలని ఉన్నా కూడా పేదరికం వల్ల ఫీజు కట్టే పరిస్థితి లేక తన చదువు ఆగిపోయింది. తనకు ఎవరైనా ఆర్థికంగా సాయం చేస్తారేమో అని ఎదురుచూడడం మొదలుపెట్టింది. దీంతో ఒక నెటిజన్.. దేవీ కుమారి పరిస్థితిని చూసి, దానిగురించి తన సోషల్ మీడియాలో అప్లోడ్ చేశారు. తన ఆర్థిక పరిస్థితి గురించి, తన కష్టాల గురించి దేవీ కుమారి.. ఆ పోస్ట్‌లో చెప్పుకొచ్చింది. దీంతో సోనూ సూద్ హృదయం కరిగింది.
ప్లీజ్ సాయం చేయండి..
‘తను ఆంధ్రప్రదేశ్‌లోని బనవనూర్‌కు చెందిన మాదిగ దేవీ కుమారి. తను చాలా పేద కుటుంబానికి చెందింది. బీఎస్‌సీ చదువుకోవాలని అనుకుంటోంది. మీరు ఏదైనా చేయగలరు సోనూ సార్. ప్లీజ్ ఈ అమ్మాయికి హెల్ప్ చేయండి’ అంటూ సోనూ సూద్‌కు ఈ సమాచారాన్ని అందించారు ఆ నెటిజన్. దీంతో సోనూ సూద్ కూడా వెంటనే స్పందించారు. ‘తనకు నచ్చిన కాలేజ్‌లో అడ్మిషన్ వచ్చేలాగా నేను చూస్తాను’ అని మాటిచ్చారు. దీంతో సోనూ సూద్ మంచి మనసుకు నెటిజన్లంతా మరోసారి ఫిదా అవుతున్నారు. ఇప్పటికీ ఎవరికి ఏం కష్టం వచ్చినా ఆయనను ట్యాగ్ చేస్తే చాలు అని అభిప్రాయం వ్యక్తం చేస్తున్నారు.
I will make sure she gets admission in a college of her choice 🤍👍 https://t.co/uIwQkVwW1M
— sonu sood (@SonuSood) July 19, 2024
డైరెక్టర్‌గా కూడా..
ఇక సోనూ సూద్ సినిమాల విషయానికొస్తే.. ఆయన ప్రస్తుతం బాలీవుడ్‌తో పాటు సౌత్ సినిమాల్లో కూడా బిజీగా ఉన్నారు. అంతే కాకుండా హిందీలో ‘ఫతే’ అనే చిత్రాన్ని డైరెక్ట్ చేయడంతో పాటు ఆయన స్వయంగా నటించారు. సైబర్ నేరస్తుల గురించి ప్రేక్షకుల్లో అవగాహన తీసుకొని రావడం కోసం దేశవ్యాప్తంగా జరిగిన కొన్ని సైబర్ నేరాల ఆధారంగా ఈ చిత్రాన్ని తెరకెక్కించారు సోనూ సూద్. ప్రస్తుతం ఈ సినిమాకు సంబంధించిన పోస్ట్ ప్రొడక్షన్ పనులు వేగంగా జరుగుతున్నాయి.
Also Read: కన్వార్ యాత్ర వివాదంపై సోనూ సూద్ ట్వీట్‌, కౌంటర్ ఇచ్చిన కంగనా రనౌత్
టాప్ హెడ్ లైన్స్
ట్రెండింగ్ వార్తలు
